Zeremi 22:6 - NYANMIƐN NDƐ'N 1998

⁶ Zida famiɛn'n i sua'n i wun ndɛ nga Anannganman kan'n yɛ: «A ti kɛ Galaad bo nglanman mun annzɛ kɛ Liban oka mun sa min nyrun, sanngɛ n ´yo man a ´kaci kɛ aawlɛ flɛnnɛn sa. Sran fi su tran-man ɔ nun kun.

Zeremi 22:6 ပူးပေါင်းရင်းမြစ်များ

Bo Bolɛ 37:25

Kɛ be wa trannin ase bɔ be ´di like'n, be ´nian-an, Ismaɛlfuɛ wie'm be nin be nyɔnngɔnmɛn mun yɛ be fin Galaad mɛn'n nun b'a kpɛ aawlɛ flɛnnɛn'n yɛ be su sin kɔ Ezipt yɛ. Ayre fannin, nin kpakpalɛ ninnge, nin mir o nyɔnngɔnmɛn'm bé sin.

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Ngɔjue Fɛfɛ Kpa'n 4:1

A ti klanman o, min janvuɛ kpa! A ti klanman dan o! Kɛ be nian ɔ tannin fɛtɛfɛtɛ ng'ɔ kata ɔ nyrun'n i sin lɔ'n, be wun ɔ nyinma bɔ be klanman'n ti kɛ auble'm be klanman'n sa'n. Ɔ timuɛn'n ɔ guagua ɔ wun kɛ boli bla akpasua wie bɔ be fin Galaad oka'n su be su jra'n sa.

Ngɔjue Fɛfɛ Kpa'n 5:15

A wun i ja mun-ɔn, ɔ waan marbru ufue wie yɛ b'a sɛsɛ i mlomlo nan b'a fa kplankplan sika ɔkwlɛ like wie nun sa. Sika ɔkwlɛ sɔ'n ti jrɛiin kpa. Kɛ ɔ jin sa'n, ɔ yo nyɛnmɛn o, ɔ waan Liban lɔ oka wie-ɔ! Kɛ ɔ jin sa'n, ɔ ti sɔ seiin, ɔ waan sɛdri waka wie-ɔ.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Ezai 6:11

Yɛ n usali kɛ: «?Anannganman, lele cɛn onin yɛ sa sɔ'm be ´wie-ɔ?» Yɛ ɔ tɛli su kɛ: «Ɔ ´yo sɔ lele san klɔ'm be ´wie saci. Ɔ ´yo sɔ lele san klɔ mun nin sua'm be nun sran'm be ´wie, san asiɛ ng'ɔ sacili'n i su ´tɔ koun.»

Zeremi 21:11

Zida famiɛn i awlofuɛ mun, an `tie Anannganman i ndɛ'n.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 22:24

Anannganman'n wan yoo: «Se Zekɔnias b'ɔ ti Zozakim i wa b'ɔ ti Zida famiɛn'n kɛ: ‹Kannzɛ a ti kɛ nga wie sa yɛ n fa wlali min sa fama'n su bɔbɔ'n, sɛ m'an yi-man wɔ cɛ'n, wuun nán min-ɔn.

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Zeremi 50:12

Sanngɛ an `nian kɛ amún nin ɔ'a wun nyannzuɛn-ɔn. An `nian kɛ bla ng'ɔ wuli amun'n i nyin ɔ'a gua ase-ɔ. I yɛ ɔ'a ka nvle'm be siɛn-ɔn. I mɛn'n ɔ'a kaci kɛ aawlɛ flɛnnɛn bɔ nzue tɔ-man lɔ'n sa!»

Zeremi 7:34

N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Zeremi 8:22

?Kannin ayre nun-man Galaad lɔ kun? ?Dɔɔtrɔ nun-man lɔ? ?Ɔ yo sɛ ti yɛ min nvle'n i kannin'n tɛ didi tɛ kɔ kploun sɔ-ɔ ?

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Zakari 11:1

Liban, tike wɔ anuan mun man sin n di ɔ sɛdri waka mun.

Kalɛ 32:1

Ribɛn osu'n nin Gad osu'n be nunfuɛ'm be lɛ nnɛn kpanngban kpa. Be wunnin kɛ Zaɛzɛr mɛn'n nin Galaad mɛn'n be ti nnɛn tawlɛ klanman.

Mmla'n 3:25

Yaci man n kpɛ Zurdɛn nzue ba'n, nan mín nyin mma `gua mɛn klanman ng'ɔ o Zurdɛn'n i bue kun lɔ'n i wun, man n wun i nun oka nglanman mun ɔ nin Liban mɛn'n.»