Zeremi 22:17 - NYANMIƐN NDƐ'N 1998

¹⁷ Ɔ liɛ'n, like nga a ko nyan nun like'n, ɔ nin sran nga b'a yo-man sa'n be kunlɛ'n, ɔ nin sran mianmianlɛ'n, ɔ nin sa sukusuku'm be yolɛ'n kunngba cɛ yɛ ɔ́ wun kpɛ su-ɔ, yɛ ɔ ti wɔ like b'ɔ a klɔ i-ɔ.»

Zeremi 22:17 ပူးပေါင်းရင်းမြစ်များ

1 Famiɛn Mun 21:19

Ko se i kɛ Anannganman wan yoo: ‹?A kun sran'n, kpɛkuun ɔ kunngba'n a su wa fɛ i bo ninnge'n?› Se i ekun kɛ Anannganman waan: ‹Lika kunngba nga alua'm be tafili Nabɔt i mmoja'n, lika kunngba sɔ'n nun'n, alua'm be wa tafi ɔ mmoja liɛ'n wie .› »

2 Famiɛn Mun 23:37

Ɔ yoli like ng'ɔ yo-man Anannganman fɛ'n. Like kunngba nga i nannan'm be yoli'n, i kunngba'n yɛ ɔ yoli-ɔ.

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

2 Be Nyoliɛ 36:8

Zozakim wun ndɛ'n i onga'n nin tete sa ng'ɔ yoli be'n, ɔ nin sa bɔ be juli i su'n, i kwlaa ti klɛwa Izraɛl famiɛn mun nin Zida famiɛn'm be fluwa'n nun. I wa Zozakin yɛ ɔ sinnin i osu-ɔ.

Zɔb I Nyrɛnnɛn Wunlɛ 31:7

Sɛ m'an fa-man atin'n su sein, sɛ n fali min nyin m bloli like wie su, sɛ n kannin fiɛn wie,

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Nyanndra Mun 24:2

Afin sa tɛ yolɛ akunndan yɛ be bu-ɔ. Abɔlɛ like nga be ko yo'n i ndɛ yɛ be kan-an.

Ezai 56:11

Be ti kɛ alua'm bɔ be ti aliɛ safuɛ'n sa, be di like-ɔ, be ku yi-man. Be ti bua kankanfuɛ mun bɔ be wun-man sa fi wlɛ, be kwlaa be fa be klun klo atin. Like ng'ɔ ti be liɛ'n i ngunmin cɛ yɛ ɔ lo be-ɔ.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Zeremi 19:4

Afin be kacili be sin be sili min. Be yoli lele man a wun lika nga-a, a si-mɛn i kun. Be yrali ansans mannin amuɛn wie mun bɔ bé si mun nin Zida famiɛn mun be si-man be laa'n nan se kɛ be bɔbɔ. Sran nga b'a yo-man sa'n, b'a kun be lele be mmoja'n ɔ'a yi lika sɔ'n.

Zeremi 22:3

Anannganman'n wan yoo: ‹An `di jɔlɛ nanwlɛ nun. An `de sran mun be nga be fɛn sran'm be bo ninnge'n be sa nun. Nán an yo aofuɛ nin aika ba ɔ nin angboti bla'm be tɛtɛ. Sran nga bɔ b'a yo-man sa'n, nán an kun be lika nga nun wa.

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 18:12

Ɔ bo be nga be ti yalɛfuɛ'n nin be nga be lɛ-man like'n be akpo. Ɔ wua sran mun. Sɛ be wla aowa be mɛn i'n, ɔ yi man-man sran nga i kalɛ o be su bɔ be wlali aowa sɔ'n. Ɔ fɛ i wun man amuɛn sɔlɛ'n, yɛ i blɛ sɔ'n nun ɔ yo tete sa mun.

Ezekiɛl 19:6

Ɔ nin asɔmɔli yasua mun yɛ be sin-ɔn, ɔ kpɛli cro yɛ ɔ sili nnɛn di, kpɛkuun ɔ dili sran mun.

Ezekiɛl 19:7

Ɔ sacili be famiɛn sua mun, ɔ bubuli be, ɔ sacili be klɔ mun. Kɛ be kwlaa nga be o klɔ nun'n be ti i kpanlɛ'n, kɛ srɛ kun be sa.

Ezekiɛl 19:9

Be fali nga be wlɛli i bue nun, ɔ man be fɛli i wlali nnɛn'm be sua kun nun. Be fɛ ɔli Babilɔni famiɛn'n i sin lɔ. Be wlɛli i bisua kɛ ɔ ´yo nan b'a ti-mɛn i kpankpanlɛ Izraɛl oka'm be su kun'n ti.»

Ezekiɛl 22:6

Nian ɔ́ wun, Izraɛl wlengbi'm be kwlalɛ bɔ be lɛ i'n, be fa mian-mian sran mun, yɛ be fa kun be.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Mise 3:10

amun bɔ sran kunlɛ'n yɛ an fa kplan Siɔn'n, bɔ klunwi aeliɛ'n yɛ an fa kplan Zerizalɛm'n, b'ɔ ti Nyanmiɛn i klɔ'n,

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

1 Korɛntfuɛ Mun 6:10

nin awiefuɛ mun, nin sran bɔ be nyin yi-man like'n, nin nzanboɛfuɛ mun, nin nzowa kpɛfuɛ mun, ɔ nin sran bɔ be de sran like wue kekle su'n, i sɔ sran liɛ mun Nyanmiɛn su sie-man be mlɔnmlɔn.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

2 Piɛr 2:14

Kɛ be wun bla mun'n, be kunndɛlɛ akunndan yɛ be bu-ɔ, be konvi tu-man sa tɛtɛ yolɛ'n su. Be laka be bɔ be lɛ-man anwlɛn kpa'n. Bé nyin yi-man like mlɔnmlɔn. Nyanmiɛn man be wun su jɔ-man be le!

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

1 Samiɛl 8:3

Sika klolɛ'n ti, ba sɔ'm b'a nanti-man kɛ bé si sa. Be nga be man be like'n, be yɛ be bu be ndɛ klanman-an.