Zeremi 2:36 - NYANMIƐN NDƐ'N 1998

³⁶ ?Ɔ yo sɛ yɛ man a kaci ajalɛ ndɛndɛ sa-a? Ezipt'n kusu ɔ wa gua ɔ́ nyin ase kɛ Asiri'n fa guali ɔ́ nyin ase'n sa.

Zeremi 2:36 ပူးပေါင်းရင်းမြစ်များ

2 Be Nyoliɛ 28:16

Blɛ sɔ nun'n, famiɛn Akaz seli Asiri famiɛn'n kɛ ɔ wa ukɛ i,

Ezai 20:5

Ɔ man be nga be fa bé wla gua Etiopifuɛ'm be su'n, bɔ be fa Eziptfuɛ mun di bé nuan'n, srɛ dan kpa ɔ ´kun be, yɛ be ´wun nyannzuɛn.»

Zeremi 2:18

?Ezipt lɔ Nil nzue'n ba'n i nzue nɔnlɛ'n ɔ wa yo wɔ sɛ? ?Asiri lɔ Efrat nzue ba'n i nzue i nɔnlɛ'n ɔ wa yo wɔ sɛ?

Zeremi 2:23

«?Ɔ yo sɛ yɛ man a kwla se kɛ: ‹M'an yo-man fiɛn, m'an ko sɔ-man Baal nin-ɔn?› Sanngɛ wuun ɔ osu'n yɛ ɔ o kongo nun lɔ kɛ nyɔnngɔnmɛn talua wie b'ɔ sin kɔ wa sin kɔ wa'n sa.

Zeremi 2:33

Bian nga a klo be'n, a si bé wun atin'n kpɛ klanman. I dunman nun ti siɛn'n sa tɛtɛ yolɛ'n ti-man kekle ɔ́ sa nun.

Zeremi 22:20

«Zerizalɛm, sɛ a ti bla'n, wuun n ´se kɛ, fu Liban oka'n i ti su nglo nan kpan. Tike ɔ́ ti sun Bazan lika'n, jran Abarim oka'n su lɔ kpan, afin ɔ soman'm be kwlakwla be liɛ ɔ'a wie.

Zeremi 22:22

Aunngban'n ´fita wɔ atin klefuɛ'm be kwlakwla. Sran'm be ´tra ɔ soman'm be kwlakwla be lomuɛn be ´kɔ. Ɔ sa tɛ nga a yoli'n kwlakwla i nuan akatua bɔ a nyɛn i'n yɛlɛ nyannzuɛn. A su kwla-man ɔ́ ti su man.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Zeremi 37:7

«Min Anannganman bɔ n ti Izraɛl Nyanmiɛn'n, n waan yoo: ‹An `ko se Zida famiɛn'n b'ɔ sunmannin amun kɛ amun wa usa min sa'n kɛ yoo: Se kɛ sɛ Ezipt famiɛn i sonja'm bɔ be tuli ajalɛ kɛ be ´ba amun ukalɛ'n, be su sa bé sin be mɛn'n nun.

Zeremi 46:12

Ɔ nyin ng'ɔ utuli ase'n, nvle kun nga'm be tili. Ɔ kplinlɛ nga a kplin'n, ɔ lɛ-man lika kun nga b'a ti-man-an. Ɔ sonja'n kun nin i wiengu kun ko bo su kpɛkuun be nnyɔn'n be gua lɛ.

Ngwlɛ Yilɛ 4:17

E waan wuun sɛ mɛn uflɛ wie nun sran'm be ´ba e delɛ o. Y'a kplongblo e nyinma'n lele y'a fɛ ngbɛn. Y'a nian, y'a nian, e klun fɛfɛfɛ, kpɛkuun sran fi ɔ'a ba-man e delɛ .

Ngwlɛ Yilɛ 5:6

E yo Eziptfuɛ mun nin Asirifuɛ'm be atannin nan y'a nyan é nuan nun aliɛ y'a di.

Ezekiɛl 16:28

A nin Asirifuɛ mun amun sili blɔdɛ, yɛlɛ kɛ laa liɛ'n ɔ'a ju-man wɔ, ɔ nin i sɔ'n ngba'n, ɔ́ nyin a yi-man ng'ɔ o lɛ'n ekun.

Ezekiɛl 29:7

Be trali wɔ be sa nun, kpɛkuun a buli. Kɛ be kisali wɔ su'n, a kpacili. A yoli man kannin tuli be wati su. Yɛ a yoli man b'a nyan-man anwlɛn kun.›

Ndɛ Nga Nyanmiɛn I Nuan Ijɔfuɛ Oze Kannin'n 10:6

Be ´fa nannin ba sɔ'n kɔ lele Asiri, be ´fɛ i ko man famiɛn dan'n. Nyannzuɛn'n wa kun Efraimfuɛ mun kekleke. Atin nga Izraɛlfuɛ'm be fali'n, wa yo be nsisɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 5:13

Efraimfuɛ'm be wunnin be tukpacɛ'n, Zidafuɛ'm be kusu be wunnin bé wun kannin dan'n. Ɔ man Efraimfuɛ'm be nuan toli Asirifuɛ mun. Be sunmannin sran famiɛn dan'n i wun lɔ. Sanngɛ Efraimfuɛ mun famiɛn sɔ'n su kwla yo-man man amun jaso-man, ɔ su kwla yo-man amún kannin'n i ayre.

Ndɛ Nga Nyanmiɛn I Nuan Ijɔfuɛ Oze Kannin'n 7:11

Efraimfuɛ'm be ti kɛ auble wie mun bɔ be si-man ngwlɛlɛ bɔ akunndan nun-man bé ti nun'n sa. Be kpan flɛli Eziptfuɛ mun, kpɛkuun b'a sin b'a ɔ Asiri.