Zeremi 23:1 - NYANMIƐN NDƐ'N 1998

¹ Anannganman wan yoo: «Be nga be dun nvlefuɛ'm be nyrun mmua'n be yako! Amun bɔ amun ti kɛ min bua mun sa bɔ amun yoli man min sran mun bɔ be ti kɛ min kuku nun bua mun sa'n b'a bo b'a sanndi, bɔ b'a mlin'n, amun yako!»

Zeremi 23:1 ပူးပေါင်းရင်းမြစ်များ

Zeremi 10:21

Bé su kpɛn mun yɛ be yoli-ɔ. Be yoli sinnzin, b'a mantan-man Anannganman'n, i ti yɛ b'a si-mɛn i yo bɔ sran nga be nian be su'm be bo sanndili-ɔ.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 2:26

Cɛn kun Izraɛlfuɛ'm be wa wun nyannzuɛn kɛ awiefuɛ bɔ b'a trɛ i'n sa, i sran ngbɛn mun o, i famiɛn mun o, i famiɛn i awlo lɔ sran dandan mun o, i Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, be wa wun nyannzuɛn.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 22:22

Aunngban'n ´fita wɔ atin klefuɛ'm be kwlakwla. Sran'm be ´tra ɔ soman'm be kwlakwla be lomuɛn be ´kɔ. Ɔ sa tɛ nga a yoli'n kwlakwla i nuan akatua bɔ a nyɛn i'n yɛlɛ nyannzuɛn. A su kwla-man ɔ́ ti su man.

Zeremi 23:2

Anannganman b'ɔ ti Izraɛl Nyanmiɛn'n waan: «Min nvle'n i atin klefuɛ mun, kɛ ɔ ´yo bɔ amu'an nian-man min bua'm be lika b'ɔ amun yoli man be bo sanndili'n, bɔ amun man be mlinnin'n ti'n, amun aeliɛ tɛtɛ sɔ'n ti min kusu e nin amun e wa yia nun.

Zeremi 50:6

Min nvle'n yoli kɛ bua fa kun bɔ b'a mlin'n sa. Be kankanfuɛ'm be mlinnin be. Ɔ man be wlan oka'm be su sa daan! Be fu oka nga su, be jra be ko fu kpɔlɛ nga su. Be si-man be osu atin'n kun .

Ezekiɛl 13:3

Anannganman Nyanmiɛn wan yoo: Be nga be tɔn be wun suɛn kɛ be ti min nuan ijɔfuɛ bɔ be ti sinnglinfuɛ nga be bɔbɔ be kpɛ be klun be kan sa mun, kpɛkuun be yo kɛ b'a wun aolia nun like sa'n, be yako.

Ezekiɛl 34:1

Anannganman seli min kɛ yoo:

Ezekiɛl 34:21

Amun fali amun wue'n nin amun bue kun suli nnɛn fakafaka'm be bo. Amun fali amun wɛ sili be yɛ amun fuannin be amun afiɛn.

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Ezekiɛl 36:38

Blɛ bɔ be ´di afuɛ nuan cɛn mun'n, nnɛn nga be fa be kɛ be `fa yi tɛ'n, be ´yi Zerizalɛm mɛn wunmuan'n. Iyo, kɛ sran'm be wa sɔn klɔ nga bɔ be bubuli'n be su sɔ-ɔ. I sɔ nun'n, sran'm be kwlaa be wa si jrɛiin kɛ min yɛ n ti Anannganman nin-ɔn.»

Zakari 10:3

«Aofuɛ nga be waan be su sie min sran mun'n, e nin be e wa yia nun. Sakpa, m bɔbɔ min Anannganman bɔ n sie mɛn wunmuan'n, min waan. Zidafuɛ'm bɔ be ti kɛ min sa nun nnɛn sa, n wa nian be lika, n ´fa be n ´kɔ alɛ kunlɛ kɛ nnɛn kpanngɔ nga be lɛ nyrun'n sa .

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 9:36

Kɛ Jésus wunnin sran mun'n, be yoli i annvɔ, afin be ti afɛfuɛ yɛlɛ kɛ b'a bo je kɛ bua bɔ be lɛ-man sunianfuɛ'n sa .

Jean 10:10

Bua'm be wualɛ, nin be kunlɛ, nin be nunnunlɛ ti yɛ awiefuɛ'n ba-a, sanngɛ n liɛ'n kɛ ɔ ko yo nan bua'm b'a nyan nguan'n, nan b'a nyan bé ti nan bé wun a jɔ be fɔuun'n ti yɛ m bali-ɔ.»

Jean 10:12

Sanngɛ bua sunianfuɛ'n b'ɔ ti-man bua tafuɛ, bɔ bua'm be ti-mɛn i liɛ'n, kɛ ɔ wun kɛ gboklo'n su ba'n, ɔ yaci be wanndi. Gboklo'n ɔ'a wlu be nun kpɛkuun b'a bo a sanndi.

Jean 10:8

Be kwlaa nga be dunnin mmua min nyrun'n, be ti awiefuɛ nin kakajefuɛ, sanngɛ bua'm b'a su-man bé su.