Zeremi 2:34 - NYANMIƐN NDƐ'N 1998

³⁴ Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 2:34 ပူးပေါင်းရင်းမြစ်များ

2 Famiɛn Mun 21:16

Sran nga b'a yo-man sa bɔ Manase kunnin be'n, be sɔnnin kpa. Sɛ e ´kwla se'n, sran sɔ'm be mmoja'n yili Zerizalɛm klɔ'n i bue kun lele fa kpɛn i bue kun lɔ . Sa tɛ ng'ɔ yoli b'ɔ fali Zidafuɛ mun yili nun'n, bɔ ɔ'a yo-man Anannganman fɛ i li wo i ngunmin.

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

Ezipt Lɔ Tulɛ'n 22:1

«Sɛ be fu awiefuɛ kun nun kɔnguɛ'n, b'ɔ su bu anuan ´ko wua'n, nan sɛ be finfin i like nan ɔ wu'n, ɔ ti-man sran kunlɛ.

Ezipt Lɔ Tulɛ'n 22:2

Sanngɛ sɛ wia'n ɔ'a jaso yɛ i sɔ sa'n ju'n, ɔ ti sran kunlɛ. Sɛ awiefuɛ kun wua like kun'n, ɔ `sie like sɔ'n i osu. Sɛ ɔ lɛ-man like fi'n, be `yo i atɛ kɛ kanga sa awie'n b'ɔ wuali'n ti.

Ezai 57:5

Amun kunndɛ amún wun terebɛnt waka'm bé bo nin waka nga nnya o bé su'n be kwlaa bé bo. Amun kpɛ ba kanngan'm be kɔmin nzue ba'm bé nuan nin yɛbuɛ buɛ'm be nun.

Ezai 59:3

Afin amún sa'm be su ti sran'm be mmoja ngunmin, yɛ sɛ n ´kwla se'n, sa tɛtɛ'm b'a yo amun sama'm be fiɛn. Kɛ amun tike amún nuan, ato yɛ amun fa amun nuan sɔ'n bua-a, yɛ gblɛ yɛ amun fa kpɛ-ɔ.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 19:4

Afin be kacili be sin be sili min. Be yoli lele man a wun lika nga-a, a si-mɛn i kun. Be yrali ansans mannin amuɛn wie mun bɔ bé si mun nin Zida famiɛn mun be si-man be laa'n nan se kɛ be bɔbɔ. Sran nga b'a yo-man sa'n, b'a kun be lele be mmoja'n ɔ'a yi lika sɔ'n.

Zeremi 2:33

Bian nga a klo be'n, a si bé wun atin'n kpɛ klanman. I dunman nun ti siɛn'n sa tɛtɛ yolɛ'n ti-man kekle ɔ́ sa nun.

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 4:14

Yɛ be kɔ klɔ'n nun sa du du du kɛ anyansifuɛ mun sa. Ɔ nin bé wun mmoja'n, be kan be tralɛ'n ɔ yo-man ye.

Ezekiɛl 20:31

Kɛ e ´se yɛ'n, amun tɛ yo amún wun fiɛn yɛlɛ kɛ amun tɛ sɔ amuɛn, yɛ amun kun amun mma mun be fa sɔ amuɛn mun. ?Izraɛlfuɛ mun, amun lafi su kɛ n ´yaci min wun lɛ kɛ amun usa min sa? Cɛcɛ, n ti Nyanmiɛn bɔ min nyin o su'n, n su yaci-man min wun lɛ kɛ amun usa min sa.› » Anannganman Nyanmiɛn yɛ ɔ kan sɔ-ɔ.

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Ezekiɛl 23:45

Sanngɛ yasua kpa'm be wa bu bla sɔ'm be fɔ bian bɔ be kunndɛ i bé wun bo'n nin sran bɔ be kun i'n ti. Yɛlɛ kɛ be ti bian be wun bo kunndɛfuɛ nin sran kunfuɛ.

Ezekiɛl 24:7

Mmoja'n tɛ o klɔ'n nun. Be fa guɛli yɛbuɛ treketreke bɔ like fi nun-man su'n i su. Asiɛ'n ɔ'a nɔnnɔn-man, yɛ sran fi a fa-man aunnyan a gua-man su.

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.