Zeremi 23:2 - NYANMIƐN NDƐ'N 1998

² Anannganman b'ɔ ti Izraɛl Nyanmiɛn'n waan: «Min nvle'n i atin klefuɛ mun, kɛ ɔ ´yo bɔ amu'an nian-man min bua'm be lika b'ɔ amun yoli man be bo sanndili'n, bɔ amun man be mlinnin'n ti'n, amun aeliɛ tɛtɛ sɔ'n ti min kusu e nin amun e wa yia nun.

Zeremi 23:2 ပူးပေါင်းရင်းမြစ်များ

Ezipt Lɔ Tulɛ'n 32:34

Siɛn'n, kɔ, dun mmua Izraɛlfuɛ'm be nyrun, nan fa be kɔ kan n waan a `fa be wɔ lɔ'n. Min anz'n ´dun mmua ɔ nyrun. Min liɛ'n, n wa yi mín wun nglo cɛn kun, yɛ n ´tu be fɔ bé sa tɛ'm be ti.»

Zeremi 10:21

Bé su kpɛn mun yɛ be yoli-ɔ. Be yoli sinnzin, b'a mantan-man Anannganman'n, i ti yɛ b'a si-mɛn i yo bɔ sran nga be nian be su'm be bo sanndili-ɔ.

Zeremi 11:22

be ti Anannganman'n wan yoo: «E nin be e wa yia nun. Alɛ'n ´di be gbanflɛn mun, awe'n kun bé mma yasua nin bé mma bla mun.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 13:20

«Zerizalɛm, man ɔ nyin'n su nian be bɔ be fin mɛn'n i nglo lɔ be su ba'n. ?Ɔ sran nga be fa be mannin wɔ'n be o nin? ?Ɔ sran sɔ mun bɔ man be ti a lɛ nyrun'n be o nin?

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 23:34

Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ mun, annzɛ nvle nunfuɛ ng'ɔ kan sa nga n ´fa yi be su'n i ndɛ'n, i sɔ sran liɛ'n, e nin i nin i awlofuɛ mun e ´yia nun.

Zeremi 44:22

?Nán amun aeliɛ tɛ sɔ'n nin amun tete sa sɔ'm be ti yɛ Anannganman nin amun b'a sɔn-man yɛ man amun mɛn'n boli bɔ ɔ'a saci mlɔnmlɔn nin-ɔn? ?Nán sa sɔ'm be ti yɛ man ɔ'a tɔ nvati andɛ lɛ-ɔ?

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 5:9

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ezekiɛl 34:5

Be bo sanndili gbee, yɛlɛ kɛ be nyan-man sunianfuɛ. Nnɛn tɛtɛ mun yɛ be di be blo lɔ-ɔ. Be bo sanndili gbee.

Ndɛ Nga Nyanmiɛn I Nuan Ijɔfuɛ Oze Kannin'n 2:13

N ´yo man i aklunjuɛ'n ɔ ´wie, ɔ su di-man cɛn kun. I anglo le kun o, i wunmiɛn-delɛ-cɛn o, ɔ nin cɛn uflɛ mun'n ɔ su di-man be kun.

Mise 7:4

Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Zakari 10:3

«Aofuɛ nga be waan be su sie min sran mun'n, e nin be e wa yia nun. Sakpa, m bɔbɔ min Anannganman bɔ n sie mɛn wunmuan'n, min waan. Zidafuɛ'm bɔ be ti kɛ min sa nun nnɛn sa, n wa nian be lika, n ´fa be n ´kɔ alɛ kunlɛ kɛ nnɛn kpanngɔ nga be lɛ nyrun'n sa .

Zakari 11:16

Afin n su wa fa nnɛn kankanfuɛ uflɛ kun m ´ba mɛn'n nun. I sɔ nnɛn kankanfuɛ liɛ'n, sɛ be ´kun bua o, nɛ́n i ndɛ-ɔ, sɛ bua ´mlin o, nán kɛ ɔ ´ko kunndɛ i ti-ɔ, sɛ bua wun sanndi-mɛn i o, nán kɛ ɔ ´yo i ayre ti-ɔ. Bua nga be tɛ yo juejue'n, ɔ su ta-man be. Be nga b'a lo lɛklɛlɛklɛ'n be dilɛ cɛ yɛ ɔ si i-ɔ. Bé ja bui tutulɛ'n yɛ ɔ ´tutu-ɔ.

Matthieu 25:36

kɛ min wun ti kplɛn'n, an mannin min tannin, kɛ n tɔli tukpacɛ'n, an niannin n lika, kɛ be wlali m bisua'n, an niannin n osu .›

Matthieu 25:43

Kɛ n ti aofuɛ'n, amu'an sike-man min, kɛ min wun ti kplɛn'n, amu'an man-man ń tannin, kɛ n tɔli tukpacɛ, amu'an nian-man n lika, kɛ be wlali m bisua, amu'an nian-man n osu.›

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.