Zeremi 2:9 - NYANMIƐN NDƐ'N 1998

⁹ I sɔ ng'ɔ o lɛ'n ti'n Anannganman'n wan yoo: ‹M ´man amun ndɛ lelele. E nin amun anunman mun e wa nyɛn i.

Zeremi 2:9 ပူးပေါင်းရင်းမြစ်များ

Jue Mun 50:4

Ɔ flɛ nyanmiɛn b'ɔ la nglo lɔ plaii'n su lɔfuɛ mun nin asiɛ'n su wafuɛ mun. Ɔ flɛ be kɛ be wa trɛn i nvle'n i jɔlɛ b'ɔ wa di'n i bo.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezai 3:13

Anannganman ɔ'a yi i wun nglo ɔ su wa di jɔlɛ, ɔ'a jaso kɛ ɔ ´di sran'm be jɔlɛ.

Ezai 43:26

Amun `kan sa nga amun wunnin i mín wun'n ekun, man e bue nnyɔn'n e `niɛn i likawlɛ. Amun `kpli amún ti man e nian.

Zeremi 2:29

Anannganman'n usa kɛ: «?Ɔ ju sɛ ti yɛ man min yɛ amun nin min lɛ i-ɔ? Amun kwlakwla amu'an fɔnndɔn min.

Zeremi 2:35

Sanngɛ a blu sa ng'ɔ o lɛ'n su a ko se kɛ: «M'an yo-man sa, nán ɔ fa mín wun ya sɔ. Selɛ nga a seli kɛ w'a yo-man tɛ'n ti e nin wɔ y'a nyɛn i.»

Ndɛ Nga Nyanmiɛn I Nuan Ijɔfuɛ Oze Kannin'n 12:3

Anannganman'n nin Zidafuɛ mun be lɛ ndɛ. Zakɔb i nvlefuɛ'm be nyoliɛ'n ti, ɔ wa tu be fɔ. Ɔ wa man be nyoliɛ'n i nuan akatua.

Ndɛ Nga Nyanmiɛn I Nuan Ijɔfuɛ Oze Kannin'n 2:2

Zidafuɛ'm be nin Izraɛlfuɛ'm be wa yo nvle kunngba kɛ laa'n sa. Kpɛkuun bé bo ´yo kun be ´fa be nun sran kunngba kɛ i yɛ ɔ `sie be-ɔ. Yɛ be ´tu be bo mɛn'n nun, afin Zizreɛl i cɛn'n ɔ ´yo cɛn dan kpa .

Ndɛ Nga Nyanmiɛn I Nuan Ijɔfuɛ Oze Kannin'n 4:1

Anannganman nin i mɛn'n nunfuɛ'm be lɛ ndɛ. Izraɛlfuɛ mun, an `tie ndɛ ng'ɔ kan'n: «Be wun-man sran nanwlɛfuɛ nin aklunyefuɛ kun. Min bɔ n ti Nyanmiɛn'n be bua-man min ndɛ nun mɛn nga nun kun.

Saun Yolɛ 20:5

m bɔbɔ min e nin i e ´nyɛn i, yɛ e nin i osufuɛ mun e ´nyɛn i. I bɔbɔ kun, yɛ be nga be ukɛ i su bɔ be ko yo bé wun wannzo be fa bé wun be man Mɔlɔk'n, n ´fuan be n sran'm be afiɛn.

Mise 6:2

Oka mun nin asiɛ bɔ oka'm be bo'n taka su'n, amun `sie amún su, Anannganman nin i mma'm b'a nyan ndɛ, ɔ'a fa ndɛ ɔ'a mian Izraɛlfuɛ'm bé sa. I waan Izraɛlfuɛ'm b'a yo i sa.