Zeremi 20:12 - NYANMIƐN NDƐ'N 1998

¹² Anannganman, wɔ b'ɔ a sie mɛn wunmuan'n, ɔ liɛ a si sran jrɛin mun. Akunndan nga be ti fiawa sran i anwlɛn nun'n, a si be. Ɔ klunngbɔ nga a ´tu i be su'n, ɔ ´yo min nyrun. Afin ɔ́ ja su yɛ n fali min ndɛ'n m bali-ɔ.

Zeremi 20:12 ပူးပေါင်းရင်းမြစ်များ

2 Be Nyoliɛ 24:22

Zɔas wla fili ye nga bɔ Zɛozada b'ɔ ti Zakari i si'n yoli i'n su. Ɔ kunnin i wa'n. Kwlaa nan Zakari ɔ'a wu'n, ɔ kpannin kɛ: «Man Anannganman wun sa ng'ɔ o yɛ'n, yɛ man ɔ fa usa amun.»

Jue Mun 11:5

Anannganman si sran kpa'n i klun akunndan'n. Sanngɛ klunwifuɛ'n, ɔ nin sran ng'ɔ fa sa tɛ yolɛ'n cici i ti'n, ɔ kpɔ i sɔfuɛ mun .

Jue Mun 139:23

Ee Nyanmiɛn, nian min anwlɛn nun! Sa min mian! Nian min klun lɔ akunndan'n!

Jue Mun 17:3

Sɛ a nian min anwlɛn'n nun lɔ'n, sɛ kɔnguɛ bɔbɔ a nian min anwlɛn'n nun lɔ sa mun'n, sɛ a sa min nian'n, a su wun-man sa tɛ min nun. N kan-man ndɛ tɛtɛ kɛ sran wie'm be yo'n sa.

Jue Mun 54:7

Man sa ng'ɔ ´ba'n, ɔ kaci tɔ min kpɔfuɛ'm be su. Nunnun be man n wun kɛ a ti nanwlɛfuɛ.

Jue Mun 58:10

Man be yo kɛ waka kanngan bɔ be nian kaci-man susrɛ'n sa. Kannzɛ be tɛ yo mɔnnɛn o, annzɛ sɛ b'a wu kee o, ɔ ti-man sa, aunngban dan'n ɔ fita be kɔ.

Jue Mun 59:10

Wɔ yɛ a man min wunmiɛn-ɔn, ɔ nyrun yɛ mín nyin ta-a. Wɔ Nyanmiɛn'n, wɔ yɛ a ti min fiawlɛ sua-a.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 7:9

Anannganman, wɔ bɔ a di nvle-nvlefuɛ'm be jɔlɛ'n, kan min ti ndɛ man min, afin m'an yo-man sa.

Jue Mun 86:4

Min Min, ɔ su yɛ n kpɛ mín nyin-ɔn, n srɛ wɔ, yo man min klun jɔ.

Ezai 37:14

Ezekias fali fluwa'n sunmanfuɛ'm bé sa nun. Ɔ kanngannin nun. I sin ɔ ɔli Anannganman i sua'n nun lɔ, ɔ trɛli nun kleli Anannganman.

Ezai 38:14

N kpan fie fie kɛ alialia b'ɔ tu sin'n sa. N kplin kɛ auble sa. N kwla fa-man min nyinma n nian-man nyanmiɛn su lɔ kun. Awlaboɛ'n wo mín su dan, bla wa uka min.

Zeremi 11:20

Yɛ Anannganman b'ɔ sie mɛn wunmuan'n, kusu b'ɔ ti jɔlɛ difuɛ kun b'ɔ di ndɛ nanwlɛ, akunndan nga sran'm be bu i be klun lɔ'n, ɔ si. Kɛ a ´tu ɔ klunngbɔ be su'n, ɔ ´yo min nyrun. Ɔ sa nun yɛ min ndɛ'n ɔ wo-ɔ.

Zeremi 12:8

Min nvlefuɛ'm be wa kacili kɛ asɔmɔli bɔ be o blo lɔ'n sa. B'a triki min kɔmin su, ɔ man min konvi tuli be su.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .

1 Piɛr 4:19

I sɔ'n ti, be nga be nyrɛnnɛn wunlɛ'n ɔ ti Nyanmiɛn klun su'n, man be fa bé wun man Nyanmiɛn b'ɔ yili be'n, bɔ be kwla fa bé wla guɛ i su'n. Man be yo sa ng'ɔ ti kpa'n tititi.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»

1 Samiɛl 1:15

Ani tɛli su kɛ: «Baba nan, nán nzan-an. N wo afɛ nun. Sa ng'ɔ o mín su'n yɛ n fa sie i Anannganman nyrun-ɔn.