Zeremi 22:18 - NYANMIƐN NDƐ'N 1998

¹⁸ I sɔ'n ti Zozias b'ɔ ti Zozakim i wa'n, b'ɔ ti Zida famiɛn'n, i wun ndɛ bɔ Anannganman kan'n yɛ. I waan: «Be su yo-mɛn i sɛ. Be su sun-man kɛ: ‹Min niaan bian nin o we!› ‹Min niaan bla nin o we!› Be su sun-mɛn i kɛ: ‹Min min nin o we!› ‹Min famiɛn nin o we!›

Zeremi 22:18 ပူးပေါင်းရင်းမြစ်များ

2 Samiɛl 1:26

Zonatan min niaan, min anwlɛn'n ɔ'a kpɛ min klun wɔ ti. Wɔ yɛ man min klun jɔ-ɔ. Klolɛ nga a fa klo min'n, be fa-man bla'm be klolɛ'n fa sunnzun-mɛn i.

1 Famiɛn Mun 13:30

Ɔ sieli i i bɔbɔ i asieliɛ'n nun. Kɛ ɔ ´yo sɔ'n, wuun be ´yi ngwlɛ. Be se kɛ: «Ɔo min niaan bian nin o!» «Ɔo min niaan bian nin o!»

2 Famiɛn Mun 23:36

Kɛ Zozakim ´yo famiɛn'n, wuun ɔ lɛ afuɛ ablaɔn-nin-nnun. Ɔ dili afuɛ blu-nin-kun Zerizalɛm lɛ. I nin suan Zɛbida, Pɛdaza ng'ɔ fin Rima'n i wa-a.

2 Famiɛn Mun 23:6

Waka nga be takali bɔ be sɔ i'n, ɔ yili i Anannganman i sua'n nun fiteli. Ɔ fɛli i Zerizalɛm ɔli Sedrɔn kongo'n nun lɔ, nan ɔ'a wɔ nun. Ɔ kacili nzuɛn. Ɔ fali nzuɛn sɔ'n ko guɛli i ndia'm be su asieliɛ lɔ .

2 Famiɛn Mun 24:6

Zozakim wuli, nan i wa Zozakin ɔ'a sin i osu.

1 Be Nyoliɛ 3:15

Zozias i mma mun yɛlɛ be nga be o yɛ mun: i klikli'n yɛlɛ Zosanan, i nnyɔn su'n yɛlɛ Zozakim, i nsan su'n yɛlɛ Sedesias, i nnan su'n yɛlɛ Salɔm.

2 Be Nyoliɛ 35:25

Zeremi b'ɔ ti Nyanmiɛn nuan ijɔfuɛ'n kpɛli Zozias wulɛ'n su jue. Jue tofuɛ yasua mun nin bla mun be kannin Zozias wun ndɛ be sɛ jue'm be nun lele ɔ'a fa ju ndɛ. Ɔ kacili be nzuɛn Izraɛl mɛn'n nun. Be klɛli jue sɔ mun sɛ jue fluwa'n nun .

2 Be Nyoliɛ 36:5

Kɛ Zozakim ´yo famiɛn'n, wuun ɔ lɛ afuɛ ablaɔn nin nnun. Ɔ trannin Zerizalɛm lɛ afuɛ blu-nin-kun. Ɔ yoli sa nga be yo-man Anannganman i Nyanmiɛn'n i fɛ'n.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 16:6

«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.

Zeremi 21:11

Zida famiɛn i awlofuɛ mun, an `tie Anannganman i ndɛ'n.

Zeremi 22:10

Zidafuɛ mun, nán amun sun famiɛn Zozias b'ɔ wuli'n. Nán an koko i. Sran ng'ɔ fata kɛ amun sun i'n yɛlɛ famiɛn Salɔm b'ɔ su kɔ'n, afin kɛ ɔ ´kɔ lɛ'n, ɔ su ba-man kun. I nyinma su guɛ-mɛn i awuliɛ asiɛ'n i wun kun.

Zeremi 22:12

Kan be trɛ i ɔli lɔ'n, ɔ ´wu lɔ, i nyinma su gua-man mɛn nga wun kun.› »

Zeremi 34:5

A ´wu ɔ́ sa su. Yɛ like nga be fa yoli ɔ nannan nga be dili famiɛn'n bɔ be wuli'n yɛ be ´fa yo wɔ-ɔ. Be ´yra ansans sin su be ´man wɔ. Kpɛkuun be ´sun ɔ́ sɛ'n bo, be ´se kɛ: Ee, e Min nin oo we! M bɔbɔ min Anannganman'n yɛ n kan kle wɔ-ɔ.› »

Zeremi 36:30

ɔ man ndɛ nga min Anannganman'n n kan man wɔ'n yɛ: sran nga be flɛ i kɛ Zozakim'n ɔ su nyan-man ba nan se kɛ anunman b'ɔ ´trɛn i ajalɛ nun David famiɛn bia'n su'n yɛ ɔ ´nyɛn i-ɔ. Zozakim bɔbɔ i fuɛn'n, be ´nɛnnɛn i lɛ wia'n bo i yɛ kɔnguɛ bɔlɛ flɔlɔ'n ɔ ´guɛ i su.