5 «Min Anannganman bɔ n ti Izraɛl Nyanmiɛn'n min wan yoo: ‹Kɛ a wun figie mma kpa mun bɔ a klo be'n, i kunngba'n yɛ n fa klo Zidafuɛ nga n yoli man be trali be ɔli Kaldefuɛ'm be mɛn'n nun nin-ɔn.
Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.
I sɔ'n ti se be kɛ: ‹Anannganman Nyanmiɛn wan yoo: N wa fa amun nvle kunngun'm be nun kpɛkuun n ´kan amun m ´bo nun. N ´fa amun mɛn nga amun bo sanndili nun'n be nun, n ´fa Izraɛl asiɛ'n n ´fa man amun.›
Sanngɛ kusu i blɛ nga be ´fa tran be kwlafuɛ'm be nvle liɛ nun lɔ'n, n su yi-man be ase mlɔnmlɔn, n su kaci-man mín sin n si-man be mlɔnmlɔn, n su nunnun be. Min aenguɛ bɔ e nin be ye tra'n, n su yi-mɛn i ase, afin min yɛ n ti Anannganman be Nyanmiɛn nin-ɔn .
Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »
?Sanngɛ siɛn'n, kɛ amu'an si Nyanmiɛn'n, annzɛ bɔ Nyanmiɛn bɔbɔ a si amun'n, nguɛ ti yɛ an klo kɛ amun ´sa amun sin kɔ ninnge ngbɛn-ngbɛn bɔ be kwla yo-man like fi'n bé sin ekun kɛ amun ´ko yo be akua-a?
Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.
Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»