Zeremi 20:7 - NYANMIƐN NDƐ'N 1998

⁷ Anannganman, a lakalakali min n fali su. A nyannin min, a kwlali min. Ɔ lɛ-man cɛn kun bɔ be srisri-man min-ɔn. Sran'm be kwlaa be srisri min.

Zeremi 20:7 ပူးပေါင်းရင်းမြစ်များ

2 Famiɛn Mun 2:23

Elize fɛ i Zeriko ɔli Betɛl. Kɛ ɔ ´kɔ'n, gbanflɛn kanngan wie'm be fin klɔ'n nun fiteli, kpɛkuun be srili i. Be seli i kɛ: «Ti kpawa, kɔ! Ti kpawa, kɔ!»

Zɔb I Nyrɛnnɛn Wunlɛ 12:4

Kɛ n ´srɛ Nyanmiɛn'n, n lafi su kɛ ɔ ´tɛ min su. Kpɛkuun min yɛ min janvuɛ'm be su yo min finfin yɛ. Sran kpa bɔ be kwla saci-mɛn i wun kaan sa'n, yɛ be su yo i finfin yɛ.

Zɔb I Nyrɛnnɛn Wunlɛ 30:9

Be mma mun yɛ ndɛ be su fa min ´kpɛ jue yɛ, yɛ be su fa min ´kan bé ndɛ su yɛ.

Jue Mun 119:51

Wun tufuɛ mun'n, min srilɛ'n yɛ ɔ ti be junman-an. Sanngɛ n san-man ɔ mmla'n i wun n fa-man uflɛ.

Ezai 8:11

Kɛ Anannganman trali min'n, b'ɔ wlali min su nun kpa kɛ nán n nanti nvle nga nunfuɛ'm be atin liɛ'n su'n, ɔ seli min kɛ yoo:

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 17:16

Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Zeremi 20:9

Sɛ n waan: «M bu-man Anannganman i akunndan kun, yɛ n kɛn-mɛn i nuan ndɛ kun'n,» like wie yra min klun lɔ sa fiaan kɛ sin sa. N kplin mín nyin kɛ n ´yo nan ɔ `kan ase, sanngɛ ngbɛn-ɔn.

Zeremi 29:26

«Sofoni, Anannganman'n fali wɔ sieli i Zɛozada osu kɛ a `yo Nyanmiɛn nyrun jranfuɛ kɛ ɔ ko yo nan w'a nian Nyanmiɛn i sua'n su, nan sran nga be ijɔ finfin'n bɔ be blɔ bé wun kɛ be ti Nyanmiɛn nuan ijɔfuɛ'n, w'a ci be kwlaa nin jrɔkɔ, nan w'a wla be kɔmin kaa'n ti.

Zeremi 38:19

Famiɛn Sedesias tɛli i su kɛ yoo: «Zuif nga be sinnin Babilɔnifuɛ'm bé sin'n, be ti yɛ srɛ kun min-ɔn. Sɛ n yo sɔ-ɔ, be ko fa min be ko wla bé sa nun be ko yo min tɛtɛ.»

Ngwlɛ Yilɛ 3:14

Sran'm be kwlakwla be srisri min. Aliɛ ba kwlaa nun mín wun flɛn jue mun yɛ be to-ɔ.

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Ndɛ Nga Nyanmiɛn I Nuan Ijɔfuɛ Oze Kannin'n 9:7

Amun fɔ tulɛ nga Anannganman'n kɛnnin i ndɛ'n, i blɛ'n ɔ'a wie ju. Yɛ amun kalɛ tualɛ blɛ'n kusu ɔ'a wie ju. I sɔ blɛ nun'n, Izraɛl wa si kɛ sa ti-ɔ. An ko se kɛ: «Nyanmiɛn nuan ijɔfuɛ'n ɔ'a bo fia, sran sɔ'n b'ɔ nin Nyanmiɛn be ijɔ'n i ti ɔ'a saci.» Sɛ ɔ bo fia'n, ɔ fin amun sa tɛtɛ beblebe'n, ɔ fin abɔlɛ kpɔlɛ nga amun kpɔ i'n .

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Mise 3:8

Sanngɛ min liɛ'n, n lɛ wunmiɛn kpa. Anannganman i Wawɛ'n i fanngan nun ti srɛ kun-man min nanwlɛ dilɛ'n nun. Sa tɛ nga Zakɔb i osu nunfuɛ'm be yo'n, sa tɛ nga Izraɛlfuɛ'm be yo'n, n ´kan kle be weiin.

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

JÉSUS-CHRIST I DYASIN FE'N BO LUC KLELI'N 23:11

Erɔd nin i sonja mun be yoli i finfin, be srili i, be wlɛli i wun tralɛ klanman kpa nan b'a fɛ i a ko man Pilat .

Sa nga bé yôli'n 17:18

Fluwa sifuɛ dandan wie'm bɔ be flɛ be epikirfuɛ nin stɔikfuɛ'n be nin Pɔl kannin ndɛ. Be wie'm be se kɛ: «?Fiaifuɛ nga i wan nzɛ?» Yɛ wie'm be se kɛ: «Ɔ su kan nvle wie'm be amuɛn ndɛ.» Sa ti bɔ be kɛn i sɔ'n yɛlɛ kɛ ɔ kan Jésus ndɛ nin sran'm be cɛnlɛ ndɛ.

Sa nga bé yôli'n 17:32

Kɛ be tili kɛ ɔ su kan sran nga be wuli'n be cɛnlɛ ndɛ'n, wie'm be yoli i finfin, yɛ wie'm be se kɛ: «E wa tie ɔ ndɛ sɔ'n cɛn uflɛ ekun.»

1 Korɛntfuɛ Mun 9:6

?Min nin Barnabas e ngunmin cɛ yɛ sɛ e yaci e junman liɛ'n ɔ ti-mɛn i su-ɔ?

Hébreu 11:36

Be to wie'm be mma, be fa nyantiaan bo be, be fa jrɔkɔ ci wie mun, yɛ be wla be bisua.