Zeremi 2:27 - NYANMIƐN NDƐ'N 1998

²⁷ Be ko se waka'n kɛ: ‹A ti mín si.› Be ko se yɛbuɛ'n kɛ: ‹Wɔ yɛ a wuli min-ɔn.› Be nian-man min nyrun kun. Be kaci bé sin si min. Sanngɛ kɛ sa'n ɔ wa nyan be'n, kpɛkuun wuun be ´su kpan be ´sun flɛ min kɛ: ‹Bla a de ye.›

Zeremi 2:27 ပူးပေါင်းရင်းမြစ်များ

2 Be Nyoliɛ 29:6

E nannan'm b'a mantan-man Anannganman e Nyanmiɛn'n. Be yoli sa ng'ɔ yo-mɛn i fɛ'n, be kacili be sin sili i. Be kacili bé sin sili i sua'n, b'a kpɛ-man bé nyin Anannganman su lɔ kun.

Ezai 26:16

Anannganman, blɛ bɔ sa kekle tɔli be su'n, be fali be wun mantannin wɔ. Kɛ a tuli be fɔ'n, be srɛli wɔ.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 18:17

Kɛ be nyinma ´gua be kpɔfuɛ'm bé wun cɛ'n, wuun m'an yo man b'a bo b'a sanndi. Be nyrɛnnɛn cɛn sɔ nun'n, n ´kaci n sin n ´si be.»

Zeremi 2:24

A ti kɛ blo aflunmun bla bɔ aawlɛ flɛnnɛn nun yɛ ɔ tran'n sa. Kɛ i like'n ko fu i'n, wuun ɔ su siesie i bue, yɛ i wlɛwlɛ liɛ'n i ti be trɛ i-ɔ, ɔ la. Kɛ i anglo'n ko ju'n, i kunndɛlɛ yo-man ya aflunmun yasua'm bé sa nun.

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 3:9

Izraɛl fɛli i tekle b'ɔ ´bo-ɔ ɔ fia-man'n fa sacili mɛn'n. Ɔ yacili min lɛ ko sɔli yɛbuɛ mun nin waka mun.

Zeremi 30:7

Nguɛ nyrɛnnɛn liɛ yɛlɛ nga! Afin cɛn sɔ'n yo sro, be nian wun-mɛn i sɔ cɛn'n wie le. Ɔ ti Zakɔb osufuɛ mun be awlaboɛ blɛ. Sanngɛ be ´fin nun fite .»

Zeremi 32:33

B'a kpɛ-man bé nyin mín wun wa. Bé sin yɛ be kaci sili min-ɔn. Nán kɛ b'a kle-man be ngwlɛlɛ-ɔ. Nán andɛ yɛ be boli be ngwlɛlɛ klelɛ'n bo-ɔ. Sanngɛ nán kɛ be wa sie be su nan se kɛ be ´tie ndɛ nga be kan'n ti-ɔ.

Zeremi 37:3

Sanngɛ famiɛn Sedesias sunmannin Selemia i wa Zikal ɔ nin Maazeza i wa Sofoni ng'ɔ ti Nyanmiɛn nyrun jranfuɛ'n kɛ be ko se Zeremi kɛ: «Srɛ Anannganman e Nyanmiɛn'n man ye.»

Zeremi 42:2

«E bali wɔ like srɛlɛ, i ti-ɔ, nian e nyrun. Srɛ Anannganman ɔ Nyanmiɛn'n man ye. Laa e sɔnnin kpa, sanngɛ e nga y'a ka'n yɛlɛ e kaan ng'ɔ bɔbɔ nyin ta e yɛ'n.

Ezekiɛl 23:35

I sɔ'n ti, Anannganman Nyanmiɛn wan yoo: ‹Kɛ bɔ ɔ wla fili n su, bɔ a kacili ɔ sin a sili min'n ti, ɔ kusu a wa fɛ ɔ́ wlaka nin ɔ tekle i su afɛ'n.› »

Ezekiɛl 8:16

Ɔ fali min ɔli i sua'n i awlo'n klun lɔ. N ´nian-an, Nyanmiɛn i sua'n i anuan'n nun lɔ, sua'n i nyrun ala kaan'n nin Nyanmiɛn sɔwlɛ'n be afiɛn'n nun lɛ'n, sran ko ju ablaɔn-nin-nnun b'a kaci bé sin b'a si Nyanmiɛn i sua'n, bé nyin kpɛ wia afiliɛ lɔ, b'a koto be su su wia'n.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Ndɛ Nga Nyanmiɛn I Nuan Ijɔfuɛ Oze Kannin'n 4:12

Waka sran'n yɛ be ko usɛ i sa-a. Waka losin'n yɛ ɔ ko ijɔ kle be-ɔ. Tekle silɛ'n mlinnin be. Afin be wlaka bolɛ sɔ'n ti be nin min ye afiɛn'n tili nun.

Ndɛ Nga Nyanmiɛn I Nuan Ijɔfuɛ Oze Kannin'n 5:15

N ´kɔ, n ´sa mín sin min tranwlɛ'n nun lɔ lele san bé tɛ nga be yoli'n ɔ ´fite bé nuan. Ɔ ´fite bé nuan kpɛkuun be ´sa be sin mín wun. Cɛn nga nyrɛnnɛn'n tɔ bé su'n, be ´usa min osu.»

Ndɛ Nga Nyanmiɛn I Nuan Ijɔfuɛ Oze Kannin'n 7:14

Be kpan flɛ min kɛ n wa de be, sanngɛ min flɛlɛ sɔ'n ɔ jɔ-man be klun kpa. Kɛ be la'n, be bu-man be nyinma, be kpli be bɛ'n su kplakplakpla. Be liɛ'n be bu i kɛ, kɛ be bobo bé wun kannin'n yɛ be wa nyan aliɛ be ´di-ɔ, yɛ be ´nyan nzan lɔflɛ be ´nɔn-ɔn. Kusu wuun kɛ ɔ ´yo sɔ'n, wuun e nin be ye afiɛn'n ɔ'a saci.