Zeremi 24:7 - NYANMIƐN NDƐ'N 1998

⁷ M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 24:7 ပူးပေါင်းရင်းမြစ်များ

2 Be Nyoliɛ 6:38

Kɛ be o lɔ'n, sɛ be tu be klun be kpata wɔ sakpa'n, sɛ be kpɛ bé nyin mɛn nga a fa mannin be nannan mun'n, nin klɔ nga a kpali'n, ɔ nin sua nga n kplan m mannin wɔ'n bé wun wa'n nan be srɛ wɔ'n,

Jue Mun 119:2

Be nga be nian sa ng'ɔ fa sie be nyrun'n su be yo'n, bɔ be tu be klun be kunndɛ i'n, be liɛ su ti ye!

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Zeremi 30:22

«Amun wa yo min nvle. N kusu n ´yo amun Nyanmiɛn.»

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Ezekiɛl 11:17

I sɔ'n ti se be kɛ: ‹Anannganman Nyanmiɛn wan yoo: N wa fa amun nvle kunngun'm be nun kpɛkuun n ´kan amun m ´bo nun. N ´fa amun mɛn nga amun bo sanndili nun'n be nun, n ´fa Izraɛl asiɛ'n n ´fa man amun.›

Ezekiɛl 14:11

Kɛ ɔ ko yo sɔ'n, i liɛ Izraɛlfuɛ'm be su mlin-man be kɔ-man min wun mmua kun. Be su yo-man bé sa tɛ kpanngban nga be yo be lɛ'n be fa yo-man bé wun fiɛn kun. Be ´yo min nvlefuɛ mun, yɛ n kusu n ´yo be Nyanmiɛn. Min Anannganman Nyanmiɛn'n yɛ n kan sɔ-ɔ.› »

Ezekiɛl 16:62

Yɛ n ´flan aenguɛ nga e nin wɔ e trali'n nun, yɛ a wa si jrɛiin kɛ min yɛ n ti Anannganman nin-ɔn .

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Ezekiɛl 37:27

N ´tran be afiɛn, n ´yo be Nyanmiɛn, yɛ be ´yo min sran mun.

Ezekiɛl 39:22

Kɛ ɔ fin i cɛn sɔ nun'n, Izraɛlfuɛ'm be wa si jrɛiin kɛ min yɛ n ti Anannganman be Nyanmiɛn nin-ɔn.»

Ndɛ Nga Nyanmiɛn I Nuan Ijɔfuɛ Oze Kannin'n 2:22

Jalɛ nga n ´ja wɔ'n, min nin wɔ e ´tran lelele kpɛkuun siɛn'n a si min Anannganman.»

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Zakari 8:8

N ´ko fa be lɔ m ´ba nan be wa tran Zerizalɛm. Be ´yo min nvle nunfuɛ, yɛ min kusu n ´yo be Nyanmiɛn. N ´nian be su klun-ufue su klanman.»

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

Hébreu 11:16

B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»