Zeremi 24:9 - NYANMIƐN NDƐ'N 1998

⁹ Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 24:9 ပူးပေါင်းရင်းမြစ်များ

1 Famiɛn Mun 9:7

i liɛ'n, n ´kan amun bo mɛn nga n fa mannin amun'n i nun, yɛ sua nga n fali min dunman sieli su'n, n su bu-mɛn i like fi kun, kpɛkuun nvle'm be nunfuɛ'm be kwlaa be ´yo amun finfin, be ´srisri amun.

2 Be Nyoliɛ 7:20

n ´tu amun min mɛn nga n fa mannin amun'n nun, yɛ sua nga n fali min dunman n sieli su'n, n su bu-mɛn i like fi kun. Ɔ ´yo kɛ wannzo nin nyannzuɛn like sa nvle-nvle'm be nunfuɛ'm be kwlaa be nyrun .

Jue Mun 69:11

N waan man n yo mín wun aunnvuɛfuɛ nan n `ci nglɛmun! Sanngɛ wuun blɛ li yɛ be ´kpɛ min nzowa-a.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 65:15

Sɛ amun wu'n, min sufuɛ nga be ´ka amún sin wa'n, be ´fa amun dunman'n yɛ be ´fa wa sran'm be amuɛn-ɔn. Be ´se kɛ: Man Anannganman kun wɔ kɛ sran nga sa annzɛ kɛ sran nga sa. Sanngɛ min sufuɛ'm be liɛ'n, m ´man be dunman uflɛ .

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 25:18

N fa mannin Zerizalɛmfuɛ mun nin Zida klɔ'm be nunfuɛ mun. N fa mannin famiɛn mun nin be awlo lɔ sran dandan mun, nan be nunnun, nan sɛ sran'm be wun be-ɔ, be `bo kitika, be `fa be di flɛn, be `fa be bo sannzan .

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 29:22

Zidafuɛ nga be fali be ɔli Babilɔni'n, be ´fa be dunman'n fa bo sannzan kɛ: Man Anannganman yo wɔ kɛ ɔ fa yoli Sedesias nin Akab bɔ Babilɔni famiɛn'n yili be sin nun'n sa.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 44:12

Zida nvle'n nun sran onga kan bɔ be kali lɛ bɔ be waan be wu be bla nan san Ezipt yɛ be ´wanndi kɔ'n nan be ´kɔ tran lɔ'n, n ´fa be, be kwlaa be ´wu. Be ´wu Ezipt asiɛ'n su. Sɛ nán alɛ'n yɛ ɔ di be'n, awe'n yɛ ɔ ´kun be-ɔ. Ɔ lɛ-man be nun kun, be kwlaa'n be ´wu kpan. Sɛ sran wie waan ɔ su bo sannzan, sɛ sran wie waan ɔ ´kan sa sroesroe wie ndɛ'n, annzɛ sɛ ɔ su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ ɔ ´bo-ɔ.

Zeremi 44:13

Be bɔ be wanndi bali Ezipt'n, sa nga n fa wlali Zerizalɛmfuɛ'm be nun'n, i kunngba'n yɛ n ´fa wla be nun-ɔn. Alɛ, nin awe, annzɛ kusu tukpacɛ b'ɔ sa ndɛndɛ'n wie yɛ n ´fa yi be su-ɔ.

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Ezekiɛl 23:46

Afin min Anannganman Nyanmiɛn n wan yoo: ‹Man sran'm bé bo yo kun be jaso bé wun, n ´fa be n wlɛ i akluntitiɛ nun. Yɛ be ´fɛn bé bo ninnge mun.

Ezekiɛl 25:3

Se be kɛ: ‹Amun `sie amun su amun tie Anannganman Nyanmiɛn i nuan su ndɛ'n. Anannganman Nyanmiɛn wan yoo: Kɛ bɔ amun srili min sua'n bɔ be yoli i wannzo, kɛ bɔ amun srili Izraɛl asiɛ'n blɛ b'ɔ sacili nin Zida awlo'n blɛ bɔ be trali lɔfuɛ mun be lomuɛn ɔli'n,

Ezekiɛl 26:2

«Klɔ sran, Tirfuɛ'm be yo Zerizalɛm finfin be se kɛ: ‹Klɔ bɔ sran kwlaa sin su'n, ɔ'a bubu. Siɛn'n bɔ Zerizalɛm ɔ'a bubu'n, junman ng'ɔ di'n ɔ'a ka e sa nun. Ɔ ´yo nvuɛn, yɛ e klɔ liɛ'n kusu ´yi.

Ezekiɛl 5:8

I sɔ'n ti, Zerizalɛmfuɛ mun, e nin amun y'a nyɛn i. Amun fɔ nga n wa tu amun'n, ɔ wa yo klɔ'n i afiɛn kpa sa, kɛ ɔ ´yo nan nvle uflɛ'm b'a wun i'n ti.

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.

Mmla'n 28:37

Nvle nga Anannganman ´fa amun ´kɔ be nun'n, be nunfuɛ'm bé nuan ´bo bé wun. Be ´srisri amun, be ´yo amun finfin.