Zeremi 22:2 - NYANMIƐN NDƐ'N 1998

² Se i kɛ: ‹Zida famiɛn'n bɔ a ti David i famiɛn bia'n su'n, a nin ɔ mantanfuɛ mun nin ɔ mɛn'n nun sran mun bɔ be sin wɔ sua'n i anuan'm be nun'n, amun `tie ndɛ bɔ Anannganman'n kan'n.›

Zeremi 22:2 ပူးပေါင်းရင်းမြစ်များ

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Ezai 28:14

I sɔ'n ti, amun nga amun yo sran'm be finfin'n, amun bɔ amun sie Zerizalɛmfuɛ mun'n, amun `sie amún su tie Anannganman i ndɛ'n.

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zeremi 13:18

Se famiɛn'n nin i nin be kɛ: «An `bubu gua asiɛ wun gblo. Afin amun famiɛn kle klanman'n ɔ'a fin amún ti su ɔ'a tɔ.

Zeremi 19:3

Se kɛ: ‹Zida famiɛn mun nin Zerizalɛm klɔ'n sufuɛ mun, an `tie ndɛ bɔ Anannganman'n kan'n. Anannganman b'ɔ sie mɛn wunmuan'n, Izraɛl Nyanmiɛn'n wan yoo: An `nian, n wa fa nyrɛnnɛn sa kun n ´yi i lika nga su. Nyrɛnnɛn sa sɔ'n, sran kwlaa nga be kɛn i ndɛ kle i'n, ɔ kpiti kpli.

Zeremi 22:1

Anannganman'n seli Zeremi kɛ: «Kɔ Zida famiɛn'n i awlo lɔ ko kan ndɛ ng'ɔ o yɛ'n kle i.

Zeremi 22:4

Sɛ an nian ndɛ nga su an nanti kɛ ɔ fata sa'n, famiɛn nga be ti David i famiɛn bia'n su'n, be nin be mantanfuɛ mun, ɔ nin nvle'n nunfuɛ'm be su yaci-man famiɛn sua'n i anuan nun sinlɛ nin be kakaklolo mun nin be nnɛn kpanngɔ mun.› »

Zeremi 29:20

Sanngɛ amun liɛ'n, amun bɔ n trali amun Zerizalɛm n fa ɔli Babilɔni'n, an `tie min nuan ndɛ'n.»

Zeremi 34:2

«Min Anannganman'n bɔ n ti Izraɛl Nyanmiɛn'n, min waan a wɔ ko to famiɛn Sedesias nan a se i kɛ Anannganman'n waan yoo: ‹M'an fa klɔ nga m'an man Babilɔni famiɛn'n, ɔ wa fa sin ´yi nun.

Zeremi 36:30

ɔ man ndɛ nga min Anannganman'n n kan man wɔ'n yɛ: sran nga be flɛ i kɛ Zozakim'n ɔ su nyan-man ba nan se kɛ anunman b'ɔ ´trɛn i ajalɛ nun David famiɛn bia'n su'n yɛ ɔ ´nyɛn i-ɔ. Zozakim bɔbɔ i fuɛn'n, be ´nɛnnɛn i lɛ wia'n bo i yɛ kɔnguɛ bɔlɛ flɔlɔ'n ɔ ´guɛ i su.

Zeremi 7:2

I waan ɔ ko jran Nyanmiɛn i sua'n i anuan'n nun nan ɔ `kan ndɛ ng'ɔ o yɛ'n man sran'm be ti: «Zidafuɛ mun, amun `tie ndɛ nga Anannganman kan'n, amun bɔ an sin anuan nga nun'n, an ko koto Anannganman'n i bo'n.

Ezekiɛl 34:7

I sɔ'n ti, bua tafuɛ mun, amun `tie min Anannganman min nuan su ndɛ'n!

Amɔs 7:16

Ɔ man i ti Amazia, wɔ bɔ a se min kɛ: ‹Nán kan sa kekle b'ɔ wa ju Izraɛlfuɛ'm be su kle be kun. Yaci Izaak anunman'm be ijɔlɛ beblebe'n,› sie ɔ́ su tie ndɛ nga Anannganman'n kan kle wɔ'n.

JÉSUS-CHRIST I DYASIN FE'N BO LUC KLELI'N 1:32

Ɔ ´yo sran dan, be ´flɛ i kɛ Nyanmiɛn bɔ like fi nun-mɛn i sin'n i Wa, yɛ e Min Nyanmiɛn'n ɔ ´fɛ i nannan David bia'n mɛn i.»