Zeremi 22:3 - NYANMIƐN NDƐ'N 1998

³ Anannganman'n wan yoo: ‹An `di jɔlɛ nanwlɛ nun. An `de sran mun be nga be fɛn sran'm be bo ninnge'n be sa nun. Nán an yo aofuɛ nin aika ba ɔ nin angboti bla'm be tɛtɛ. Sran nga bɔ b'a yo-man sa'n, nán an kun be lika nga nun wa.

Zeremi 22:3 ပူးပေါင်းရင်းမြစ်များ

2 Samiɛl 23:3

Izraɛl Nyanmiɛn'n ijɔli. Nyanmiɛn b'ɔ ti kɛ Izraɛl i yɛbuɛ'n sa'n b'ɔ talo i'n, ɔ seli min kɛ: ‹Sran ng'ɔ sie sran mun'n, sɛ ɔ ti nanwlɛfuɛ'n yɛ sɛ i nyin yi min'n,

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

Zɔb I Nyrɛnnɛn Wunlɛ 22:9

A kankan angboti bla'm be bo be fa bé sa ngbɛn be kɔ. A kle aika'm be nyrɛnnɛn.

Zɔb I Nyrɛnnɛn Wunlɛ 24:9

Be kpɛ aika ba'n i nyɔnflɛn kekle nun. Be fa yalɛfuɛ'n i sa nun ninnge'n be wla aowa.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Jue Mun 82:4

Amun `de be nga be lɛ-man like'n ɔ nin nyrɛnnɛnfuɛ mun. Amun `de be klunwifuɛ'm bé sa nun.

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Jue Mun 94:6

Be kun angboti bla mun nin aofuɛ mun, be kun aika ba mun.

Ezipt Lɔ Tulɛ'n 22:21

Nán amun yo angboti bla nin aika'm be tɛtɛ.

Ezipt Lɔ Tulɛ'n 22:22

Sɛ amun yo be tɛtɛ'n, be ´flɛ min kɛ min Anannganman n de be, yɛ n kan kle amun kɛ n ´ti bé flɛlɛ'n.

Nyanndra Mun 23:10

Lalafuɛ like nga be fa jali awɛ'n, nán tu i bo, nán wlu aika mma'm be fie'n nun kɛ a ´ko de fie sɔ'n bé sa nun .

Ezai 1:23

Ɔ famiɛn'n i awlo lɔ sran dandan mun be yo nyin kekle Nyanmiɛn su. Be nin awiefuɛ'm bé bo ti kun. Adi ninnge'n yɛ be kunndɛ-ɔ, siɛn'n be bɔbɔ yɛ be su sran'm be su kɛ be `wla bé sa bo-ɔ. Be di aika mma'm be ndɛ kwlɛ, angboti mmla'n be ndɛ'n nga be fa blɛ be kɛ be di'n, ɔ ti-man be ndɛ.

Ezai 58:6

Nglɛmun cilɛ ng'ɔ ti n liɛ'n su'n yɛ: amun `nyannji be nga be cili be abɔlɛ su cilɛ nin jrɔkɔ'n, amun `de be nga be ti kanga'n bɔ be tin bé su'n, amun `yo man be nga be mian be kplɔlɔlɔ'n, be `nyan bé ti. E `kpɛ kpo e `se kɛ like kwlaa ng'ɔ kle kɛ sran ti kanga'n, amun `yo man ɔ wie .

Ezai 58:7

Sran ng'ɔ lɛ-man aliɛ'n, amun `mɛn i wie. Be nga be ti yalɛfuɛ bɔ be lɛ-man lawlɛ'n, amun `fa be sie. Sɛ amun wun sran wie bɔ i wun ti kplɛn'n, amun `mɛn i tannin man ɔ kla. Nán amun `kaci amún sin si amun wiengu klɔ sran'n .

Zeremi 19:4

Afin be kacili be sin be sili min. Be yoli lele man a wun lika nga-a, a si-mɛn i kun. Be yrali ansans mannin amuɛn wie mun bɔ bé si mun nin Zida famiɛn mun be si-man be laa'n nan se kɛ be bɔbɔ. Sran nga b'a yo-man sa'n, b'a kun be lele be mmoja'n ɔ'a yi lika sɔ'n.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 22:17

Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 26:16

Kpɛkuun famiɛn i awlo lɔ sran dandan mun nin sran nga be o lɛ'm be kwlaa be seli Nyanmiɛn nyrun jranfuɛ mun nin Nyanmiɛn nuan ijɔfuɛ'm be kɛ: «Bian nga nin wulɛ fata-man. Anannganman e Nyanmiɛn'n yɛ ɔ fali ndɛ ng'ɔ kannin'n wlɛli i nuan kɛ ɔ `kan-an.»

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Zeremi 9:24

Anannganman'n waan: «Cɛn wie wa ju bɔ e nin be nga be wla be klɛn liɛ'n be wunnɛn nun ngbɛn'n e ´nyɛn i,

Ngwlɛ Yilɛ 3:36

kɛ be wun nanwlɛ'n jrɛiin bɔ kpɛkuun be di ndɛ kwlɛ'n, ?Kɛlɛ, be bu i kɛ Anannganman o lɔ ɔ wun-mɛn?

Ezekiɛl 18:12

Ɔ bo be nga be ti yalɛfuɛ'n nin be nga be lɛ-man like'n be akpo. Ɔ wua sran mun. Sɛ be wla aowa be mɛn i'n, ɔ yi man-man sran nga i kalɛ o be su bɔ be wlali aowa sɔ'n. Ɔ fɛ i wun man amuɛn sɔlɛ'n, yɛ i blɛ sɔ'n nun ɔ yo tete sa mun.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Ezekiɛl 45:9

Anannganman Nyanmiɛn wan yoo: «Izraɛl wlengbi mun, amu'an yo wie ngboko! Amun `yaci sa ukpo-ukpo yolɛ'n nin sran'm bé bo ninnge'm be fɛnlɛ'n, amun `yo sa b'ɔ ti seiin nin ng'ɔ ti i nuan su'n. Amun `yaci min sran'm bé bo ninnge'm be delɛ.» Anannganman Nyanmiɛn'n yɛ ɔ kan sɔ-ɔ.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Amɔs 5:24

Amun `yaci sa nuan su yolɛ man ɔ sonji kɛ nzue b'ɔ sonji'n sa. Man sa seiin yolɛ ɔ sonji kɛ nzue ba wie b'ɔ sonji gblogblo b'ɔ wie-man nun le'n sa.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Mmla'n 10:18

Ɔ kan aika mma mun nin angboti bla'm bé ti ndɛ, ɔ klo aofuɛ mun, ɔ man be aliɛ be di, ɔ man be tannin be kla.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 24:7

Sɛ amun wun sran kun kɛ ɔ'a trɛ i niaan Izraɛlfuɛ kun je, nan ɔ'a fɛ i ɔ'a yo i kanga'n annzɛ kusu ɔ'a yo i atɛ'n, amun `kun i sɔfuɛ'n. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

Mmla'n 27:19

«Sran ng'ɔ bu aofuɛ annzɛ aika ba, annzɛ angboti bla be lufle'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.