Zeremi 20:11 - NYANMIƐN NDƐ'N 1998

¹¹ Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 20:11 ပူးပေါင်းရင်းမြစ်များ

Jue Mun 129:2

«Kɛ ɔ fin min kaan nun lele'n, blɛ sunman be kleli min yalɛ» sanngɛ b'a kwla-man min.

Jue Mun 35:26

Be kwlakwla nga kɛ sa'n ju mín su'n ɔ yo be fɛ'n, man bé nyin gua ase, man be wun nyannzuɛn! Be nga be tu bé wun gua min su'n, nán be kwla bé ti su man, man nyannzuɛn'n yɛ ɔ kun be-ɔ!

Jue Mun 40:14

Anannganman, yaci, de min! Anannganman, bla ndɛndɛ wa uka min!

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 6:10

Anannganman tili min aunnvuɛ srɛlɛ'n, Ɔ sieli i su min srɛlɛ'n bo.

Jue Mun 65:5

Sran nga a kpɛ i bɔ a fɛ i mantan ɔ wun nan ɔ tran ɔ sua nun'n, i liɛ su ti ye! Ɔ sua'n nun lɔ ninnge kpakpa'n bɔ be man sran muae'n, e waan e ´fa wie é ti é wun nyanman nun!

Jue Mun 66:5

Amun `bla be wa nian Nyanmiɛn i sa nuan ninnge mun. Ninnge sɔ'm be bo sran'm be nuan.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 41:14

Zakɔb osu nunfuɛ mun, amun bɔ amun ti kɛ kakaa kanngan mun sa'n, Izraɛlfuɛ kanngan nga amun kali lɛ'n, nán srɛ kun amun, n su ba amun ukalɛ. Min Anannganman bɔ n ti Izraɛl Nyanmiɛn'n, bɔ n ti amún ti kpɔfuɛ'n, min yɛ n se sɔ-ɔ.

Ezai 45:16

Be nga be yo amuɛn mun'n, nyannzuɛn'n ɔ'a kun be kpo, bé nyin'n ɔ'a gua ase, be kan bé ti ase yɛ be kɔ-ɔ.

Zeremi 1:18

Ɔ fin ndɛ, n ´yo man a ´yo cinnjin kɛ klɔ bɔ b'a si i wun'n sa. A ´yo kekleke kɛ blalɛ mlomlo wie sa. A ´yo kɛ aaba talɛ sa mɛn'n nunfuɛ'm be kwlaa be lika: i Zida famiɛn mun o, be awlo lɔ sran dandan mun o, i Nyanmiɛn nuan ijɔfuɛ mun o, ɔ nin mɛn nga nunfuɛ'm be kwlaa .

Zeremi 1:19

Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 15:15

Anannganman, ɔ bɔbɔ a si min. Nán ɔ́ wla tra min su, nian min lika. Tu min klunngbɔ be bɔ be kle min yalɛ'n be su. Nán man ɔ ya bɔ a fɛ-mɛn i ndɛndɛ'n ti sa `nyan min. Ɔ bɔbɔ nian, nyannzuɛn nga n ´wun i yɛ'n, ɔ dunman nun yɛ n wun i-ɔ.

Zeremi 15:20

N ´yo wɔ kɛ aaba talɛ dan sa. Nvle nga nunfuɛ'n be nin wɔ ´kun, sanngɛ be su kwla yo-man wɔ like fi. Afin e nin wɔ e o nun, n ´uka wɔ, n ´de wɔ.» Anannganman'n yɛ o kan sɔ-ɔ.

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Zeremi 22:22

Aunngban'n ´fita wɔ atin klefuɛ'm be kwlakwla. Sran'm be ´tra ɔ soman'm be kwlakwla be lomuɛn be ´kɔ. Ɔ sa tɛ nga a yoli'n kwlakwla i nuan akatua bɔ a nyɛn i'n yɛlɛ nyannzuɛn. A su kwla-man ɔ́ ti su man.

Zeremi 23:40

Amún nyin ase nga n ´gua'n, bé wla su fi-mɛn i le nan kɛ ɔ ´yo-ɔ ɔ'a yo.› »

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.