Zeremi 2:8 - NYANMIƐN NDƐ'N 1998

⁸ Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 2:8 ပူးပေါင်းရင်းမြစ်များ

1 Famiɛn Mun 18:22

Eli seli be kɛ: «N kunngba yɛ m'an ka Nyanmiɛn i nuan ijɔfuɛ-ɔ, yɛ sanngɛ Baal i nuan ijɔfuɛ'm be ti ya-nnan-ablenun.

1 Famiɛn Mun 18:29

Kɛ midi sinnin'n, be kpan flɛli Baal kekle kpa trali laa'n. Be yoli i sɔ lele fa ju blɛ nga be yi nnɔsua wia nun sraka'n, sanngɛ b'a ti-man be `fuɛn, b'a ti-man be `trɛ.

1 Famiɛn Mun 18:40

Yɛ Eli seli be kɛ: «Amun `tra Baal i nuan ijɔfuɛ mun, nán ba kun sa wanndi!» Yɛ be trali be-ɔ. Eli fali be ɔli Kizɔn nzue ba'n nuan lɔ nan ɔ'a kpɛ be kɔmin.

Zɔb I Nyrɛnnɛn Wunlɛ 35:10

Sanngɛ be nun ba kun sa usa-man kɛ: «?Nyanmiɛn b'ɔ yili min'n ɔ o nin? I yɛ ɔ fa jue tolɛ wla é nuan kɔnguɛ-ɔ.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ezai 29:10

Afin Anannganman ɔ'a yo man amu'an yo sa zuglaa. Ɔ'a kata amun nyinma'n (wa liɛ'n, Nyanmiɛn nuan ijɔfuɛ'm be ndɛ yɛ ɔ kan-an.) Ɔ'a kata amún ti (wa liɛ'n jeliwafuɛ'm be ndɛ yɛ ɔ kan-an.)

Ezai 30:5

Bé nyin yɛ ɔ ´gua ase-ɔ, afin Eziptfuɛ'm be su kwla uka-man be, be su kwla de-man be, yɛ be su kwla nian-man be lika. San nyannzuɛn cɛ yɛ bé ´wun i-ɔ, yɛ sokpalɛ cɛ yɛ be ´sokpa be-ɔ.»

Zeremi 10:21

Bé su kpɛn mun yɛ be yoli-ɔ. Be yoli sinnzin, b'a mantan-man Anannganman'n, i ti yɛ b'a si-mɛn i yo bɔ sran nga be nian be su'm be bo sanndili-ɔ.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 2:11

?Awlanmannun, nvle wie o lɛ b'ɔ kaci i amuɛn mun-ɔn? ?Kannzɛ bɔ be ninnge sɔ'm be ti-man amuɛn kpa'n be kaci be? Sanngɛ kpɛkuun min nvle bɔ n dili i nɛnnɛn n yoli i Nyanmiɛn'n, ɔ yaci min lɛ cɛ ɔ ko fa like nga be yo-man sa fi ye'n.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 7:8

Sanngɛ amun liɛ'n, ndɛ finfin ng'ɔ yo-man like fi ye'n i su yɛ amun lafi-ɔ.

Zeremi 9:14

I sɔ'n ti Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i waan: «N wa man nvle nga nunfuɛ'm be kondu man be di. N ´gua nzue nun duwlɛ n ´man be be ´nɔn.

Ezekiɛl 22:26

Be sraka yifuɛ'm be fɔn min mmla mun, yɛ be bu-man lika nga be ti n liɛ klonglo'n be like fi. Be si-man like ng'ɔ ti n liɛ klonglo'n nin ng'ɔ ti-man n liɛ mlɔnmlɔn'm be ngbaciɛ. Be kle-man sran'm be like ng'ɔ ti saun'n nin ng'ɔ ti-man saun'n be ngbaciɛ. Be nyinfu be di-man min wunmiɛn-delɛ-cɛn'n su. Yɛ sran fi nyin yi-man min. Anyinyiɛ ng'ɔ fata kɛ be fa man min'n, be fa man-man min.

Ezekiɛl 34:2

«Klɔ sran, kan sa ng'ɔ wa ju'n kle Izraɛl kpɛnngbɛn mun. Kan sa ng'ɔ wa ju'n kle Izraɛl nvle'n i nyrun dunfuɛ'm bɔ be ti kɛ bua su nianfuɛ mun sa'n. Ndɛ nga min Anannganman Nyanmiɛn n kan'n yɛ: ‹Izraɛl kankanfuɛ'm bɔ be ta be bɔbɔ bé wun'n be yako! ?Nán bua'm be yɛ ɔ fata kɛ bua tafuɛ'm be ta be-ɔ?

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Abakik 2:18

?Amuɛn mma'm be sɛlɛ'n yo nguɛ ye? ?Be nga be fa blalɛ be yi amuɛn ba mun'n, bɔ be yi be ayɛ be sin'n, ɔ ti-man ato? ?Like sɔ'm bɔ be si-man ijɔ, bɔ sran bɔbɔ yɛ ɔ yili be'n, ɔ yo sɛ yɛ man ɔ ko fɛ i wla'n gua be su-ɔ?

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

JÉSUS-CHRIST I DYASIN FE'N BO LUC KLELI'N 11:52

Amun mmla sifuɛ mun, an yako! Yɛlɛ kɛ sɛ ngwlɛlɛ'n wo sua kun nun'n, wuun be ´se kɛ i lakle'n wo amún sa nun, an klo-man kɛ an wlu lɔ, yɛ be nga be waan be ´wlu lɔ'n, an man-man be atin.»

Jean 16:3

Be ´yo amun sɔ yɛlɛ kɛ be si-man min nin e Si'n.

Jean 8:55

Sanngɛ an si-mɛn i, n liɛ'n n si i. Sɛ n se kɛ n si-mɛn i'n, wuun n ti ato buafuɛ kɛ amun sa. Sanngɛ n si i, yɛ n fɛ i ndɛ'n su.

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.

1 Samiɛl 2:12

Eli i mma'm be ti finfinfuɛ. Be bu-man Anannganman like fi.