Zeremi 24:10 - NYANMIƐN NDƐ'N 1998

¹⁰ M man alɛ'n ´tɔ be su, awe'n ´kpɛn be su, tukpacɛ b'ɔ sa ndɛndɛ'n ´tɔ be su lele san be ´nunnun be ´tu lika nga n fa mannin be nin be nannan mun'n nun.› »

Zeremi 24:10 ပူးပေါင်းရင်းမြစ်များ

1 Famiɛn Mun 14:15

Anannganman ´bo Izraɛlfuɛ mun, kpɛkuun be ´usu kɛ ndɛma b'ɔ jin nzue nuan'n ɔ keje'n sa. Anannganman ´tu Izraɛlfuɛ'm bé bo asiɛ klanman b'ɔ fa mannin bé si mun'n su. Ɔ ´fa be ko gua nzue'n i bue kun lɔ, afin be takali waka nga be sɔ be'n be fa klɔklɔli i.

Ezai 51:19

Sayalɛ nnyɔn kannin amun: amún bo ninnge'n i fɛnlɛ, nin lika'n i bubulɛ b'ɔ bubuli'n, yɛ alɛ nin awe'n. ?Wan yɛ ɔ ´koko amun-ɔn? ?Wan yɛ ɔ ´fɔnvɔ amun-ɔn?

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Zeremi 15:2

Sɛ be usa kɛ: ‹?Nin yɛ e wɔ-ɔ?› Tɛ be su kɛ: ‹Anannganman'n wan yoo: Be bɔ tukpacɛ b'ɔ sa ndɛndɛ ko kun be'n, man ɔ kun be. Be bɔ alɛ'n ko kun be'n, man ɔ kun be. Be bɔ awe'n ko kun be'n, man ɔ ko kun be. Be bɔ be ko tra be lomuɛn ko wɔ'n, man be tra be wɔ .› »

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 19:7

Lika nga nun wa'n, n ´saci Zidafuɛ mun, nin Zerizalɛmfuɛ'm be ngwlɛlɛ'n nga be ´fa'n. N ´yo man be ´tɔ be kpɔfuɛ'm be nyrun. Be bɔ be klo-man be nin nguan'n, be ´nyan be. N ´fa be saka'n n ´fa gua anunman nin bo nun nnɛn'm be bo man be di.

Zeremi 21:9

Sran ng'ɔ ka klɔ nga nun wa'n, alɛ'n annzɛ awe'n, annzɛ tukpacɛ b'ɔ sa ndɛndɛ'n ´kun i. Sran nga kusu b'ɔ fite b'ɔ fɛ i wun ko man Babilɔnifuɛ mun bɔ be nin amun ´kun yɛ'n, ɔ ´nyan nguan. I nguan'n bɔ cɛ yɛ ɔ ti i like b'ɔ ´nyɛn i nin-ɔn.› »

Zeremi 27:8

Nvle nin famiɛn diwlɛ kun nga'm be nunfuɛ mun be waan be su-man Nɛbikadnɛzar b'ɔ ti Babilɔni famiɛn'n, sɛ be waan be fa-man be kɔmin'n mɛn-mɛn i nan ɔ sie-man su be kɔmin su waka'n, n ´fa alɛ'n nin awe'n, ɔ nin tukpacɛ b'ɔ sa ndɛndɛ'n n ´fa yi i sɔ nvle liɛ'm be su lele san be ´nunnun treketreke.›

Zeremi 29:17

I b'ɔ sie mɛn wunmuan'n i waan: «An `nian, n wa fa alɛ nin awe, ɔ nin tukpacɛ b'ɔ sa ndɛndɛ n ´yi be su. N ´yo man be ´kaci kɛ figie mma bɔ b'a kplɔ bɔ be di be-ɔ, ɔ yo-man ye'n sa.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 32:25

Anannganman Nyanmiɛn kpli, ɔ bɔbɔ a seli min kɛ: ‹To fie kun, sɛ a ´to-ɔ, man lalofuɛ'm be trɛn i bo.› Kusu klɔ'n yɛ Babilɔnifuɛ'm be su wie i fa yɛ.»

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 42:17

Be kwlaa nga be waan san cinnjin nan be ´kɔ Ezipt be ko fia'n, sɛ alɛ ɔ'a di-man be'n, awe'n ´kun be, be ´sie be. Sɛ awe'n ɔ'a kun-man be'n, tukpacɛ b'ɔ sa ndɛndɛ'n ´kun be. Be wie fi sa su ka-man lɛ. Sa nga n ´fa yi be su'n, be wie fi sa su ´fin-man nun fite-man.› »

Zeremi 42:22

I sɔ'n ti, man amun `si weiin kpa kɛ mɛn nga amu'an wu i ti kɛ amun ´ko fia nun lɔ'n, sɛ alɛ ɔ'a di-man amun'n, awe'n ´kun amun. Sɛ awe ɔ'a kun-man amun'n, tukpacɛ b'ɔ sa ndɛndɛ'n ´kun amun lɔ.»

Zeremi 5:12

Zidafuɛ'm be seli kɛ be si-man Anannganman, be waan: «Aa! Anannganman'n nun-man lɛ. Nyrɛnnɛn su tɔ-man e su. I alɛ o, i awe o, wie fi su ba-man.

Zeremi 9:15

N ´yo man be bo sanndi nvle nga bé si'm be bɔbɔ be si-man be'n, nan se kɛ be yɛ be ´si be'n, be nun. N ´fa alɛ'n n su be su lele san be ´wie nunnun.»

Zeremi 9:16

Anannganman b'ɔ sie mɛn wunmuan'n yɛ ɔ kan sɔ-ɔ. «An `bu bla nga sunlɛ yɛ ɔ ti be junman'n be ko flɛlɛ akunndan. An `ko flɛ be nga be si sun kpa'n man be bla.

Ezekiɛl 33:27

Kan ndɛ nga kle be man min, se be kɛ: ‹Min Anannganman Nyanmiɛn bɔ min nyin o su'n, n se amun kɛ be nga be kali klɔ buebue'm be nun'n, be ´kun be. Be nga be o blo lɔ'n, blo nnɛn tɛtɛ'm be ´di be. Be nga be fia oka'm be nun nin yɛbuɛ buɛ'm be nun'n, tukpacɛ b'ɔ sa ndɛndɛ'n ɔ ´kun be.

Ezekiɛl 6:11

Anannganman Nyanmiɛn'n wan yoo: ‹Fin ɔ sa klun, kplo! Si ɔ́ ja ase nan bo awuyomo se kɛ: Ɔo! Izraɛlfuɛ'm be aeliɛ tɛtɛ nin be tete sa'm bɔ be yo be'n ti, alɛ'n ɔ wa di be, awe wa kun be lele be wie wu, tukpacɛ b'ɔ sa ndɛndɛ'n wa nunnun be.

Ezekiɛl 7:15

«Alɛ'n ɔ ´di sran mun gua'n su lɔ. Tukpacɛ b'ɔ sa ndɛndɛ'n nin awe'n kusu be kun sran mun sua'm be nun. Amun afiɛn sran ng'ɔ o blo lɔ'n, alɛ yɛ ɔ ´di i-ɔ. Sran ng'ɔ o klɔ'n nun wa'n, awe ɔ nin tukpacɛ b'ɔ sa ndɛndɛ'n yɛ be ´kun i-ɔ.

Mmla'n 28:21

Anannganman ɔ ´yo man tukpacɛ ng'ɔ sa ndɛndɛ su yaci-man amun yolɛ. Tukpacɛ sɔ'n ɔ ´tru gua amun wun lele san ɔ ´kun amun mɛn nga amun ´ko fa'n nun lɔ.

Sa nglô yile 6:8

N ´nian-an, nnɛn kpanngɔ nzuɛn-nzuɛn kun yɛ. Sran ng'ɔ ti su'n, be flɛ i Wie, yɛ lika nga be flɛ i blɔlɔ'n ɔ su i su. Be bubuli asiɛ'n sufuɛ'm be nun fa nnan, be mannin be atin kɛ be kun be nun fa kun. Be fa tokofi, nin awe, nin tukpacɛ ɔ nin asiɛ'n su nnɛn nga be yo wlɛ'n yɛ be fa kun be-ɔ .