Zeremi 20:8 - NYANMIƐN NDƐ'N 1998

⁸ Ndɛ kwlaa nga n ´kan'n, i agualiɛ su san n ´kpan, san n ´kpan kɛ be ´kun min o! Be `de min o! Anannganman, ɔ ndɛ'n i kanlɛ'n ti min srisrilɛ yɛ be srisri min-ɔn, yɛ min nzowa yɛ be kpɛ i sa cɛn kwlaa-a.

Zeremi 20:8 ပူးပေါင်းရင်းမြစ်များ

2 Famiɛn Mun 2:23

Elize fɛ i Zeriko ɔli Betɛl. Kɛ ɔ ´kɔ'n, gbanflɛn kanngan wie'm be fin klɔ'n nun fiteli, kpɛkuun be srili i. Be seli i kɛ: «Ti kpawa, kɔ! Ti kpawa, kɔ!»

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Ezai 57:4

?Wan yɛ amun yo i finfin nin-ɔn? ?Wan yɛ amun tike amún nuan'n gbauun be oto i nin-ɔn? ?Amun ti-man ba bɔ bé nyin ti kekle bɔ be ti ato buafuɛ mun?

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 15:15

Anannganman, ɔ bɔbɔ a si min. Nán ɔ́ wla tra min su, nian min lika. Tu min klunngbɔ be bɔ be kle min yalɛ'n be su. Nán man ɔ ya bɔ a fɛ-mɛn i ndɛndɛ'n ti sa `nyan min. Ɔ bɔbɔ nian, nyannzuɛn nga n ´wun i yɛ'n, ɔ dunman nun yɛ n wun i-ɔ.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 20:7

Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Zeremi 28:8

Kɛ ɔ fin lalafuɛ nun'n, Nyanmiɛn nuan ijɔfuɛ nga be dunnin mmua wɔ nin min e nyrun'n, be kannin alɛ nin nyrɛnnɛn ɔ nin tukpacɛ b'ɔ sa ndɛndɛ ng'ɔ wa ju mɛn dandan nin famiɛn diwlɛ kpakpa'm be su'n.

Zeremi 5:1

Anannganman waan: «An `wlan-wlan Zerizalɛm akpɔ'm be su. An `nian-nian, an `usa usa. An `nian anyia lika'm be nun. Sɛ amun wun sran wie b'ɔ fa mmla su bɔ nanwlɛ atin'n yɛ ɔ kunndɛ fa'n, n ´yaci Zerizalɛm i wun sa'n n cɛ i .»

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Abakik 1:3

?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

JÉSUS-CHRIST I DYASIN FE'N BO LUC KLELI'N 11:45

Mmla sifuɛ'm be nun kun seli i kɛ: «Nja, ndɛ nga a kɛn i lɛ'n, a lo e kusu e ngasi.»

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Hébreu 13:13

I sɔ'n ti, man e fite e wɔ i wun klɔ'n i tiwa lɔ nan be gua e nin i é nyin ase .

1 Piɛr 4:14

Sɛ be kpɛ amun nzowa Krist dunman b'ɔ o amun su'n ti'n, amun liɛ su ti ye, afin Nyanmiɛn Wawɛ'n b'ɔ lɛ nyrun'n ɔ nin amun wo nun !