Zeremi 23:11 - NYANMIƐN NDƐ'N 1998

¹¹ Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 23:11 ပူးပေါင်းရင်းမြစ်များ

2 Be Nyoliɛ 33:5

Ɔ kplannin nglo lɔ ninnge'm be sɔwlɛ mun sɛsɛsɛ. Ɔ kplannin be Anannganman i sua'n i awlo klun nnyɔn'm be nun.

2 Be Nyoliɛ 33:7

Ɔ yoli amuɛn kun fa sieli Nyanmiɛn i sua'n nun. Sanngɛ Anannganman dun mmua seli David nin i wa Salomɔn be laa kɛ: «Sua nga yɛ n niannin n fali-ɔ. Zerizalɛm klɔ'n yɛ n fɛli i Izraɛl nvle'n kwlaa nun kɛ n ´yi mín wun nglo lɛ tititi-ɔ.

2 Be Nyoliɛ 36:14

I kunngba'n, Nyanmiɛn nyrun jranfuɛ kpɛnngbɛn mun, be nin sran'm be kwlaa be yoli tete sa nga nvle kun nga mun be nunfuɛ'm be yo'n i kwlaa'n wie. Nyanmiɛn i sua'n b'ɔ o Zerizalɛm lɔ'n, b'ɔ yoli i saun'n, be yoli i fiɛn.

Ɛsdras 10:18

Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Zeremi 11:15

Anannganman waan: «?Min sran kpa, a ba nguɛ yolɛ mín sua'n nun wa? ?Wɔ bɔ sa tɛtɛ'n cɛ yɛ a yo'n a bu i kɛ nda nga a ta min'n ɔ nin sraka nga a yi man min'n, be ´yi sa ng'ɔ o ɔ su'n nan ɔ klun wa jɔ?»

Zeremi 23:15

Ɔ man ndɛ bɔ Anannganman b'ɔ sie mɛn wunmuan'n kan man Nyanmiɛn nuan ijɔfuɛ sɔ mun'n yɛ. I waan: «N wa man be kondu man be di, n ´gua nzue'n nun duwlɛ man be nɔn, afin sa tɛ nga ɔ'a tru mɛn wunmuan nun yɛ'n ɔ fin Zerizalɛm lɔ be nga be tɔn be wun suɛn kɛ be ti min nuan ijɔfuɛ mun.»

Zeremi 32:34

Be ko fali be tete ninnge mun be sieli i sua nga min dunman'n wo su'n nun be fa sacili i.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 50:6

Min nvle'n yoli kɛ bua fa kun bɔ b'a mlin'n sa. Be kankanfuɛ'm be mlinnin be. Ɔ man be wlan oka'm be su sa daan! Be fu oka nga su, be jra be ko fu kpɔlɛ nga su. Be si-man be osu atin'n kun .

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 7:30

Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ezekiɛl 23:39

Kɛ bɔ be kpɛ be mma'm be kɔmin be sɔ be amuɛn mun'n, cɛn sɔ nun'n, be kunngba'n be wluli mín sua kpa'n nun lɔ be sacili i.

Ezekiɛl 44:10

«Levifuɛ nga be yacili min'n bɔ be kacili be sin sili min'n, bɔ be nin Izraɛlfuɛ'm be onga mun be ko sɔli amuɛn fiɛnfiɛn mun'n, be liɛ'n, be wa fɛ be sa tɛ'n i su afɛ'n.

Ezekiɛl 7:20

Be fali be ninnge kpakpa mun fa dili tutre. Be yoli amuɛn bɔ be ti tete like'n, bɔ be ti sroesroe kpa'n. I sɔ'n ti n wa yo man bé nyin ´tu i sɔ ninnge'm be su.

Ezekiɛl 8:11

Izraɛl kpɛnngbɛn ableso be jin nglo talɛ'n wun ninnge sɔ'm be nyrun lɛ. Safan i wa Zazania o be nun. Ansans yrawlɛ ninnge o be sa nun sɛsɛsɛ, yɛ ansans nga be su yrɛ i'n i wɛnsrɛn'n ɔ jaso kpa tukuu.

Ezekiɛl 8:16

Ɔ fali min ɔli i sua'n i awlo'n klun lɔ. N ´nian-an, Nyanmiɛn i sua'n i anuan'n nun lɔ, sua'n i nyrun ala kaan'n nin Nyanmiɛn sɔwlɛ'n be afiɛn'n nun lɛ'n, sran ko ju ablaɔn-nin-nnun b'a kaci bé sin b'a si Nyanmiɛn i sua'n, bé nyin kpɛ wia afiliɛ lɔ, b'a koto be su su wia'n.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .