Zeremi 22:19 - NYANMIƐN NDƐ'N 1998

¹⁹ Be ´sie i kɛ aflunmun wie sa. Be ´cuɛn i fuɛn'n klɔ'n nun be ´ko yi i Zerizalɛm sin lɔ.»

Zeremi 22:19 ပူးပေါင်းရင်းမြစ်များ

1 Famiɛn Mun 14:10

I sɔ'n ti, n ´fa nyrɛnnɛn n ´to yi i wɔ awlo'n su. N ´nunnun ɔ osu'n nun sran'm be ngba. Ɔ osu'n nunfuɛ nga be ti kanga o, nga be ti diewa o, n ´nunnun be ngba Izraɛl nvle'n nun. N ´nunnun ɔ osu'n kɛ wla yɛ b'a kuankuan sa.

2 Famiɛn Mun 23:36

Kɛ Zozakim ´yo famiɛn'n, wuun ɔ lɛ afuɛ ablaɔn-nin-nnun. Ɔ dili afuɛ blu-nin-kun Zerizalɛm lɛ. I nin suan Zɛbida, Pɛdaza ng'ɔ fin Rima'n i wa-a.

2 Famiɛn Mun 24:6

Zozakim wuli, nan i wa Zozakin ɔ'a sin i osu.

2 Famiɛn Mun 9:35

Yɛ be ɔli kɛ be ´ko sie i-ɔ. Kɛ be ´kɔ i falɛ'n, i ti awa'n, nin i sa ngbabua mun, ɔ nin i ja mun yɛ be wunnin be-ɔ.

2 Be Nyoliɛ 36:6

Nɛbikadnɛzar b'ɔ ti Babilɔni famiɛn'n wa fali Zozakim i mɛn'n. Ɔ cili i klɛnnɛnklɛnnɛn ɔ nin aaba bɔ be yoli i tianman-tianman kɛ nyanman sa'n, yɛ ɔ fɛ i ɔli Babilɔni.

Akunndanfuɛ'n 6:3

Man sran kun wu ba lele ya yɛ man ɔ cɛ lele'n, sanngɛ sɛ i nguan tɛnndɛn sɔ'n nun ɔ'a nyan-man alaje nan ɔ'a nyan-man asieliɛ kpa'n, ba ng'ɔ wu i nin klun lɔ b'ɔ flo tɔ'n, i nyrun ba nyan trɛ i.

Zeremi 15:3

Anannganman'n waan: «N wa fa nyrɛnnɛn wafa nnan n ´yi be su. Alɛ'n ´di be, alua'm be ´cuɛn be fuɛn'm be ase, anunman nin bo nun nnɛn tɛtɛ'm be ´di be, be ´nunnun be.

Zeremi 36:30

ɔ man ndɛ nga min Anannganman'n n kan man wɔ'n yɛ: sran nga be flɛ i kɛ Zozakim'n ɔ su nyan-man ba nan se kɛ anunman b'ɔ ´trɛn i ajalɛ nun David famiɛn bia'n su'n yɛ ɔ ´nyɛn i-ɔ. Zozakim bɔbɔ i fuɛn'n, be ´nɛnnɛn i lɛ wia'n bo i yɛ kɔnguɛ bɔlɛ flɔlɔ'n ɔ ´guɛ i su.

Zeremi 36:6

Ɔ man i ti nglɛmun cilɛ cɛn nun'n, kɔ ko kanngan fluwa nga m man a klɛli'n i nun kle sran mun. Kanngan Anannganman i nuan su ndɛ sɔ'n kle Zidafuɛ nga be fin be klɔ klɔ'm be su be bali mun wie.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Ezekiɛl 19:8

Yɛ nvle-nvle'm be nun sran nga be fin lika'n kwlaa be cicili i wun ndɛ-ɔ. Be suɛli i wun aya sin yiɛli i, yɛ be man ɔ tɔli nun-ɔn .

Ezekiɛl 39:5

Kɛ n fa kannin'n sa, ɔ fuɛn'n ɔ ´ka blo. Min Anannganman Nyanmiɛn yɛ n kan sɔ-ɔ.