Zeremi 2:7 - NYANMIƐN NDƐ'N 1998

⁷ N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zeremi 2:7 ပူးပေါင်းရင်းမြစ်များ

Neemi 9:25

Be fali klɔ nga talɛ si be wun'n mun ɔ nin asiɛ bɔ be yo like ye'n mun. Be fali sua bɔ ninnge kpakpa'm b'a yi be'n mun, nin nzue gbo bɔ b'a dun mmua kpɛ be'n mun, nin vinyi fie mun, nin olivie fie mun, ɔ nin waka nga be di be mma'n i sɔ kpanngbangban. Be dili like kpa be ku yili, be yoli sa lɔklɔlɔklɔɔ, be dili fɛ ɔ klun-ufue'n ti.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Ezai 19:25

Anannganman b'ɔ sie mɛn wunmuan'n, ɔ ´yra mɛn nunfuɛ'm be nguan ´se kɛ: «Man Eziptfuɛ'm bɔ be ti min sran'n be nyan ye! Man Asirifuɛ'm bɔ min yɛ n yili be'n, be nyan ye! Man Izraɛlfuɛ'm bɔ be ti min aja difuɛ'n, be nyan ye!»

Zeremi 16:18

N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Zeremi 3:1

Anannganman'n usa kɛ: «?Sɛ sran kun yrɛ i yi'n nan bla'n jaso ko ja bian uflɛ'n, kɛ ɔ o lɛ'n, yasua klikli'n kwla sɛ i sin ja bla sɔ'n ekun? ?Sɛ ɔ yo sɔ'n, nán tete yɛ ɔ'a bo i mɛn'n nun-ɔn? Sɛ n ´kwla se'n, a ko bo tekle'n lele, kpɛkuun a sa wɔ sin a ba min jalɛ ekun.

Zeremi 3:2

Man ɔ́ nyin'n su, nian oka mun nian. ?Ninfan cɛ yɛ w'a fa-man ɔ́ wun a man-man-an? A trannin atin'n nuan yɛ a minndɛli ɔ sran mun kɛ kakajefuɛ mun sa. A fa ɔ tekle bolɛ'n nin wɔ aeliɛ tɛtɛ'n saci mɛn'n.

Zeremi 3:9

Izraɛl fɛli i tekle b'ɔ ´bo-ɔ ɔ fia-man'n fa sacili mɛn'n. Ɔ yacili min lɛ ko sɔli yɛbuɛ mun nin waka mun.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 32:30

Kɛ ɔ fɛ i lalafuɛ nun lele'n, like nga n klo-mɛn i'n cɛ yɛ Izraɛlfuɛ mun nin Zidafuɛ'm be waan be fa man be man be `yo-ɔ. Izraɛlfuɛ'm b'a yaci-man min anwlɛn fɔkɔlɛ'n le.» Anannganman'n yɛ ɔ kan sɔ-ɔ.

Ezekiɛl 20:24

Sa ti bɔ n yo be sɔ'n yɛlɛ kɛ be fa-man min mmla'm be su, be bu-man mín nuan su ndɛ'n i ndɛ, be nian-man min wunmiɛn-delɛ-cɛn'n su, amuɛn nga be si'm be sɔ be'n yɛ be fa cici be ti-ɔ.

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Ezekiɛl 23:35

I sɔ'n ti, Anannganman Nyanmiɛn wan yoo: ‹Kɛ bɔ ɔ wla fili n su, bɔ a kacili ɔ sin a sili min'n ti, ɔ kusu a wa fɛ ɔ́ wlaka nin ɔ tekle i su afɛ'n.› »

Ezekiɛl 36:17

«Klɔ sran, kɛ laa Izraɛlfuɛ'm be tɛ o be mɛn'n nun lɔ'n, be nzuɛn'n nin be aeliɛ'n ti, be sacili. Min nyrun'n, be nzuɛn'n ɔ yoli fiɛn kɛ bla mannza sa.

Ndɛ Nga Nyanmiɛn I Nuan Ijɔfuɛ Oze Kannin'n 9:3

Efraimfuɛ mun, amun su kwla ka-man Anannganman'n i mɛn'n nun. Amun ´sa be sin Ezipt lɔ, yɛ amun ko di aliɛ ng'ɔ ti fiɛn'n Nyanmiɛn nyrun. Asiri lɔ yɛ amun ko di i sɔ nin-ɔn .

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

Kalɛ 13:27

Ndɛ nga be kan kleli Moiz'n yɛ: «E ɔli lele e juli mɛn nga a sunmannin e lɔ'n i nun lɔ kpɔ. Nanwlɛ o, ɔ ti mɛn kun bɔ lɔ asiɛ'n ɔ yo like ye kpa sakpa, i kunngba'n ti nnɛn tawlɛ klanman. Lɔ waka mma'n wie yɛ.

Mmla'n 21:23

nán man i fuɛn'n ka waka'n su lɛ. Amun `ka lɛ be `sie i le kunngba'n nun, afin sran nga be bo i kɔmin'n, wuun Nyanmiɛn boli i sannzan. Ɔ man nán amun fa saci asiɛ nga Anannganman amun Nyanmiɛn'n ɔ'a fa man amun'n .

Mmla'n 32:9

Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.