Zeremi 23:8 - NYANMIƐN NDƐ'N 1998

⁸ sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 23:8 ပူးပေါင်းရင်းမြစ်များ

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Zeremi 16:14

Anannganman'n wan yoo: «Cɛn wie lele be ´ta nda-a, be su se-man kɛ: ‹N kan Nyanmiɛn b'ɔ fali Izraɛlfuɛ mun Ezipt mɛn'n nun bali'n kun.›

Zeremi 16:15

Be wa se kɛ: ‹N kan Nyanmiɛn b'ɔ fali Izraɛlfuɛ mun mɛn'n i nglo lɔ lika'n nin mɛnmɛn ng'ɔ man be bo sanndili nun'n be nun bali'n.› Afin n ´fa be n ´sa be sin lika nga n fa mannin be nannan mun'n i nun.»

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 30:3

Min Anannganman min wan yoo: ‹Nian, cɛn wie lele'n, min nvle'n nunfuɛ mun bɔ be yɛlɛ Izraɛlfuɛ mun nin Zidafuɛ mun'n, n ´fa be n ´sa n sin mɛn nga n fa mannin be nannan mun'n i nun. Be ´fa yo be liɛ.› »

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 8:3

Sran tɛ akpasua sɔ'n, be onga nga be ´ka lɛ'n, lika nga n ´fuan be kɔ'n, sɛ be wuli bɔbɔ'n, ɔ flunman tra kɛ be nyin wo su'n.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezekiɛl 28:25

Anannganman Nyanmiɛn wan yoo: ‹N wa fa Izraɛlfuɛ mun nvle-nvle nga be bo sanndili nun'n be afiɛn n ´tian bé nuan, yɛ n ´kle nvle-nvle'm be kɛ n ti Nyanmiɛn kun bɔ min nzuɛn'n nin klɔ sran liɛ'n ti-man kun. Be ´tran be bɔbɔ be mɛn'n nun, mɛn bɔ n fa mannin min sufuɛ Zakɔb'n.

Ezekiɛl 34:13

N ´yi be nvle-nvlefuɛ'm be afiɛn, kannzɛ be fin mɛn wafa-wafa'm be nun'n, n ´kan be m ´bo nun, yɛ n ´fa be m ba be asiɛ'n su ekun. N ´ta be Izraɛl oka'm be su nin nzue ba mun bé nuan, ɔ nin mɛn'n i lika kwlaa nga be tran nun lɛ-ɔ ɔ yo ye'n.

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Ezekiɛl 36:35

Be ´se kɛ: ‹Mɛn ng'ɔ sacili mlɔnmlɔn'n ɔ'a kaci kɛ Edɛni fie'n sa, yɛ i klɔ nga be sacili bɔ be tɔli srolo'n, bɔ be bubuli'n, b'a si bé wun yɛ b'a tran nun.›

Ezekiɛl 37:25

Be ´tran mɛn nga n fa mannin min sufuɛ Zakɔb i nun, mɛn sɔ'n ɔ wo kan amun nannan'm be trannin lɛ'n. Be mma mun nin be anunman'm be ´tran nun tititi. Min sufuɛ David yɛ ɔ ´ka be su wlengbi tititi-ɔ .

Ezekiɛl 39:28

Be wa si jrɛiin kɛ min yɛ n ti Anannganman nin-ɔn, afin kɛ n yoli man be trali be lomuɛn ɔli mɛnmɛn'm be nun, n wa fa be n ´sa be sin be mɛn liɛ'n nun. Be nun kun sa su ka-man lɔ.

Mise 7:15

Yo abonuan sa mun man be kɛ laa bɔ be fin Ezipt lɔ be ´ba bɔ a yoli'n sa.

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.