Zeremi 26:18 - NYANMIƐN NDƐ'N 1998

¹⁸ «Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 26:18 ပူးပေါင်းရင်းမြစ်များ

2 Famiɛn Mun 19:25

Sankerib, ɔ kpa'n, a si-man kɛ n siesieli sa sɔ mun lalaa ɔ'a cɛ. Nán ndɛ yɛ m'an gugu kɛ be `ju-ɔ. Sa nga n sieli be laa'n, be su ju ndɛkɛn. Min yɛ man a fa klɔ nga be si bé wun talɛ bɔ yɛbuɛ ngunmin yɛ ɔ ka be osu lɛ nin-ɔn.

2 Be Nyoliɛ 32:26

Ezekias nin i wun tulɛ sɔ'n ngba'n, ɔ nin Zerizalɛmfuɛ'm be wunnin bé fɔnlɛ nga be fɔnnin'n. I sɔ'n ti Anannganman ɔ'a yo-man i ya b'ɔ fali'n i su sa Ezekias nyin su.

Neemi 4:2

Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

Jue Mun 79:1

Jue nga ti Azaf liɛ. I waan: Ee Nyanmiɛn, aofuɛ wie'm b'a fa ɔ lika'n, b'a yo ɔ́ sua'n i fiɛn, yɛ b'a bubu Zerizalɛm klɔ wunmuan'n, ɔ'a kaci kɛ yɛbuɛ kwle sa.

Zeremi 17:3

Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Mise 4:1

Cɛn wie lele Anannganman i kpɔlɛ'n su sua'n, oka ndɛnndɛn kpa'm bé ti su lɔ yɛ be ´ko kplɛn i-ɔ. Kpɛkuun mɛn nunfuɛ'm be kwlaa be ti wa yia lɛ.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»