Zeremi 23:6 - NYANMIƐN NDƐ'N 1998

⁶ I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 23:6 ပူးပေါင်းရင်းမြစ်များ

Jue Mun 45:5

Cuɛn ɔ ta'n nun, a wa yo kwlafuɛ. Fu ɔ kakaklolo'n nun nan ko kun sa kpa'n i ti alɛ. Ko kun be bɔ be ti yalɛfuɛ bɔ be bu be lufle'n bé ti alɛ. Yo man sran'm be yo sa mun be nuan su. Yo sa dandan mun man be wun i.

Ezipt Lɔ Tulɛ'n 9:26

San Gozɛn lika liɛ'n, kan Izraɛlfuɛ'm be tran lɔ'n cɛ yɛ ɔ kali lɛ-ɔ.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 32:1

Famiɛn kun ɔ ´nian mmla'n su ɔ ´sie mɛn'n, i awlo lɔ sran dandan'm be ´yo sa'm be nuan su.

Ezai 32:18

I nvle'n nunfuɛ'm be wa tran aunjuɛ lika kun nun. Be ´tran lika bɔ be klun titi-man be lɛ'n nun. Be ´tran kan lɛ ti diin'n nun.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 33:5

Anannganman'n yɛ ɔ kwla-a, afin ɔ tran nglo lɔ. Ɔ'a sie nanwlɛ dilɛ'n nin sa nuan su yolɛ'n Zerizalɛm wunmuan'n nun.

Ezai 35:9

Be su wun-man asɔmɔli fi atin sɔ'n su. Nnɛn tɛ fi su sin-man lɛ. Nnɛn tɛ fi su fa-man su. Be nga Anannganman deli be'n, be yɛ be ´sin nun-ɔn.

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 29:11

Anannganman'n kannin ndɛ ekun, i waan: «Amún wun akunndan nga m bu'n, m bɔbɔ min yɛ n si i-ɔ. Akunndan kpa yɛ m bu i amun wun-ɔn, nán akunndan tɛ-ɔ. N kunndɛ kɛ amun nyrun atin'n yo weiin.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 31:23

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ n ko fa Zida klɔ'm be su sran nga be trali be lomuɛn n ko ba'n, be wa kan ndɛ ng'ɔ o yɛ'n ekun. Be ´se kɛ. ‹Nyanmiɛn oka, ndɛ nanwlɛ lika, man Anannganman'n yo ɔ liɛ ye!›

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Zeremi 33:16

I blɛ sɔ nun'n, Zida nvle'n ´fite nun. Zerizalɛm klɔ'n ɔ ´nyan manndran. Ɔ man be wa flɛ Zerizalɛm kɛ: Anannganman'n Ti E Ti Ndɛ Kanfuɛ.›

Ezekiɛl 21:27

Cua ng'ɔ ti Zerizalɛm nzɔliɛ'n ɔ tɔli i sa fama'n nun. I ti ɔ wa wla i sonja'm be su nun kɛ be fa alɛ kpanlɛ be wlu lɔ. Be ´fa alɛ mannzin mun ´kɔ sie klɔ'n nun sua'm be anuan'm be nyrun lɛ. Be ´kplan nyrɛn mun. Yɛ be ´fu buɛ bɔ be fia nun be kun alɛ'n.

Ezekiɛl 28:26

Be ´tran lɛ fɔuun, be ´kplan sua yɛ be ´ta vinyi. Be ´tran lɛ fɔuun, yɛlɛ kɛ be nga be yoli be finfin'n, n wa tu be fɔ. Yɛ be wa si jrɛiin kɛ min yɛ n ti Anannganman be Nyanmiɛn nin-ɔn.› »

Ezekiɛl 38:14

I sɔ'n ti'n, klɔ sran, kan mín nuan ndɛ'n kle Gɔg. Se Gɔg kɛ Anannganman Nyanmiɛn wan yoo: ‹Cɛn nga Izraɛl b'ɔ ti min nvle'n ɔ tran fɔuun'n, a wa ti.›

Ezekiɛl 48:35

Talɛ ng'ɔ sin yia klɔ'n i kwlaa i tɛnndɛn nun'n ɔ ´yo mɛtri akpi ngwlan (9.000). Kɛ ɔ fin lɛ'n, be wa flɛ klɔ'n kɛ: Anannganman'n Wo Lɛ .

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Ndɛ Nga Nyanmiɛn I Nuan Ijɔfuɛ Oze Kannin'n 2:18

Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Abdias 1:17

Kɛ ɔ yo sɔ'n, Siɔn oka'n ɔ wa sɛ i sin ɔ ´yo min liɛ klonglo. Be nga be nyannin bé ti'n be wa fia oka sɔ'n su lɔ. Zakɔb i osu nun ba'm be wa de be mɛn'n be nga be fali'n bé sa nun .

Abdias 1:21

Defuɛ sɔ'm be ´fu Siɔn oka'n su lɔ be ´tran, yɛ be ´sie Edɔm mɛn nin-ɔn. Yɛ sielɛ'n ɔ ´yo Anannganman liɛ. Anannganman'n ´yo famiɛn, i yɛ ɔ ´tran famiɛn bia'n su-ɔ .

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 3:10

Kɛ cɛn sɔ'n ko ju'n, amun `flɛflɛ amun wiengu yɛ amun ´tran amun vinyi fie nin amun figie fie'm be nun fɔuun .» Anannganman b'ɔ sie mɛn wunmuan'n yɛ ɔ kan sɔ-ɔ.

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.