Zeremi 21:14 - NYANMIƐN NDƐ'N 1998

¹⁴ ‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 21:14 ပူးပေါင်းရင်းမြစ်များ

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 10:16

I sɔ'n ti, Nyanmiɛn Kpli'n, Anannganman b'ɔ sie mɛn wunmuan'n, ɔ man Asiri famiɛn'n i sran mun bɔ be wunnɛn o nun'n, be ´yo koklo, yɛ i sran kpakpa mun'n, like wie ɔ ´jue be afiɛn, ɔ ´yra kɛ sin sa.

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Zeremi 11:16

Anannganman flɛli amun kɛ Olivie Klanman B'ɔ Su Mma Kpa, sanngɛ nganniɛn dan kun tɛli, kpɛkuun ɔ fali sin yili i nun, yɛ i sama'm be wieli saci.

Zeremi 11:22

be ti Anannganman'n wan yoo: «E nin be e wa yia nun. Alɛ'n ´di be gbanflɛn mun, awe'n kun bé mma yasua nin bé mma bla mun.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 22:1

Anannganman'n seli Zeremi kɛ: «Kɔ Zida famiɛn'n i awlo lɔ ko kan ndɛ ng'ɔ o yɛ'n kle i.

Zeremi 22:7

N ´sunman like sacifuɛ mun ɔ wun, bé sa nun alɛ ninnge sɛsɛsɛ yɛ be ba-a. Be ´kpɛkpɛ ɔ sɛdri nglanman-nglanman kpa'm be bo. Be ´gua be sin nun.»

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Zeremi 46:23

Ɔliɛ Ezipt lɔ bo ble'n bɔ be wlu nun-ɔn, ɔ wlu-man'n, Eziptfuɛ sɔ'm be kpɔfuɛ'm be su bubu i nun waka'n. Afin be sɔnnin kekleke, ɔ waan lalo mun-ɔn, be ka be-ɔ ɔ yo-man ye.

Zeremi 50:32

«Wun tufuɛ'n ɔ ´bo nvaka kpɛkuun ɔ ´tɔ. Be su nyan-man sran fi b'ɔ ´mɛn i su-ɔ. N ´fa sin n yi i klɔ'm be nun. I sɔ sin liɛ'n ´didi kɔ klɔ nga be o i asa'm be su'n be su.»

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Zeremi 6:29

Ajuin difuɛ'n ɔ fita i sin nun lele ngbɛn. Sɛ be waan be nian sin'n i lolɛ b'ɔ lo'n ti'n, wuun sunmun'n ɔ klo lele ɔ wie. Be tɔn jɛtɛ ufue'n ngbɛn, nán i nun fiɛn'n yɛ ɔ ko wie-ɔ.

Zeremi 9:25

sran sɔ mun be yɛ: Eziptfuɛ mun, Zidafuɛ mun, Edɔmfuɛ mun, Amɔnfuɛ mun, Moabfuɛ mun, ɔ nin aawlɛ flɛnnɛn'n nun lɔfuɛ bɔ akanza yilɛ'n ti be nzuɛn'n mun, afin nvle nga be o lɛ'n be wie fi wla-man klɛn. Izraɛlfuɛ'm be kusu sɛ e ´kwla se'n, b'a wla-man be anwlɛn'n i klɛn.»

Ngwlɛ Yilɛ 2:3

Ɔ fali ya dan, yɛ ɔ yoli man Izraɛl'n i fanngan'n kwlaa wieli. Kɛ ɔ wunnin e kpɔfuɛ mun'n, ɔ'a kle-mɛn i kɛ ɔ tu é ti ngondin. Ɔ trɔli Zakɔb i nvle nun sin. I sɔ sin liɛ'n ɔ didi lika'n kwlaa.

Ezekiɛl 21:3

Kan kle be kɛ: ‹Amun `sie amun su tie ndɛ nga Anannganman Nyanmiɛn kɛn i ngua lɔ bo'n su'n. Anannganman Nyanmiɛn'n wan yoo: M bɔbɔ n ´sɔ sin kun nuan bo'n nun. Ɔ ´yra waka mɔnnɛn'n kwlaa nin waka kee'n kwlaa. Like fi su kwla nuan-man sin taaman'n. Like nga be wo asiɛ sɔ su'n, kɛ ɔ fɛ i ngua lɔ'n lele fa ju nglo lɔ'n, be kwlaa be ´yra.

Mise 7:13

Mɛn'n ɔ ´bo, sran nga be tran nun'n be aeliɛ tɛtɛ'n ti mɛn'n ɔ ´bo.

Zakari 11:1

Liban, tike wɔ anuan mun man sin n di ɔ sɛdri waka mun.