Zeremi 21:10 - NYANMIƐN NDƐ'N 1998

¹⁰ Anannganman wan yoo: «N wa kpɛ mín nyin klɔ nga wun wa, nɛ́n i kpa yolɛ ti-ɔ, sanngɛ i nyrɛnnɛn klelɛ ti-ɔ. Be ´fa man Babilɔni famiɛn'n, ɔ ´wɔ nun.»

Zeremi 21:10 ပူးပေါင်းရင်းမြစ်များ

2 Be Nyoliɛ 36:19

Babilɔnifuɛ'm be wɔli Nyanmiɛn i sua'n nun. Be bubuli Zerizalɛm klɔ'n wun talɛ'n. Be wɔli famiɛn i sua'm be kwlaa be nun, yɛ be sacili klɔ'n nun ninnge kpakpa'm be kwlaa kpan.

Jue Mun 34:16

Afin Anannganman i nyin wo i sufuɛ nanwlɛfuɛ'm be su, i su o yalɛ nga be koko kle i'n su.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 34:2

«Min Anannganman'n bɔ n ti Izraɛl Nyanmiɛn'n, min waan a wɔ ko to famiɛn Sedesias nan a se i kɛ Anannganman'n waan yoo: ‹M'an fa klɔ nga m'an man Babilɔni famiɛn'n, ɔ wa fa sin ´yi nun.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 38:17

Yɛ Zeremi seli Sedesias kɛ: «Anannganman b'ɔ sie mɛn wunmuan'n, Izraɛl Nyanmiɛn'n i nuan su ndɛ'n yɛ. I waan: ‹Sɛ a fin klɔ'n nun fite nan a fa ɔ wun ko man Babilɔni famiɛn'n i awlo lɔ sran dandan mun'n, ɔ́ wun fouun! Yɛ kusu be su wɔ-man klɔ nga nun. A nin wɔ awlofuɛ mun amun ´fite nun.

Zeremi 38:18

Sanngɛ sɛ a fite-man a ko fa-man ɔ wun a wla-man Babilɔni famiɛn'n i awlo lɔ sran dandan'm bé sa nun'n, Babilɔnifuɛ'm be ´fa klɔ'n be ´wɔ nun. Kusu a su fin-man nun fite-man.› »

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 38:3

Zeremi kɛnnin i ekun kɛ: «Anannganman'n wan yoo: ‹Klɔ nga, sán Babilɔni famiɛn'n i sonja'm be ´fa.› »

Zeremi 39:16

«Se Ebɛd-Melɛk b'ɔ ti Etiopifuɛ'n kɛ: ‹Min Anannganman bɔ n sie mɛn wunmuan'n, bɔ n ti Izraɛl Nyanmiɛn'n, min wan yoo: Sa nga n kannin'n, nán cenjele sa-a. Nyrɛnnɛn sa nga n kannin kɛ n ´fa yi i klɔ nga su'n, ɔ'a wie ju ɔ'a wie, ɔ ´yo ɔ nyrun.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 44:11

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «I sɔ'n ti, n wa tu mín nyin n ´wɔ amun m ´mlin amun, n ´nunnun Zida nvle wunmuan'n.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ezekiɛl 15:7

E nin be e wa yia nun. Be bu i kɛ b'a fin sin'n nun b'a fite, sanngɛ sin yɛ ɔ wa di be-ɔ. Kɛ e nin be e ko yia nun sɔ'n, kpɛkuun amun wa si jrɛiin kɛ min yɛ n ti Anannganman nin-ɔn.

Ezekiɛl 24:11

Yɛ fa blalɛ sɛ ngbɛn'n sie sɛnmlɛn'n su nan ɔ lo, nan ɔ blo, nan i fiɛn'n ɔ klo i klun lɔ.

Saun Yolɛ 17:10

Sɛ Izraɛl nvle'n nunfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ di nnɛn wie mmoja'n, i wafa kwlaa wie b'ɔ di'n, i sɔ sran'n liɛ'n, min nin i y'a nyɛn i. N ´fuɛn i min nvle liɛ'n nun.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Amɔs 2:5

N ´fa sin n ´yi Zida mɛn'n nun. Ɔ man i sɔ sin liɛ'n ɔ ´yra sua nglanman nga be o Zerizalɛm lɔ'n mun.»

Amɔs 9:4

Sɛ alɛ kunlɛ nun be trali be lomuɛn nan be yoli kanga be nga be nin be be kun'n bé sa nun'n, n ´yo man be ´kun be. Mín nyin su jaso-man be su le. Nán kɛ be ye yolɛ ti-ɔ, sanngɛ be tɛ yolɛ ti-ɔ.»

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »