Zeremi 2:5 - NYANMIƐN NDƐ'N 1998

⁵ Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Zeremi 2:5 ပူးပေါင်းရင်းမြစ်များ

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

Jue Mun 115:8

Be nga be yo i sɔ amuɛn liɛ mun'n, bɔ be fa be wla gua bé su'n, be ti kɛ amuɛn sɔ'm be sa .

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 44:9

Be nga be yi amuɛn ba mun'n, nán like fi yɛlɛ be. Yɛ be ninnge nga be yi be'n, be ti ninnge ngbɛn-ngbɛn mun. Ninnge sɔ'm be nun'n, nga be waan be ti nanndoliɛ bɔbɔ'n, be kwla fa yo-man sa ye. Be nga be yi amuɛn mun'n, be ti be ninnge sɔ'm be lalofuɛ. Amuɛn sɔ'm be wun-man ase, yɛ be si-man sa fi. I ti'n, nyannzuɛn kun be nga be yi be'n.

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 2:31

?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:4

«Zakɔb akpasua sufuɛ mun, Izraɛl akpasua kunngun'n nunfuɛ mun, an `sie amún su be tie Anannganman i nuan ndɛ'n.»

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ezekiɛl 11:15

«Klɔ sran, ɔ niaan mun-ɔn, ɔ bɔbɔ ɔ niaan mun-ɔn, ɔ osufuɛ mun nin Izraɛl nvle wunmuan'n yɛ Zerizalɛmfuɛ'm be se kɛ: ‹Nán an fa amun wun mantan Anannganman. Be fali mɛn nga mannin ye kɛ ɔ ti e liɛ.›

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Zonas 2:8

Blɛ bɔ n wuli wieli'n, bɔ wunmiɛn fi nun-man min nun kun'n, mín nyin kpɛnnin wɔ su. Ɔ kusu, kɛ a o ɔ́ sua'n b'ɔ ti ɔ liɛ klonglo'n nun lɔ'n, a tili min srɛwa'n.

Matthieu 15:8

‹Sran nga'm be kɛn i bé nuan bui su kɛ be bu n sran, sanngɛ be anwlɛn nun-man min su.

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Mmla'n 32:21

Kɛ bɔ be fali like ngbɛn-ngbɛn nga be ti-man Nyanmiɛn'n be fa fɔkɔli min anwlɛn b'ɔ man ya kunnin min'n ti'n, n kusu n ´yo man be nyin ´ci nvle kun b'ɔ ti-man nvle kpa'n, yɛ n ´yo man nvle bɔ i nunfuɛ'm be si-man ngwlɛlɛ'n be ´fita be anwlɛn su.

1 Samiɛl 12:21

Nán amun kpaci ko su ninnge finfin'm bé su, afin ninnge sɔ'm be bɔn-man like fi, be de sran-an, ɔ yo-man ye, yɛlɛ kɛ be ti finfin like.