Zeremi 23:18 - NYANMIƐN NDƐ'N 1998

¹⁸ Kɛ min Anannganman min nin min fuɛ mun e ´koko e yalɛ'n, ɔ waan sɛ sran sɔ'm be nun onin yɛ ɔ ko trɛnnin i bo bɔ i su tili a o! ?Wan cɛ yɛ ɔ sieli i su tili b'ɔ wunnin i wlɛ-ɔ?»

Zeremi 23:18 ပူးပေါင်းရင်းမြစ်များ

1 Famiɛn Mun 22:24

Kɛ e ´ijɔwa-a, Kɛnana i wa Sedesias ɔ'a wunnge Mise wun lɔ, kpɛkuun kpaun, ɔ'a kpaci i nyrun. Ɔ usali Mise kɛ: «?Anannganman i Wawɛ b'ɔ o min nun'n, ɔ sinnin ninfan yɛ ɔ ko kannin ndɛ'n kleli wɔ-ɔ?»

2 Be Nyoliɛ 18:23

Kɛ e ´ijɔwa-a, Kɛnana wa Sedesias ɔ'a wunnge Mise wun lɔ, kpɛkuun ɔ kpacili i nyrun kpaun. Ɔ usɛli i kɛ: «?Anannganman i wawɛ b'ɔ o min nun'n, ɔ sinnin atin onin su yɛ ɔ ko kannin ndɛ'n kleli wɔ-ɔ?»

Zɔb I Nyrɛnnɛn Wunlɛ 21:22

?Nán sran yɛ ɔ wa ´kle Nyanmiɛn ngwlɛlɛ-ɔ? I yɛ ɔ di anz'm be jɔlɛ-ɔ .

Zɔb I Nyrɛnnɛn Wunlɛ 33:31

Zɔb, sie ɔ́ su tie. Muan ɔ́ nuan, man n kan wie.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Zeremi 23:22

Sɛ ɔ ti kɛ e nin min sran mun e ´koko e yalɛ-ɔ be trɛnnin i bo'n, wuun ndɛ nga e kannin'n be ko kan kleli min sran mun man be yacili ajalɛ tɛ tulɛ'n, wuun be guali be aeliɛ tɛtɛ'm be ase.»

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

1 Korɛntfuɛ Mun 2:16

Afin be klɛli i kɛ: «?Wan yɛ ɔ si e Min'n i akunndan nin-ɔn? ?Wan yɛ ɔ kle i like-ɔ?» Sanngɛ e liɛ'n, e nin Krist ye akunndan'n ti kun .