Zeremi 26:16 - NYANMIƐN NDƐ'N 1998

¹⁶ Kpɛkuun famiɛn i awlo lɔ sran dandan mun nin sran nga be o lɛ'm be kwlaa be seli Nyanmiɛn nyrun jranfuɛ mun nin Nyanmiɛn nuan ijɔfuɛ'm be kɛ: «Bian nga nin wulɛ fata-man. Anannganman e Nyanmiɛn'n yɛ ɔ fali ndɛ ng'ɔ kannin'n wlɛli i nuan kɛ ɔ `kan-an.»

Zeremi 26:16 ပူးပေါင်းရင်းမြစ်များ

Ɛstɛr 4:14

Sɛ ɔ waan a ko wun-man famiɛn'n wun'n, Zuif'm bé delɛ'n ´fin lika uflɛ ´ba. Be ´fite nun, sanngɛ a nin ɔ́ si i akpasua liɛ'n, amun ´wu. ?I kpa'n, sɛ sa nga ti yɛ man a kacili famiɛn i yi nin a o, e wun i wlɛ sɛ?»

Jue Mun 94:16

?N ´nyan wan yɛ ɔ nin klunwifuɛ'm be ´kun man min-ɔn? ?N ´nyan wan yɛ ɔ nin sa tɛ yofuɛ'm be ´yia nun man min-ɔn?

Nyanndra Mun 16:7

Sɛ Anannganman klo sran kun nantilɛ'n, sɛ ɔ wie i kpɔfuɛ mun bɔbɔ o, ɔ siesie i nin be be afiɛn.

Zeremi 26:11

Yɛ Nyanmiɛn nyrun jranfuɛ mun nin Nyanmiɛn nuan ijɔfuɛ'm be seli famiɛn'n i awlo lɔ sran dandan mun nin sran nga be o lɛ'm be kɛ: «Ɔ kannin klɔ nga i wun ndɛ tɛ, yɛ amun bɔbɔ be tili i lɛ-ɔ, ɔ man i ti be `kun i.»

Zeremi 34:10

Famiɛn'n i awlo lɔ sran dandan'm, be nin sran'm bé nuan dun mmua sɛli bé wun, ɔ man be kwlaa be kplinnin su kɛ be ´yaci be afanniɛn'm be nun nan be fa-man be yo-man be afanniɛn kun. Be kplinnin su, kusu be yacili be nun.

Zeremi 36:19

Yɛ famiɛn i awlo lɔ sran dandan'm be seli Barik kɛ: «Kɔ nan a nin Zeremi amun ko fia. Nán sran fi wun amun.»

Zeremi 36:25

Ɛlnatan nin Dɛlaza, ɔ nin Gɛmaria be srɛli famiɛn'n kɛ nán ɔ yra fluwa'n. Be srɛli i lele ngbɛn, ɔ'a di-man su.

Zeremi 37:15

Kɛ i su kpɛn'm be tili i sɔ'n, be fali ya Zeremi wun nan b'a bo i b'a wlɛ i bisua fluwa klɛfuɛ Zonatan i sua lɔ. I blɛ sɔ nun'n, wuun b'a fa sua sɔ'n b'a yo bisua.

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

JÉSUS-CHRIST I DYASIN FE'N BO LUC KLELI'N 23:41

E liɛ'n ti i nuan su, afin sa nga e yoli'n, i nuan sa yɛ y'a nyɛn i-ɔ, sanngɛ bian nga liɛ'n ɔ'a yo-man sa fi.»

JÉSUS-CHRIST I DYASIN FE'N BO LUC KLELI'N 23:47

Kɛ sonja ya su kpɛn'n wunnin sa sɔ'n, ɔ manmannin Nyanmiɛn yɛ ɔ seli kɛ: «Bian nga ti nanwlɛfuɛ sakpa.»

Sa nga bé yôli'n 23:29

N wunnin kɛ be mmla'n i wun ndɛ wie ti yɛ be sɛnmɛnnin i-ɔ, sanngɛ b'a wun-man sa nga be ´jran su be kun i'n annzɛ be ´wlɛ bisua'n.

Sa nga bé yôli'n 23:9

Ɔ yoli ndɛnngan dan kpa, yɛ Farizifuɛ'm be nun mmla klefuɛ'm be jaoli-ɔ, be jrannin nun kekle kpa, be seli kɛ: «Bian nga, e wun-man sa fi i wun. Wienun-ɔn like wie annzɛ anz wie kan ndɛ wie kleli i.»

Sa nga bé yôli'n 25:25

N liɛ'n, m'an wun-man kɛ ɔ yoli sa bɔ i ti yɛ be ´kun i-ɔ, sanngɛ i bɔbɔ waan ɔ ´fɛ i ndɛ'n kɔ Nannan Sezar ja su, yɛ n kusu n waan sɛ n fɛ i ko mɛn i'n, ɔ ti kpa.