Zeremi 20:16 - NYANMIƐN NDƐ'N 1998

¹⁶ Man sran sɔ'n yo kɛ klɔ nga Anannganman'n sacili be bɔ i waan ɔ si-man be aunnvuɛ kun'n sa. Nglɛmun'n, man ɔ ti kpankpanlɛ. Wia jran'n, man ɔ ti alɛ kpanlɛ.

Zeremi 20:16 ပူးပေါင်းရင်းမြစ်များ

Zeremi 18:22

Kɛ bɔ b'a kpɛ min bo kunman kɛ be ´tra min'n, bɔ b'a sua aya min bo nan n `tɔ nun'n ti, sunman sonja mun man be ko fu be nun nan be ti kpankpanlɛ be awlo'm be nun.

Zeremi 18:8

Sanngɛ sɛ nvle nga n kɛnnin i ndɛ sɔ'n i nunfuɛ'm be yaci sa tɛ yolɛ'n, n kaci aniɛn'n, sa nga min waan n ´fa yo be'n, n fa fli be.

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 26:13

Nan i ti an `kaci amun nzuɛn'n nin amun aeliɛ mun. An `tie Anannganman amun Nyanmiɛn'n i aniɛn'n nan sa ng'ɔ kɛnnin i kɛ ɔ ´fa yo amun'n, ɔ'a fa fli amun.

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 21:22

M bɔbɔ n kusu, n ´fin mín sa klun kplo, yɛ n ´fa min ya'n lele n ´guɛ i ti nin i bo. Min Anannganman yɛ n kan sɔ-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 10:14

I sɔ'n ti, alɛ nganniɛn ɔ wa kpla amun nvle nun, amun klɔ nga be sili bé wun'n, be ´bubu flɛnnɛnnɛn. Be wa yo kɛ Bɛt-Arbɛl bɔ famiɛn Salman nunnunnin i'n sa, ɔ nunnunnin niɛn mun nin bé bo mma mun'n .

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

Amɔs 1:14

N ´fa sin n ´yi be klɔ Raba'n nun, i sɔ sin liɛ'n ɔ ´yra klɔ'n su sua nglanman mun. Kɛ ɔ ´yo sɔ'n, wuun sran'm be ´kpan alɛ kpanlɛ. Alɛ kunlɛ cɛn'n nun'n, aunngban dan kun ´fita kɛ nzue su tɔ nan aunngban dan su fita sa.

Amɔs 2:2

N ´fa sin n ´yi Moab mɛn'n nun. Sin'n ´di sua nglanman nga be o Kɛrizɔt klɔ'n su mun. Be ´kpan alɛ kpanlɛ, be ´bo awɛ. Oyo-oyo sɔ'n nun, Moab mɛn'n ´bo.

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Zonas 3:4

Zonas fali cɛn kun wlannin klɔ'n nun. Kɛ ɔ ´kɔ'n, wuun ɔ ´bo ndolo'n. I waan: «Ɔ ka cɛn ablanan Niniv'n ´nunnun.»

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Sofoni 1:16

Sonja nga be fin lika wie be bali kɛ be nin be kpɔfuɛ mun be ´kun alɛ'n, be ´bo awɛ yɛ be ´kpan alɛ kpanlɛ. Klɔ nga be si be wun'n, bɔ be lɛ sasawlɛ sua nglo-nglo'n be nin be nunfuɛ'm bé kun.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

JÉSUS-CHRIST I DYASIN FE'N BO LUC KLELI'N 17:29

Sanngɛ cɛn nga Lɔt fin Sodɔm lɔ fiteli'n, sin nin sufru be fin nyanmiɛn su lɔ guali kɛ nzue sa nan ɔ'a nunnun be kwlaa .

Mmla'n 29:22

Be ´wun kɛ lika'n ɔ'a yo kɛ ɔ'a yra sa sufru nin njin'n ti. Ɔ man be di nun fie-ɔ ɔ yo-man ye, nan ´se kɛ aliɛ yɛ be ´nyɛn i nun-ɔn. Be ´wun kɛ ijre fi su fi-man kɛ Sodɔm, nin Gomɔr, nin Adma, ɔ nin Zɛbɔim bɔ Anannganman fali ya nunnunnin be'n be blɛ su sa.

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .