Zeremi 22:5 - NYANMIƐN NDƐ'N 1998

⁵ Sanngɛ sɛ amu'an tie-man ndɛ nga'n, min Anannganman'n min waan: «N kan m bɔbɔ min ti, famiɛn sua nga ´nunnun.»

Zeremi 22:5 ပူးပေါင်းရင်းမြစ်များ

Bo Bolɛ 22:16

Ɔ seli i kɛ: «Ɔ nyin b'ɔ yi min'n ti'n, ɔ́ wa ba kunngba bɔ n srɛli wɔ'n, w'a se-man kɛ a man-man min,

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

2 Be Nyoliɛ 7:21

Yɛ sua sɔ'n bɔ i dunman'n ɔ ´fu'n, sran nga bé ´sin i wun lɛ'n be kwlaa be nuan'n ´bo be wun. Be ´usa kɛ: ‹Ai! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ?›

2 Be Nyoliɛ 7:22

Yɛ be ´tɛ bé su kɛ: ‹Anannganman b'ɔ ti bé si'm bé Nyanmiɛn'n, b'ɔ ko fali be Ezipt mɛn'n nun lɔ bali'n, be kacili be sin sili i, be ko fali bé wun wlali amuɛn sɔlɛ nun, be kotoli amuɛn sɔ'm bé bo, be sɔli be. I sɔ'n ti yɛ man Anannganman fali nyrɛnnɛn nga kwlaa yili be su-ɔ.› »

Jue Mun 95:11

N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»

Ezai 1:20

Sanngɛ sɛ amun fa-man min nuan ndɛ'n, yɛ sɛ amun yo nyin kekle'n, alɛ'n yɛ ɔ ´di amun-ɔn. Min Anannganman min yɛ n kan sɔ-ɔ.»

Zeremi 12:7

«M'an yi min awlo'n m'an man gua. M'an yi min aja'n i ase. M'an yi like nga n klo i lele tratra su'n m'an wla min kpɔfuɛ'm be sa nun.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 26:4

Se be kɛ Anannganman'n wan yoo: «Amun `tie ndɛ nga n kan'n, amun `nian min mmla bɔ n fa mannin amun'n su.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 44:26

Ndɛ nga Anannganman'n kusu kan'n yɛ ɔ o yɛ. Amun kwlaa amun `sie amún su tie. I waan: N kan m bɔbɔ min Nyanmiɛn kpli'n min ti kɛ yoo: amun Zidafuɛ nga amun wo Ezipt wa yɛ'n, nán amun fa min dunman be ta nda kɛ n kan Anannganman Nyanmiɛn kpli'n kun.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Matthieu 23:38

An `nian, amun awlo'n ɔ wa ka amún sa nun, yɛ ndɛ kun bɔ n ´kan kle amun'n yɛ: an su wun-man min kun

Hébreu 3:18

?Yɛ wan mun yɛ Nyanmiɛn tali be nda kɛ be su ju-man wunmiɛn delɛ i lika nga ɔ'a sie ɔ'a man be'n nun lɔ? ?Nán be nga be yoli nyin kekle i su mun-ɔn?

Hébreu 6:13

Kɛ Nyanmiɛn ´kan sa nga i waan ɔ ´yo man Abraam'n, ɔ tali nda. Kɛ ɔ wun-man sran nga i dan trɛ i nan ɔ'a tɛ i nda'n, ɔ tɛli i bɔbɔ wun nda.

Hébreu 6:17

Nyanmiɛn klo kɛ be nga be ´nyan like nga i waan ɔ ´man be'n be wun i wlɛ kpa kɛ ɔ su kaci-mɛn i akunndan'n. I sɔ'n ti yɛ kɛ ɔ kannin'n ɔ tali su nda nin-ɔn.