Zeremi 21:1 - NYANMIƐN NDƐ'N 1998

¹ Kɛ Sedesias sunmannin Pasir b'ɔ ti Malkiza i wa'n ɔ nin Sofoni b'ɔ ti Nyanmiɛn nyrun jranfuɛ'n Zeremi b'ɔ ti Maazeza i wa'n i wun lɔ'n, yɛ Anannganman'n kannin ndɛ ng'ɔ o yɛ'n kleli Zeremi-ɔ. Famiɛn waan be wa se Zeremi kɛ:

Zeremi 21:1 ပူးပေါင်းရင်းမြစ်များ

2 Famiɛn Mun 22:13

«Amun `wɔ be ko wun Anannganman wun, man ɔ kan fluwa nga be wunnin i'n i wun ndɛ kle amun. Amun `wɔ min nin Zidafuɛ mun e dunman nun, afin kɛ n niɛn i sa'n, e nannan'm b'a fa-man fluwa nga nun ndɛ'm be su. B'a nian-man ndɛ sɔ'm be su b'a nanti-man. I ti Anannganman i ya nga ɔ'a fɛ i é wun'n ti-man blɛblɛ.»

1 Be Nyoliɛ 3:15

Zozias i mma mun yɛlɛ be nga be o yɛ mun: i klikli'n yɛlɛ Zosanan, i nnyɔn su'n yɛlɛ Zozakim, i nsan su'n yɛlɛ Sedesias, i nnan su'n yɛlɛ Salɔm.

1 Be Nyoliɛ 9:12

Nyanmiɛn nyrun jranfuɛ kunngba'm be nun'n, Adaza trannin lɛ wie. Adaza i si'n yɛlɛ Zɛrosam, Zɛrosam liɛ'n yɛlɛ Pasir, yɛ Pasir liɛ'n yɛlɛ Malkiza. Maɛzai kusu trannin lɛ wie. Maɛzai i si'n yɛlɛ Adiɛl, Adiɛl liɛ'n yɛlɛ Zakzera, Zakzera liɛ'n yɛlɛ Mɛsilam, Mɛsilam liɛ'n yɛlɛ Mɛsilemit, yɛ Mɛsilemit liɛ'n yɛlɛ Imɛr.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Neemi 11:12

Be nin be niaan ya mɔcuɛ ablaɔn-nin-nnyɔn be di Nyanmiɛn i sua'n nun junman. Be wie yɛlɛ Zɛrosam i wa Adaza. Zɛrosam i si yɛlɛ Pɛlalia, Pɛlalia liɛ'n yɛlɛ Amzi, Amzi liɛ'n yɛlɛ Zakari, Zakari liɛ'n yɛlɛ Pasir, Pasir liɛ'n yɛlɛ Malkiza.

Zeremi 29:25

Afin Sɛmaɛza sili i wue nun klɛli fluwa ko mannin sran nga be o Zerizalɛm'n nin Nyanmiɛn nuan ijɔfuɛ Maazeza i wa Sofoni, ɔ nin Nyanmiɛn nyrun jranfuɛ mun kɛ:

Zeremi 29:29

Nyanmiɛn nyrun jranfuɛ Sofoni kanngannin fluwa sɔ'n Nyanmiɛn nuan ijɔfuɛ Zeremi nyrun.

Zeremi 35:4

Yɛ n ´fa be n kɔ Nyanmiɛn i sua'n nun lɔ-ɔ. N fali be n wluli Zigdalia i wa liɛ bɔ be flɛ i Anan b'ɔ mantan Nyanmiɛn'n i sɔnnzɔnfuɛ'm be sua ba'n nun lɔ. I sua ba sɔ'n wo famiɛn i awlo lɔ sran dandan'm be liɛ'n i wun lɛ. Ɔ o Salɔm i wa Maazeza ng'ɔ di Nyanmiɛn i sua'n i anuan'n nun gladi'n i sua liɛ'n i ti su nglo.

Zeremi 37:1

Zozias i wa Sedesias'n yɛ ɔ trannin Zozakim i wa Zekɔnias'n i osu-ɔ. Nɛbikadnɛzar b'ɔ ti Babilɔni famiɛn'n yɛ ɔ fɛ i sieli Zida famiɛn-ɔn.

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 37:7

«Min Anannganman bɔ n ti Izraɛl Nyanmiɛn'n, n waan yoo: ‹An `ko se Zida famiɛn'n b'ɔ sunmannin amun kɛ amun wa usa min sa'n kɛ yoo: Se kɛ sɛ Ezipt famiɛn i sonja'm bɔ be tuli ajalɛ kɛ be ´ba amun ukalɛ'n, be su sa bé sin be mɛn'n nun.

Zeremi 38:1

Matan i wa Sɛfatia nin Pasir i wa Gɛdalia, nin Selemia i wa Zikal, ɔ nin Malkiza i wa Pasir be tili kɛ Zeremi kan kleli sran'm be kɛ:

Zeremi 38:14

Famiɛn Sedesias sunmannin sran kɛ ɔ ko flɛ Nyanmiɛn nuan ijɔfuɛ Zeremi. Kɛ Zeremi bali'n, ɔ nin i be ɔli klɛ nun Anannganman i sua'n nun wluwlɛ'n i nsan su'n nun lɔ. Nan famiɛn'n ɔ'a se i kɛ: «N waan n usa wɔ sa kun. Nga a wun i-ɔ, kan, nán fia su.»

Zeremi 52:24

Gladi difuɛ'm bé su kpɛn'n ɔ trali Nyanmiɛn nyrun jranfuɛ'm bé su kpɛn bɔ be flɛ i Sɛraza'n nin i mantanfuɛ bɔ be flɛ i Sofoni'n, ɔ nin Nyanmiɛn nyrun jranfuɛ nsan nga be nian anuan'n su'n.