Zeremi 21:7 - NYANMIƐN NDƐ'N 1998

⁷ I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 21:7 ပူးပေါင်းရင်းမြစ်များ

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 13:14

N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Zeremi 15:5

«?Zerizalɛm, wan cɛ yɛ ɔ ´yaci wɔ lɛ-ɔ? ?Wan yɛ ɔ ´koko wɔ-ɔ? ?Wan yɛ ɔ ´usa wɔ osu-ɔ?»

Zeremi 15:9

Bla b'ɔ wuli ba yasua lele nso'n, yɛ ɔ lɛ-man wie kun yɛ, yɛ ɔ su wu yɛ. I nyrun'n, lika ɔ'a san sanngɛ wia'n tɛ o nun. Ɔ'a sokpa, ɔ'a wun nyannzuɛn. Be nga be ka lɛ'n, n ´yo man be wu be kpɔfuɛ'm be nyrun.» Anannganman'n yɛ ɔ kan sɔ-ɔ.

Zeremi 19:7

Lika nga nun wa'n, n ´saci Zidafuɛ mun, nin Zerizalɛmfuɛ'm be ngwlɛlɛ'n nga be ´fa'n. N ´yo man be ´tɔ be kpɔfuɛ'm be nyrun. Be bɔ be klo-man be nin nguan'n, be ´nyan be. N ´fa be saka'n n ´fa gua anunman nin bo nun nnɛn'm be bo man be di.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 22:25

N ´fa wɔ m ´man be bɔ be klo-man wɔ nin nguan'n. N ´fa wɔ m ´man be bɔ a wun be-ɔ a sro be'n. N ´fa wɔ m ´man Nɛbikadnɛzar b'ɔ ti Babilɔni famiɛn'n nin i sran mun.

Zeremi 27:6

Ɔ man m'an fa mɛn ng'ɔ o yɛ'n i kwlakwla m'an wlɛ i Nɛbikadnɛzar b'ɔ ti Babilɔni famiɛn'n i sa nun. Bo nun nnɛn mun bɔbɔ, m'an fa be m'an mɛn i kɛ be su i.

Zeremi 32:4

Famiɛn Sedesias su fin-man Babilɔnifuɛ'm bé sa nun fite-man. Be ´trɛ i be wlɛ i Babilɔni famiɛn'n i sa nun, Sedesias nin i be ´ijɔ. Be nyinma nnan'n ´yia nun.

Zeremi 34:3

Ɔ kusu a su fi-mɛn i sa, be ´tra wɔ kplo! Be ´fa wɔ be ´wlɛ i sa nun. A nin Babilɔni famiɛn'n be nyinma nnan'n ´yia nun. Ɔ nin wɔ be ´kan ndɛ, kpɛkuun ɔ ´fa wɔ kɔ Babilɔni.

Zeremi 36:29

Nan se Zozakim b'ɔ ti Zida famiɛn'n kɛ: ‹Anannganman'n waan, sa ti bɔ ɔ waan ɔ yo sɛ ti yɛ m'an klɛ i kɛ kannzɛ ɔ yo sɛ san Babilɔni famiɛn'n ɔ ´ba ɔ wa nunnun mɛn nga yɛ ɔ ´nunkun i nun sran nin nnɛn mun, b'ɔ man a yrali fluwa'n,

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 2:22

Kɛ a fali ya'n, a flɛflɛli min kpɔfuɛ mun kɛ wienun-ɔn be su kɔ cɛn dilɛ sa. Be kwlakwla'n bé ti yiali mín wun. Min mma'm bɔ n yɛyɛli be lele'n, be kpɔfuɛ'm be wa nunnunnin be ngba. Be nun kun sa ɔ'a nyan-man wanndiwlɛ. Be nun kun sa ɔ'a fite-man nun.

Ezekiɛl 23:28

Anannganman Nyanmiɛn'n wan yoo: ‹N wa yaci wɔ be nga a kpɔ be bɔ ɔ wla tuli be su'n be sa nun.

Ezekiɛl 7:9

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Ezekiɛl 9:10

Min kusu n su wun-man be aunnvuɛ, n su yo-man be blɛblɛ. Bé sa nga be yoli'n, n ´yo nan be fɛ i nuan afɛ'n.› »

Mmla'n 28:50

Sran sɔ'm be like yolɛ ´yo ya kpa. Bé nyin su yi-man kpɛnngbɛn mun. Yɛ kusu be su si-man bakan aunnvuɛ.