Zeremi 23:4 - NYANMIƐN NDƐ'N 1998

⁴ N ´fa bua sunianfuɛ nga be ko nian be su kpa'n n ´sie bé su. Ɔ man srɛ su kun-man be kun. Be su usu-man kun. Kun sa su tu-man nun.»

Zeremi 23:4 ပူးပေါင်းရင်းမြစ်များ

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Saun Yolɛ 26:9

N ´jran amún sin, amun ´wu ba kaka, amun ´sɔn. N su yi-man amun ase. Aenguɛ nga min nin amun e trali'n, n ´di su titi .

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Kalɛ 31:49

Be seli i kɛ: «Kɛ e kali sonja nga e sie be mun'n, be wie fi ɔ'a tu-man nun.

Jean 17:12

Kɛ min nin be tɛ o wa'n, ɔ dunman'n b'ɔ o n su'n ti'n, n niannin bé su. N kplali bé wun, be wie fi a mlin-man san sran nga be sieli i liɛ'n sɔ'n i cɛ, ɔ yoli sɔ nan ɔ ndɛ nga be klɛli'n ɔ `kpɛn su .

Jean 18:9

Ɔ kɛnnin i sɔ nan ɔ kpɛn ndɛ ng'ɔ kɛnnin i kɛ: «Be nga a fa be mannin min'n, be wie fi a mlin-man.»

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.