Zeremi 24:6 - NYANMIƐN NDƐ'N 1998

⁶ N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Zeremi 24:6 ပူးပေါင်းရင်းမြစ်များ

Bo Bolɛ 44:21

Kpɛkuun a seli ye kɛ: ‹An `fɛ i be bla man min nyinma guɛ i wun.›

2 Be Nyoliɛ 16:9

Afin ɔ nian-nian asiɛ wunmuan'n su nan ɔ ´suan be nga be fa bé wla'n kwlaa guɛ i su'n bé bo. A nin Izraɛl famiɛn'n be afiɛn ndɛ nga nun liɛ'n, a yoli sinnzin. I ti kɛ ɔ fin ndɛ'n, be ´fa alɛ wla wɔ sin sa tititi.»

Neemi 5:19

Min Nyanmiɛn, kwlaa nga n yoli m mannin sran nga mun'n, man ɔ́ wla kpɛn su. Nian su yo min ye .

Jue Mun 34:15

Ɔ wla sa tɛtɛ'n i ase, ɔ yo sa kpa. Man ɔ nin sran kwlaa be nuan sɛ. Man sran'm be afiɛn siesielɛ'n ɔ kaci i junman.

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 12:15

Sanngɛ kɛ n ko tu be n ko wɔ'n, i sin n wa si be aunnvuɛ. N ´fa be n sa be sin be lika kunngun mun nin mɛn kunngun'm be nun.

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 21:10

Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 31:28

Kɛ n niannin nun m buli bé bo, bɔ n tuli be bo kɛ waka sa'n, bɔ n nunnunnin be, n kunnin be bɔ n yoli sa kekle'n, yɛ n wa nian nun n ´kplan be yɛ n ´ta be-ɔ.» Anannganman'n yɛ ɔ kan sɔ-ɔ.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Zeremi 39:12

«Ko fɛ i nan niɛn i lika. Nán yo i tɛ, like kwlaa ng'ɔ usa wɔ'n, `yo mɛn i.»

Zeremi 42:10

‹Sɛ an ka amun mɛn'n nun wa'n, n ´wla amun mɛn'n i bo ase, n su saci-mɛn i. N ´taka amun, n su tu-man amun bo. N ´kaci mín sa. Sa nga n yoli amun'n, n ´yaci i yolɛ.

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Amɔs 9:14

Min sran nga be trali be lomuɛn'n, n ´fa be n ´sa bé sin. Be klɔ bɔ be bubuli be'n, be ´kplan be uflɛ be ´tran su ekun. Be ´ta vinyi be ´nɔn i nzan'n. Be ´di fie be ´di be su ninnge.

Mmla'n 11:12

Ɔ ti asiɛ kun bɔ Anannganman amun Nyanmiɛn'n nian su. Kɛ ɔ fɛ i afuɛ'n i bo bolɛ nun lele b'ɔ ´fa ju i awieliɛ'n, Anannganman amun Nyanmiɛn'n i nyin tu-man su.

1 Piɛr 3:12

Afin e Min i nyin wo i sufuɛ nanwlɛfuɛ'm bé su. Yɛ i su o yalɛ nga be koko kle i'n su, sanngɛ ɔ nin be nga be yo sa tɛ'n be kun .»