Zeremi 21:2 - NYANMIƐN NDƐ'N 1998

² «Nɛbikadnɛzar b'ɔ ti Babilɔni famiɛn'n ɔ'a fa alɛ ɔ'a wla ye sin, i ti usa Anannganman sa man ye. Sɛ ɔ ´yi i atrɛ'm be nun kun man ye nan e kpɔfuɛ sɔ'm be ´wanndi kɔ o!»

Zeremi 21:2 ပူးပေါင်းရင်းမြစ်များ

Bo Bolɛ 10:10

Klɔ nga ɔ dun mmua sieli be'n yɛlɛ Babɛl, nin Erɛk, nin Akad yɛ Kalne. Klɔ sɔ'm be o Babilɔni mɛn'n nun lɔ,

2 Famiɛn Mun 1:3

Yɛ Anannganman i anz kun wa seli Eli b'ɔ fin Tisbɛ'n kɛ: «Samari famiɛn'n i sunmanfuɛ mun be yɛ be ´ba lɛ-ɔ. Ko bu be nyrun, nan usa be kɛ: ‹?Nyanmiɛn nun-man Izraɛl wa ti yɛ amun su ko usa Baal-Zɛbib b'ɔ ti Ekrɔnfuɛ'm be amuɛn'n i sa-a?›

2 Famiɛn Mun 17:24

Asiri famiɛn'n fali sran mun Babilɔni, nin Kita, nin Ava, nin Amat, ɔ nin Sɛfarvaim lɔ bali. Ɔ man be trannin Izraɛlfuɛ'm be osu Samari klɔ'm bé su. Samari klɔ'n nin i sasu'n kwlaa be yoli be liɛ.

2 Be Nyoliɛ 32:21

Anannganman sunmɛnnin i anz kun Asiri famiɛn'n i ngblaliɛ'n nun lɔ. Ɔ ko kunnin sonja nga be ti safunyrɛn'm be kwlaa nin sonja'm be nun kaklaakla'm be ngba, ɔ nin kpɛnngbɛn mun. Asiri famiɛn'n fɛli i sɔ nyannzuɛn'n sɛli i sin i mɛn'n nun. Yɛ cɛn kun b'ɔ ɔli i amuɛn sua'n nun lɔ'n, i bɔbɔ i klun ba'm be ko kunnin i .

Ezipt Lɔ Tulɛ'n 9:28

Amun `kpata Nyanmiɛn be man min nan ngblannan nin nzraama'n be jran. N su tra-man amun ase kun. M ´man amun atin amun ´kɔ.»

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Zeremi 15:11

Sɛ m'an nian-man nun m'an su-man wɔ'n, yɛ kɛ nyrɛnnɛn blɛ'n juli'n, kɛ sa'n nyannin be'n, sɛ m'an srɛ-man bé ti'n, wuun man like nga be fa sunnzun mín wun'n ɔ yo su .

Zeremi 21:3

Yɛ Zeremi tɛli be su kɛ: «An `ko se Sedesias kɛ yoo:

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 34:1

Kɛ Nɛbikadnɛzar b'ɔ ti Babilɔni famiɛn'n nin Zerizalɛmfuɛ mun, nin Zida klɔ kun nga mun be nunfuɛ mun be ´kun alɛ'n yɛ Anannganman'n kannin ndɛ ng'ɔ o yɛ'n kleli Zeremi-ɔ. Nɛbikadnɛzar nin i sonja'm be kwlaa nin asiɛ'n su famiɛn diwlɛ'm be kwlaa be nunfuɛ mun, ɔ nin nvle nga be su i'n be nunfuɛ mun yɛ be boli alɛ sɔ'n i kunlɛ bo-ɔ. Ɔ seli i kɛ:

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 37:7

«Min Anannganman bɔ n ti Izraɛl Nyanmiɛn'n, n waan yoo: ‹An `ko se Zida famiɛn'n b'ɔ sunmannin amun kɛ amun wa usa min sa'n kɛ yoo: Se kɛ sɛ Ezipt famiɛn i sonja'm bɔ be tuli ajalɛ kɛ be ´ba amun ukalɛ'n, be su sa bé sin be mɛn'n nun.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Jɔlɛ Difuɛ Mun 20:27

Kɛ ɔ ´yo sɔ'n, wuun Nyanmiɛn i alaka'n wo lɛ'n, wuun Aarɔn i wa Eleazar i klun ba liɛ Fine yɛ ɔ ti Nyanmiɛn i nyrun jranfuɛ-ɔ. Ɔ usali Anannganman kɛ: «?E nin e niaan Bɛnzamɛnfuɛ mun e `kun alɛ'n ekun annzɛ nán e nin be e kun kun?» Anannganman tɛli bé su kɛ: «Amun nin be `ko kun, ainman n ´yi be n ´wla amún sa nun.»

1 Samiɛl 10:22

Yɛ be usali Anannganman ekun kɛ: «?Sran sɔ'n, ɔ bali wa?» Yɛ Anannganman waan: «Amun `nian trɔ'm be nun lɔ, ɔ fia lɔ.»

1 Samiɛl 28:15

Samiɛl usɛli i kɛ: «?Ɔ yo sɛ ti yɛ man a fa min fiteli bɔ a kle min yalɛ sa-a?» Sail waan: «Min akunndan'n ɔ'a sanngan dan. Filistifuɛ'm be nin mín su kun alɛ, kpɛkuun Nyanmiɛn nin min nun-man nun kun. N usɛ i sa-a, ɔ tɛ-man su. Ɔ fɛ-mɛn i ngaliɛ wlɛ-mɛn i nuan ijɔfuɛ'm bé nuan ɔ man-man min kun, kusu ɔ kan-man ndɛ kle-man min laliɛ kun, i ti yɛ n flɛ wɔ nan a `kan like ng'ɔ fata kɛ n yo'n kle min-ɔn.»

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.