Zeremi 20:18 - NYANMIƐN NDƐ'N 1998

¹⁸ Sɛ m'an fin-man min nin klun m'an fite-man'n, wuun i li flunman tra nyrɛnnɛn nga n ´wun i yɛ nin fɛlɛ nga n ´fɛ yɛ'n, ɔ nin nyannzuɛn nga n ´wun i cɛn kwlaa sa'n .

Zeremi 20:18 ပူးပေါင်းရင်းမြစ်များ

1 Famiɛn Mun 19:4

I bɔbɔ ɔli aawlɛ flɛnnɛn'n nun lɔ, ɔ nantili cɛn kun. Yɛ ɔ ko trannin waka bɔ be flɛ i genɛ'n i kun bo-ɔ. Siɛn'n, like ng'ɔ kunndɛ'n yɛlɛ wie'n. I waan: «Anannganman, ɔ'a yo kpa sɔ. Fa min nguan'n. N ti-man kpa n tra-man mín si mun.»

Zɔb I Nyrɛnnɛn Wunlɛ 14:1

Klɔ sran'n bɔ bla yɛ ɔ wuli i'n i nguan'n ɔ ti tika. Kusu i nguan sɔ'n, ɔ ti afɛ ngunmin.

Zɔb I Nyrɛnnɛn Wunlɛ 14:13

Ee! Min Nyanmiɛn, sɛ ɔ ti kɛ a fa min fia blɔlɔ lɔ-ɔ yo ye'n, wuun n ´fia lɔ cɛ, wuun n ´fia lɔ lele san ɔ ya'n ɔ ´sin. I sin, a ´kle cɛn, sɛ ɔ ju'n, kpɛkuun ɔ́ wla ´kpɛn min su.

Zɔb I Nyrɛnnɛn Wunlɛ 3:20

?Ɔ yo sɛ ti yɛ Nyanmiɛn kplin su man be wu be bɔ be wun nyrɛnnɛn nin-ɔn? ?Ɔ yo sɛ ti yɛ ɔ kplin su man be wu be bɔ be nguan'n ɔ ti afɛ ngunmin nin-ɔn?

Zɔb I Nyrɛnnɛn Wunlɛ 5:7

Kɛ be wu sran sa'n, fɛlɛ yɛ ɔ fɛ-ɔ. Ɔ ti kɛ anunman nyin sa. Kɛ b'a wu i'n, kannzɛ ɔ yo sɛ san ɔ ´tu.

Jue Mun 102:3

Kɛ n wo nyrɛnnɛn'n nun'n, nán kaci ɔ́ sin si min. Kɛ n flɛ wɔ'n, sie ɔ su tie. Kan ɔ́ wun tɛ min su.

Jue Mun 69:19

Wunnge min wun wa nan nian min lika. Min kpɔfuɛ'm be ti, de min.

Ezai 1:6

Kɛ ɔ fɛ i amún ja ngbabua'm be su lele b'ɔ fa ju amún ti'n su'n, amun wunnɛn'n i lika fi nun-man lɛ bɔ be kwla se kɛ ɔ ti kpa kan-an. Laa kannin mun nin amun wunnɛn bɔ b'a susu'n, ɔ nin kannin uflɛ-uflɛ mun, sran fi fua-man be, sran fi gua-man be nun ayre, yɛ sran fi cici-man be su.

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 15:18

?Ɔ yo sɛ ti yɛ min afɛ liɛ'n lɛ-man kpɛbo sɔ-ɔ? ?Kannin ng'ɔ tuli min'n, ɔ yo sɛ ti yɛ ɔ lɛ-man ayre nin-ɔn? ?Nan lakalɛ yɛ a lakali min-ɔn? Nzue ba bɔ nzue nun-man nun titi'n, be lafi i su-ɔ ɔ yo-man ye.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Zeremi 8:18

Min akunndan ɔ'a sanngan. N wun-man min wun yowlɛ kunngba. Mín sa sin ɔ'a bubu min.

Ngwlɛ Yilɛ 1:12

Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ngwlɛ Yilɛ 3:1

Kɛ be se kɛ sran ɔ'a wun i nyrun'n yɛlɛ min liɛ'n. Ɔ fali ya dan nan ɔ'a bo min nin nyantiaan.

Abakik 1:3

?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 11:36

Be to wie'm be mma, be fa nyantiaan bo be, be fa jrɔkɔ ci wie mun, yɛ be wla be bisua.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 13:13

I sɔ'n ti, man e fite e wɔ i wun klɔ'n i tiwa lɔ nan be gua e nin i é nyin ase .