Zeremi 20:6 - NYANMIƐN NDƐ'N 1998

⁶ Wɔ Pasir, a nin wɔ awlofuɛ'm be kwlaa be ´tra amun lomuɛn be ´kɔ. A ´kɔ Babilɔni, a ´wu lɔ, be ´sie wɔ lɔ, a nin ɔ janvuɛ nga a kannin Nyanmiɛn nuan ndɛ ato kleli be mun.› »

Zeremi 20:6 ပူးပေါင်းရင်းမြစ်များ

Ezai 9:15

Be nga be ti sran nga'm be nyrun dunfuɛ'n, be mlinlɛ yɛ be mlinnin be-ɔ. Be nga be kplin be su kɛ be dun be nyrun mmua'n, be fa atin tɛ'n.

Zeremi 14:13

Yɛ n tɛli su kɛ: «Ee! Anannganman Nyanmiɛn kpli, Nyanmiɛn nuan ijɔfuɛ'm be seli be kɛ: ‹Alɛ su tɔ-man amun su. Awe su kpɛn-man amun su. Nyanmiɛn'n ´yo man amun ´nyan fɔundi dan lika nga nun wa.› »

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 20:1

Kɛ Zeremi kannin Nyanmiɛn nuan ndɛ sɔ'n, Pasir b'ɔ ti Imɛr i wa'n bɔ i kunngba'n ti Nyanmiɛn nyrun jranfuɛ nin Nyanmiɛn i sua'n su nianfuɛ'm bé su kpɛn'n ɔ tili.

Zeremi 20:4

Anannganman'n wan yoo: ‹N ´fa nyrɛnnɛn'n n ´yi wɔ nin ɔ janvuɛ'm be su. Be kpɔfuɛ'm be ´kun be-ɔ, ɔ́ nyin ´ta nun. Yɛ n ´fa Zida nvle wunmuan'n i nunfuɛ mun m man Babilɔni famiɛn'n. Ɔ ´tra be lomuɛn kɔ i mɛn'n nun, wie kusu-ɔ, ɔ ´kun be.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 29:32

Anannganman'n wan yoo: «E nin Sɛmaɛza b'ɔ ti Neselamfuɛ nin i osu'n y'a nyɛn i. I fuɛ'm be nun kun sa i nyin su tran-man su nan se kɛ nɛnnɛn nga n ´di min nvlefuɛ mun'n ɔ ´wun nun. Sa ti b'ɔ ´yo sɔ'n yɛlɛ kɛ ɔ su sran'm be bo kɛ nán be nyin yi min.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ezekiɛl 22:28

Be nga be tɔn be wun suɛn kɛ be ti Nyanmiɛn nuan ijɔfuɛ'n be kusu be kata sa sɔ'm be kwlaa be su ɔ nin be aolia nun gblɛ sa mun bɔ be waan be wun be mun. Be yi ato wunnzue. Be se kɛ: ‹Anannganman Nyanmiɛn'n wan yoo,› i kusu wuun min Anannganman m'an kan-man ndɛ a kle-man be.

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

Zakari 13:3

«Sran ng'ɔ di wlɛwlɛ kɛ ɔ ´ijɔ min nuan ekun'n, i si nin i nin nga be wuli i'n be ´se i kɛ yoo: ‹Kɛ bɔ a bua ato guɛ i Anannganman wun'n, wulɛ yɛ a ´wu-ɔ.› Ɔ man sɛ i si nin nin be ´nian nan ɔ su kɛn i ndɛ sɔ mun'n, be ´wɔ i cua be ´kun i.

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.