Zeremi 23:10 - NYANMIƐN NDƐ'N 1998

¹⁰ «Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 23:10 ပူးပေါင်းရင်းမြစ်များ

Ɛsdras 10:18

Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Ezai 5:18

Be nga be fa gblɛ kpɛlɛ'n yo kɛ nyanman sa be fa cuɛn fɔnlɛ'n, be nga be cuɛn sa tɛ'n kɛ be fa cuɛn kakaklolo sa'n, be yako!

Zeremi 12:11

Ɔ man ɔ'a kaci kɛ aawlɛ flɛnnɛn sa. Ɔ'a yo kɛ sran bɔ sɛ ɔ'a tɔ i su'n sa. Kɛ n niɛn sa'n, ɔ'a nunnun mlɔnmlɔn. Mɛn'n ɔ'a saci, sanngɛ ɔ ti-man sran fi ndɛ.

Zeremi 14:2

«Zida nvle'n wo nyrɛnnɛn nun. I klɔ'm be su saci. Zerizalɛmfuɛ'm be su sun flɛ Nyanmiɛn.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:12

Anannganman'n waan: «Be yili mmla nga n fa mannin be'n i ase'n ti-ɔ. B'a tie-man min aniɛn'n ti-ɔ. B'a nian-man su b'a nanti-man'n ti-ɔ.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 7:4

Be kwlaa be kunndɛ be wiengu'm bé yi mun nin bé wun mun. Be ti kɛ fur sa, kɛ kpaun tɔnfuɛ'n ko trɔ nun sin bɔ ɔ'a lo kpa'n, kpɛkuun ɔ nian-man lɔ kun lele san kpaun ng'ɔ boli'n ɔ'a wla.

Zoɛl 1:10

Fie'm b'a saci, asiɛ'n ɔ'a di amlan, afin be nyan-man ble kun, be nyan-man vinyi mma nzue kun, ngo sɛ'n nun ɔ'a wu kee.

Saun Yolɛ 5:1

«Sɛ sa wie tɔ bɔ be wun-mɛn i wun lalofuɛ'n, sɛ be bo ndolo sin klɔ'n nun kɛ be le lalofuɛ awuliɛ kpongbogbo'n, sran ng'ɔ wunnin i sɔ sa'n nun bɔ ɔ'a ba-man'n, i sɔfuɛ'n, sa tɛ sɔ'n i trɔ'n kwlakwla jin i ti su.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.