Zeremi 22:13 - NYANMIƐN NDƐ'N 1998

¹³ «Zozakim yako, a su kplan ɔ famiɛn sua'n, sanngɛ a di-man jɔlɛ nanwlɛ nun. A su kplan uflɛ taka su, sanngɛ a nanti-man mmla'n su. Sran'm be di junman man wɔ-ɔ, a tua-man be kalɛ, i sa ka.

Zeremi 22:13 ပူးပေါင်းရင်းမြစ်များ

2 Be Nyoliɛ 36:4

Ezipt famiɛn'n fali Zɔakaz niaan bian Eliakim sieli Zidafuɛ mun nin Zerizalɛmfuɛ'm be famiɛn. Ɔ kacili i dunman'n, ɔ flɛli i kɛ Zozakim. Ɔ fɛli i niaan Zɔakaz ɔli Ezipt.

2 Be Nyoliɛ 36:5

Kɛ Zozakim ´yo famiɛn'n, wuun ɔ lɛ afuɛ ablaɔn nin nnun. Ɔ trannin Zerizalɛm lɛ afuɛ blu-nin-kun. Ɔ yoli sa nga be yo-man Anannganman i Nyanmiɛn'n i fɛ'n.

Zɔb I Nyrɛnnɛn Wunlɛ 31:39

sɛ n dili i su ninnge ngbɛn'n, sɛ m'an fa-man sika m'an wla-man nun'n, sɛ m'an bu-man asiɛ'n i fuɛ nga be fa mannin min'n be sran cɛ'n,

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Zeremi 22:18

I sɔ'n ti Zozias b'ɔ ti Zozakim i wa'n, b'ɔ ti Zida famiɛn'n, i wun ndɛ bɔ Anannganman kan'n yɛ. I waan: «Be su yo-mɛn i sɛ. Be su sun-man kɛ: ‹Min niaan bian nin o we!› ‹Min niaan bla nin o we!› Be su sun-mɛn i kɛ: ‹Min min nin o we!› ‹Min famiɛn nin o we!›

Saun Yolɛ 19:13

Nán amun di sran lufle, nán amun wua like fi. Nán amun tra kpa difuɛ'n i akatua'n i ase man aliɛ cɛn su.

Mise 3:10

amun bɔ sran kunlɛ'n yɛ an fa kplan Siɔn'n, bɔ klunwi aeliɛ'n yɛ an fa kplan Zerizalɛm'n, b'ɔ ti Nyanmiɛn i klɔ'n,

Abakik 2:12

Sran ng'ɔ fa sran kunlɛ fa kplan klɔ kun'n, sran ng'ɔ fa sran'm be abɔlɛ yolɛ'n fa kplan klɔ'n, i yako lele!

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 15:13

Sanngɛ kɛ amun ´yaci be nun sɔ'n, nán man be toto bé sa be wɔ.

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .