Zeremi 26:2 - NYANMIƐN NDƐ'N 1998

² «Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Zeremi 26:2 ပူးပေါင်းရင်းမြစ်များ

Zeremi 1:17

Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Zeremi 1:7

Yɛ Anannganman'n seli min kɛ: «Nán se kɛ a ti bakan, sran nga n sunman wɔ bé sin'n, kɔ be kwlaa bé sin. Ndɛ kwlaa nga n waan a `kan'n, kan.

Zeremi 19:14

Kɛ Zeremi fin Tɔfɛt lɔ kan Anannganman'n sunmɛnnin i kɛ ɔ `ko kɛn i nuan ndɛ'n lɔ bali'n, ɔ ko jrannin Nyanmiɛn i sua'n i awlo'n nun. Ɔ seli sran nga be o lɛ'm be kwlaa kɛ:

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Zeremi 25:2

Zeremi kusu wa kan kleli sran mun, ɔ kɛnnin i Zidafuɛ mun nin Zerizalɛmfuɛ'm be nyrun. I waan:

Zeremi 28:5

Yɛ Nyanmiɛn nuan ijɔfuɛ Zeremi tɛli Nyanmiɛn nuan ijɔfuɛ Anania su Nyanmiɛn nyrun jranfuɛ nin sran nga be o Anannganman i sua nun'n be nyrun lɛ'n, ɔ seli kɛ:

Zeremi 36:10

Sran'm be kwlaa be nyrun yɛ Barik kanngannin Zeremi i ndɛ'n ng'ɔ o fluwa'n nun nin-ɔn. Awa'n i fluwa klɛfuɛ Safan i wa Gɛmaria i sua ba'n nun lɔ yɛ ɔ kɛnngɛnnin i sɔ-ɔ. Sua sɔ'n wo Nyanmiɛn i sua'n i awlo'n i nglo lɔ lika liɛ'n nun, ɔ o Nyanmiɛn i awlo'n i anuan nga be flɛ i anuan uflɛ'n i wun lɔ.

Zeremi 42:4

Zeremi waan: «An kɛn i sɔ-ɔ, n tili. N wa srɛ Anannganman amun Nyanmiɛn'n. I kwlaa ng'ɔ kan'n, n ´kan kle amun n su fia-man wie fi sa su.»

Zeremi 7:2

I waan ɔ ko jran Nyanmiɛn i sua'n i anuan'n nun nan ɔ `kan ndɛ ng'ɔ o yɛ'n man sran'm be ti: «Zidafuɛ mun, amun `tie ndɛ nga Anannganman kan'n, amun bɔ an sin anuan nga nun'n, an ko koto Anannganman'n i bo'n.

Zeremi 7:27

«Zeremi, a kan ng'ɔ o lɛ'n kle be-ɔ, be su fa-man bé ti de-man. A flɛ be-ɔ, be su tɛ-man wɔ su.

Ezekiɛl 3:10

Ɔ kɛnnin ekun kɛ: «Ezekiɛl, fa ndɛ nga n ´kɛn i yɛ'n sie ɔ klun, fa ɔ́ su sie ndɛ'n nga n wa kɛn i yɛ'n kwlaa i bo.

Ezekiɛl 33:7

Klɔ sran, wɔ yɛ n sieli wɔ kɛ gladi difuɛ sa Izraɛlfuɛ'm be jɔ bolɛ'n ti. Sie ɔ́ su nan tie min ndɛ nan bo sa nga be wa ju'n be jɔ kle Izraɛlfuɛ mun.

Ezekiɛl 40:4

Sran sɔ'n seli min kɛ: «Klɔ sran, nian kpa, yɛ sie ɔ́ su! Nian like nga n wa fa kle wɔ'n su kpa, afin n fali wɔ m bali wa kɛ a wa nian like sɔ'n. I sin'n, like nga a wun i'n, ko kan i kwlaa nun ndɛ kle Izraɛlfuɛ mun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 19:47

Cɛn kwlaa ɔ kle be like Nyanmiɛn i sua'n nun, sanngɛ Nyanmiɛn nyrun jranfuɛ dandan mun nin mmla klefuɛ mun, ɔ nin mɛn kpɛnngbɛn mun be kunndɛ i kunwlɛ.

Jean 18:20

Jésus seli i kɛ: «N kan kleli sran'm be kwlaa nzra nun, yɛ cɛn'n kwlaa kɛ Zuif'm be yia Nyanmiɛn ndɛ suanlɛ nin i srɛlɛ sua'm be nun nin Nyanmiɛn i sua nun'n, n kle be like. M'an kan-man ndɛ fi nvialiɛ nun.

Jean 8:2

Kɛ aliɛ cɛnnin nglɛmun kpa'n, ɔ sɛli i sin Nyanmiɛn i sua'n nun lɔ ekun. Sran'm be kwlaa be bɛli i wun lɛ. Ɔ trannin ase yɛ ɔ sɔli be like klelɛ'n su-ɔ.

Sa nga bé yôli'n 20:20

An si kɛ sa kwlaa b'ɔ ko yo amun kpa'n, m'an fia-man wie fi su amun wun. N kɛn i kwlaa kleli amun, n yiyi nun weiin kleli amun nzra nun nin awlo'm be nun.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

Sa nga bé yôli'n 5:25

Sran wie ɔ'a tili be klɛ kɛ: «An `nian, minniɛn'm bɔ an wlali be bisua'n be o Nyanmiɛn i sua'n nun lɔ be su kle sran'm be like. »

Sa nga bé yôli'n 5:42

Cɛn kwlaa be yaci-man Jésus-Krist jasin fɛ'n i bolɛ nin i klelɛ Nyanmiɛn i sua'n nun nin awlo'm be nun.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Zozie 8:35

Zozie kanngannin mmla nga Moiz mannin be'n i ngba kleli nzrafuɛ'm be kwlakwla. Ɔ'a yaci-man ba kun sa lɛ. Kɛ ɔ ´kanngan'n kle be'n, bla mun, ba kanngan mun, ɔ nin aofuɛ nga be o Izraɛlfuɛ'm be afiɛn'n be o be nun wie.

Sa nglô yile 22:19

Yɛ sɛ sran wie kpɛ fluwa nga b'ɔ kle sa ng'ɔ wa ju'n i nun ndɛ'n wie yi'n, Nyanmiɛn man i liɛ su tran-man waka b'ɔ man nguan'n, nin Nyanmiɛn klɔ bɔ be ndɛ o fluwa nga nun'n nun wie .