Zeremi 22:7 - NYANMIƐN NDƐ'N 1998

⁷ N ´sunman like sacifuɛ mun ɔ wun, bé sa nun alɛ ninnge sɛsɛsɛ yɛ be ba-a. Be ´kpɛkpɛ ɔ sɛdri nglanman-nglanman kpa'm be bo. Be ´gua be sin nun.»

Zeremi 22:7 ပူးပေါင်းရင်းမြစ်များ

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Zakari 11:1

Liban, tike wɔ anuan mun man sin n di ɔ sɛdri waka mun.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.