Zeremi 22:9 - NYANMIƐN NDƐ'N 1998

⁹ Be ´tɛ be su kɛ: «Anannganman be Nyanmiɛn'n i aenguɛ ng'ɔ nin be trali'n, be yili i ase be ko kotoli ninnge wie'm be bo, be suli be, i ti-ɔ.»

Zeremi 22:9 ပူးပေါင်းရင်းမြစ်များ

1 Famiɛn Mun 9:8

Sua sɔ'n bɔ i dunman'n ɔ fu'n, sran nga be ´sin i wun lɛ'n, be kwlaa be ´kpiti yɛ bé nuan'n ´bo bé wun. Be ´usa kɛ: ‹AI! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ ?›

2 Famiɛn Mun 22:17

Ya dan nga n fɛli i klɔ nga wun'n, ɔ ti kɛ sin kun bɔ ɔ'a jue bɔ be kwla nuɛn-mɛn i'n sa. Afin kɛ be kaci be sin sili min, be yrali ansans mannin amuɛn mun, ɔ man be kunnin min ya.

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

Zeremi 11:10

Nga be nannan'm bɔ be waan be fa-man min ndɛ'n su'n be yoli'n, yɛ be kusu be su yo i siɛn nin-ɔn. B'a ɔ amuɛn'm be sulɛ. Izraɛlfuɛ nin Zidafuɛ'm b'a yi aenguɛ nga e nin be nannan mun e trali'n i ase.»

Zeremi 11:3

Se be kɛ Anannganman b'ɔ ti Izraɛl Nyanmiɛn'n waan yoo: ‹Sran nga ɔ'a nian-man aenguɛ nga e nin amun e trali su ɔ'a nanti-man'n, i yako! Aenguɛ sɔ'n yɛlɛ nga kɛ ɔ fin cɛn bɔ n fali amun nannan mun ɔ liɛ Ezipt sin fɛtɛ sɔ'n nun fiteli'n e trali'n. N seli be kɛ: Sɛ an tie min aniɛn nan an nian sa nga n fa sieli amun nyrun'n i kwlaa su'n, an ´yo min nvle yɛ min kusu n ´yo amun Nyanmiɛn.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 50:7

Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Zeremi 9:13

Baal bɔ bé si'm be kleli be'n, be waan i su cɛ yɛ be ´su-ɔ.»

Ezekiɛl 12:16

Sanngɛ n ´yo man sran wie'm be fin alɛ'n nun be fite, awe nin tukpacɛ b'ɔ sa ndɛndɛ'n be su kun-man be. Be sɔfuɛ'm be ´ko kan be tete sa nga be yoli i ndɛ ´kle nvle nga be ´tran be nun mun, kpɛkuun nvle sɔ'm be nunfuɛ'm be kusu be wa si jrɛiin kɛ min yɛ n ti Anannganman nin-ɔn.› »

Ezekiɛl 14:23

Amun awlaboɛ'n su yo-man dan kun, afin kɛ amun ´wun be nzuɛn'n nin bé sa nga be yo be'n, amun ´wun i wlɛ kpa kɛ kannzu nán ngbɛn ti yɛ n kleli klɔ sɔ'n i nyrɛnnɛn'n nin-ɔn.» Anannganman Nyanmiɛn'n yɛ ɔ kan sɔ-ɔ.

Ezekiɛl 39:23

«Nvle-nvlefuɛ'm be wa si jrɛiin kɛ Izraɛlfuɛ'm bé sa tɛ bɔ be yoli min'n, i ti yɛ be trali be lomuɛn ɔli mɛn wie nun nin-ɔn. Afin n kacili mín sin n sili be, yɛ n yacili be be kpɔfuɛ'm bé sa nun nan alɛ'n ɔ di be .

Ezekiɛl 5:15

N ´fa ya dan kpa ɔ man n kle amun Zerizalɛmfuɛ'm amun nun, n ´kputu amun tɛtɛ kpa. Mɛnmɛn nga be sin yia Zerizalɛm'n be ´yo i wannzo, be ´kpɛ amun nzowa. Sanngɛ sa ng'ɔ juli Zerizalɛm klɔ'n su'n, be ´fa tu bé wun fɔ, kpɛkuun srɛ wa kun be kpa .› M bɔbɔ min Anannganman'n yɛ m'an kan kle amun-ɔn.

Mmla'n 29:24

Kpɛkuun be ´tɛ bé su kɛ: «Aenguɛ nga be nannan'm be Nyanmiɛn'n nin be trali blɛ nga b'ɔ yi be Ezipt lɔ ´fite'n, b'a di-man su.