Zeremi 21:4 - NYANMIƐN NDƐ'N 1998

⁴ ‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 21:4 ပူးပေါင်းရင်းမြစ်များ

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 13:4

Amun `sie amún su be tie nganniɛn ng'ɔ tɛ oka'm be su lɔ'n, ɔ waan sran kpanngban kpa be nganniɛn-ɔn. Amun `tie famiɛn diwlɛ mun nin nvle-nvle'm be nun sran bɔ b'a yia'n be nganniɛn b'ɔ tɛ'n. Anannganman b'ɔ sie mɛn wunmuan'n, ɔ su nian-nian be nga be su wa kɔ alɛ'n i kunlɛ mun ´sin.

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 21:3

Yɛ Zeremi tɛli be su kɛ: «An `ko se Sedesias kɛ yoo:

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 32:3

Sedesias yɛ man be fɛ i wlɛli i lɔ-ɔ. I waan: «Ɔ yo sɛ ti yɛ a se kɛ: ‹Anannganman'n waan: M'an fa klɔ nga m'an wlɛ i Babilɔni famiɛn'n i sa nun, nan i ti ɔ wa fa nin-ɔn.

Zeremi 32:5

Be ´fa Sedesias be ´kɔ Babilɔni, ɔ ´ka lɔ lele san m'an ɔ i osu nianlɛ.› Nan Anannganman'n waan: ‹Sɛ amun nin Babilɔnifuɛ mun amun waan amun ´kun alɛ'n, amun su nyan-man jranwlɛ le.› »

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 39:3

Kpɛkuun Babilɔni famiɛn'n i awlo lɔ sran dandan'm be kwlaa be wa trannin anuan nga be flɛ i kɛ klɔ Afiɛn Anuan'n nun. Be flɛ sran dan sɔ'n kun Nɛrgal-Sarɛzɛr. Ɔ ti awlo lɔ sran dandan'm be nun dan'n kun. Be flɛ kun kɛ Samgar-Nɛbi, yɛ kun suan Sarsɛkim, i yɛ ɔ ti famiɛn'n i sran b'ɔ lafi i su kpa nin-ɔn. Babilɔni famiɛn'n i awlo lɔ sran dandan'm be kwlakwla be bali lɛ wie.

Zeremi 52:18

Be fali aaba ninnge nga be fa su Nyanmiɛn'n i kwlakwla. Ninnge sɔ mun yɛ: blalɛ sɛ mun, peli mun, laliɛ mun, klowa conjronjo'n mun, yɛ klowa mun.

Ngwlɛ Yilɛ 2:3

Ɔ fali ya dan, yɛ ɔ yoli man Izraɛl'n i fanngan'n kwlaa wieli. Kɛ ɔ wunnin e kpɔfuɛ mun'n, ɔ'a kle-mɛn i kɛ ɔ tu é ti ngondin. Ɔ trɔli Zakɔb i nvle nun sin. I sɔ sin liɛ'n ɔ didi lika'n kwlaa.

Ngwlɛ Yilɛ 2:5

E Min'n ɔ yoli i wun kɛ e kpɔfuɛ sa, ɔ yoli man Izraɛl'n ɔ'a bubu flɛnnɛnnɛn. I mɛn'n nun sua nglanman'm b'a bubu flɛnnɛnnɛn. Ɔ sacili be klɔ nga be sisili be wun'n. Ɔ yoli man be tili sunlɛ nin ngwlɛ yilɛ Zida mɛn nun'n.

Ngwlɛ Yilɛ 2:7

E Min'n ɔ'a bu-mɛn i bɔbɔ i sɔwlɛ'n i like kun. I bɔbɔ i tranwlɛ'n, ɔ'a niɛn-mɛn i lika kun. Ɔ fali Siɔn i sua nglanman mun mannin e kpɔfuɛ mun. Kpankpanlɛ nga be fa kpankpan Nyanmiɛn i sua dan nun'n, ɔ ti-man blɛblɛ. A wun i sa-a ɔ waan cɛn yɛ be su di-ɔ.

Ezekiɛl 39:3

I sin'n, m ´bo wɔ. Ɔ ta'n i nun ´bu ɔ́ sa bɛ'n nun, yɛ ɔ ta mma'm be fin ɔ sa fama'n nun be ´gua.

Ndɛ Nga Nyanmiɛn I Nuan Ijɔfuɛ Oze Kannin'n 9:12

Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.