Zeremi 26:15 - NYANMIƐN NDƐ'N 1998

¹⁵ Sanngɛ man amun wun i wlɛ kɛ sɛ amun kun min'n, wuun amu'an kun min ngbɛn, m'an yo-man sa, ɔ man kusu amun ´fɛ i su afɛ'n, amun o, klɔ nga o, i sufuɛ mun o, amun ´fɛ i su afɛ'n. Afin nanwlɛ, Anannganman'n yɛ ɔ sunmannin min amun sin kɛ n kan ndɛ sɔ'n kwlakwla n kle amun-ɔn.»

Zeremi 26:15 ပူးပေါင်းရင်းမြစ်များ

Bo Bolɛ 4:10

Yɛ Nyanmiɛn seli i kɛ: «?Ɔ yo sɛ ti yɛ a yoli sɔ-ɔ? Abɛl i mmoja bɔ a guɛli i ase'n ɔ ti kɛ sran yɛ ɔ su kpan flɛ min kɛ n tu i klunngbɔ sa .

Bo Bolɛ 42:22

Yɛ Ribɛn waan: «?Kɛ n seli amun kɛ nán an yo ba sɔ'n i tɛ'n, an fali amún su tieli? Siɛn'n yɛ e su wa tannin i wie'n i kalɛ yɛ.»

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

2 Be Nyoliɛ 24:22

Zɔas wla fili ye nga bɔ Zɛozada b'ɔ ti Zakari i si'n yoli i'n su. Ɔ kunnin i wa'n. Kwlaa nan Zakari ɔ'a wu'n, ɔ kpannin kɛ: «Man Anannganman wun sa ng'ɔ o yɛ'n, yɛ man ɔ fa usa amun.»

Nyanndra Mun 6:16

Anannganman i nyin ci like nsiɛn: tutre kun, gblɛ kun, sran kunlɛ kun, sran wun akunndan tɛ bulɛ kun, sa tɛ yolɛ bɔ be fa cici bé ti'n kun, yɛ lalofuɛ ng'ɔ di-man ndɛ nanwlɛ'n. Sanngɛ kun ekun o lɛ bɔ i nyin ci i tra su, yɛlɛ sran ng'ɔ kpɛ lare yi i niaan nnyɔn be afiɛn'n.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 2:34

Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 22:17

Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 22:3

Anannganman'n wan yoo: ‹An `di jɔlɛ nanwlɛ nun. An `de sran mun be nga be fɛn sran'm be bo ninnge'n be sa nun. Nán an yo aofuɛ nin aika ba ɔ nin angboti bla'm be tɛtɛ. Sran nga bɔ b'a yo-man sa'n, nán an kun be lika nga nun wa.

Zeremi 26:12

Yɛ Zeremi seli famiɛn i awlo lɔ sran dandan mun nin sran nga be o lɛ'm be kwlaa kɛ: «Anannganman'n yɛ ɔ sunmannin min kɛ n `kan sua nga nin klɔ nga bé wun ndɛ nga an tili i lɛ nin-ɔn.

Zeremi 30:1

Anannganman'n kannin ndɛ ng'ɔ o yɛ'n kleli Zeremi. I waan:

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Kalɛ 35:33

Nán amun yo mɛn nga amun tran nun'n i fiɛn. Sran kunlɛ'n kusu saci mɛn. Sɛ be kun sran kun'n, wuun mɛn'n ɔ'a saci. A ´wun kɛ mɛn sɔ'n ɔ ´kpɛn su ekun'n, wuun b'a kun sran ng'ɔ kunnin sran'n wie.

Matthieu 26:25

Zidas b'ɔ fɛ i mannin sran mun'n ɔ usɛli i kɛ: «?Baba, min-ɔn?» Jésus seli i kɛ: «Ɛɛn, yɛ ɔ́ nuan o su lɛ-ɔ.»

Matthieu 26:4

kɛ be ´kunndɛ ngwlɛlɛ wafa nga be ´fa tra Jésus be kun i'n.

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Mmla'n 19:10

Kɛ ɔ ´yo nan sran nga ɔ'a yo-man sa tɛ'n, b'a kun-mɛn i mɛn nga Anannganman amun Nyanmiɛn'n ɔ'a fa man amun kɛ amun tran nun'n i nun, nan ɔ'a yo-man kɛ amun ti yɛ b'a kun i'n ti.

Sa nglô yile 16:6

Afin be kunnin ɔ sran mun nin ɔ́ nuan ijɔfuɛ mun, ɔ man mmoja nga a fa mannin sran kunfuɛ sɔ mun'n be kɛ be nɔn'n, ɔ ti su .»