Zeremi 2:31 - NYANMIƐN NDƐ'N 1998

³¹ ?Ajulisufuɛ mun, an `sie amún su tie ndɛ nga Anannganman kan'n, i waan: «?Izraɛlfuɛ mun, m'an kaci amun nyrun kɛ aawlɛ flɛnnɛn sa annzɛ kɛ lika nga aosin'n dun su tritritri'n b'ɔ yo sro'n sa?» ?Min nvlefuɛ mun, nguɛ ti yɛ an ijɔ se kɛ: «Kan e klo kɛ e ´kɔ lɛ'n, e su kɔ! E su sa-man e sin ɔ́ wun» nin-ɔn?

Zeremi 2:31 ပူးပေါင်းရင်းမြစ်များ

1 Famiɛn Mun 11:22

Ezipt famiɛn'n usɛli i kɛ: «Kɛ a o wa'n, nguɛ yɛ ɔ mian wɔ ti yɛ a su srɛ atin ´kɔ ɔ mɛn'n nun-ɔn?» I waan: «Nán kɛ like mian min ti-ɔ, sanngɛ ɔ li man min atin man n wɔ.»

2 Be Nyoliɛ 31:10

Azaria b'ɔ ti Nyanmiɛn nyrun jranfuɛ'm be su kpɛn'n, b'ɔ fin Zadɔk awlo nun'n tɛli i su kɛ: «Kɛ ɔ fin cɛn bɔ sran'm be sɔ ninnge nga be fa be be fie'm be su'n i fa balɛ'n su'n, e di like-ɔ, e ku yi, yɛ i wie ka lɛ kpa, yɛlɛ kɛ Anannganman yoli i sran'm be ye dan. Like ng'ɔ kali'n, yɛlɛ ng'ɔ tian yɛ'n.»

Zɔb I Nyrɛnnɛn Wunlɛ 21:14

Kusu wuun be seli Nyanmiɛn kɛ: «Fɛ i sɔ liɛ'n jaso lɛ! Y'a se-man kɛ a kle ye wɔ atin'n!

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 12:4

Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Ezai 45:19

Ndɛ nga n kannin'n, m'an kɛn-mɛn i nvialiɛ nun, m'an kɛn-mɛn i asiɛ'n i lika tuun wie nun. M'an se-man Zakɔb osu nunfuɛ'm be kɛ be kunndɛ min kan like fi nun-man lɛ'n! Min, Anannganman n kan ndɛ ng'ɔ ti i su'n, n kan ndɛ nanwlɛ .»

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 2:25

Kɛ n se wɔ kɛ Izraɛl, nian ɔ́ wun, ɔ'a yo-man sɔ-ɔ ɔ́ ja'n kpla, ɔ konviabo'n ɔ ´wu kee'n, a tɛ min su kɛ: ‹Cɛcɛ, be yaci min diin! Aofuɛ mun yɛ n klo be-ɔ. Be su yɛ n ´su-ɔ.›

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Zeremi 5:6

I sɔ'n ti yɛ asɔmɔli'm be fin bo nun lɔ bɔ be fa be nyin wɔ be nin-ɔn. I sɔ'n ti yɛ blo alua mun bɔ be o lika kpɛtɛkplɛɛ'm be nun'n, be titi be nun nin-ɔn. I sɔ'n ti yɛ kangale'n bu sa be klɔ'm be sin ɔ titi be kwlaa nga be fin lɔ fite'n be nun nin-ɔn. Kannzu bé nyin kekle aeliɛ b'ɔ sɔnnin sa'n ti-ɔ. Be nyin kekle beblebe sa'n ti-ɔ.

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ndɛ Nga Nyanmiɛn I Nuan Ijɔfuɛ Oze Kannin'n 13:6

Kɛ amun nyannin aliɛ dili bɔ amun ku yili'n, yɛ amun boli amún wun tulɛ'n bo-ɔ.

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Mise 6:9

Anannganman se klɔfuɛ'm be kɛ be nga bé nyin yi i'n, be ´nyan bé ti. «Zida akpasua sufuɛ mun, amun kwlaa nga amun yia klɔ'n su yɛ'n, an `tie!

1 Korɛntfuɛ Mun 4:8

Kɛ e o yɛ'n, like kwlaa nga an kunndɛ'n, amu'an nyɛn i, amu'an nyan amun wun! An su di famiɛn é sin! Sɛ an di famiɛn'n, ɔ yo e fɛ, man e kusu e di wie!

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 32:15

Kɛ Izraɛl dili i sɔ like'n, bɔ i ku'n yili'n, b'a sɔn-mɛn i su kun. Kɛ ɔ wa cɛnnin b'ɔ yoli mlanmlan'n, kpɛkuun i Nyanmiɛn i ase yilɛ nun-ɔn, kusu wuun Nyanmiɛn yɛ ɔ yili i-ɔ. Ɔ yoli Nyanmiɛn i finfin, kusu wuun i yɛ ɔ sɛsɛ i-ɔ.

Mmla'n 32:18

«Izraɛl, ɔ́ wla fili ɔ sasafuɛ bɔ i yɛ ɔ wuli wɔ'n. Ɔ wla fili Nyanmiɛn bɔ i yɛ ɔ mannin ɔ nguan'n.»