Zeremi 26:1 - NYANMIƐN NDƐ'N 1998

¹ Zozias b'ɔ ti Zida famiɛn'n i wa Zozakim'n i famiɛn dilɛ'n i bo bolɛ nun'n, Anannganman'n kannin ndɛ yɛ'n kleli Zeremi. I waan:

Zeremi 26:1 ပူးပေါင်းရင်းမြစ်များ

1 Be Nyoliɛ 3:15

Zozias i mma mun yɛlɛ be nga be o yɛ mun: i klikli'n yɛlɛ Zosanan, i nnyɔn su'n yɛlɛ Zozakim, i nsan su'n yɛlɛ Sedesias, i nnan su'n yɛlɛ Salɔm.

Zeremi 1:3

Ɔ kannin ndɛ kleli i ekun famiɛn Zozias b'ɔ ti Zida famiɛn'n i wa bɔ be flɛ i Zozakim'n i blɛ su lele fa juli Zozias i wa Sedesias b'ɔ ti Zida famiɛn'n i sielɛ'n i afuɛ blu-nin-kun'n i anglo nnun'n su. Ɔ kannin ndɛ kleli i lele juli blɛ bɔ be trali Zerizalɛmfuɛ mun be lomuɛn ɔli'n.

Zeremi 25:1

Zida nvle'n i wun ndɛ nga Nyanmiɛn kan kleli Zeremi'n yɛ, Zozias b'ɔ ti Zida famiɛn'n i wa Zozakim i sielɛ'n i afuɛ nnan'n su yɛ ɔ kannin ndɛ sɔ'n kleli i-ɔ. Babilɔni famiɛn Nɛbikadnɛzar kusu i sielɛ'n i afuɛ klikli'n su-ɔ.

Zeremi 27:1

Kɛ Zozias b'ɔ ti Zida famiɛn'n i wa Sedesias boli mɛn'n i sielɛ bo'n, Anannganman kannin ndɛ yɛ'n kleli Zeremi. Ɔ seli i kɛ:

Zeremi 35:1

I nun bɔ Zozias b'ɔ ti Zida famiɛn'n i wa Zozakim tɛ o famiɛn bia'n su'n, Anannganman'n seli Zeremi kɛ yoo:

Zeremi 36:1

Zozias b'ɔ ti Zida famiɛn i wa Zozakim i sielɛ'n i afuɛ nnan'n su yɛ Anannganman'n kannin ndɛ yɛ'n kleli Zeremi-ɔ. I waan: