Zeremi 2:26 - NYANMIƐN NDƐ'N 1998

²⁶ Cɛn kun Izraɛlfuɛ'm be wa wun nyannzuɛn kɛ awiefuɛ bɔ b'a trɛ i'n sa, i sran ngbɛn mun o, i famiɛn mun o, i famiɛn i awlo lɔ sran dandan mun o, i Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, be wa wun nyannzuɛn.

Zeremi 2:26 ပူးပေါင်းရင်းမြစ်များ

Ɛsdras 9:7

Kɛ ɔ fɛ e nannan'm be blɛ su lele b'ɔ ´fa ju ndɛ'n, sa tɛ nga y'a yo i ɔ́ wun'n ti dan. I ti yɛ man mɛn'n nun famiɛn'm be trali ye, nin e famiɛn, nin e Nyanmiɛn nyrun jranfuɛ mun e lomuɛn nin-ɔn. Yɛ i ti man alɛ ɔ'a di ye, y'a kaci kanga, e o be nga be fɛn sran'm be bo ninnge'm bé sa nun, nyannzuɛn'n ɔ'a kun ye kpo. I wie yɛ e tɛ o nun ndɛ yɛ.

Jue Mun 97:7

Be nga waka sran mun yɛ be sɔ be'n, bɔ be manman ninnge finfin mun'n, be ´wun nyannzuɛn. Ɔ lɛ-man amuɛn kun b'ɔ bu-man Nyanmiɛn like-ɔ.

Ezai 1:29

Waka dandan bɔ amun klo be sɔlɛ'n, amún sa sin wa bubu amun be ti. Amuɛn bo bɔ amun kpɛ be'n, nyannzuɛn wa kun amun be dunman nun.

Ezai 44:11

Be nga be yi ninnge sɔ mun'n, be kwlaa'n be ´wun nyannzuɛn. Be nga be di junman sɔ'n be ti sran. Kannzɛ man be kwlaa be tian bé nuan nan be bla, srɛ ´kun be yɛ nyannzuɛn ´kun be.

Ezai 44:9

Be nga be yi amuɛn ba mun'n, nán like fi yɛlɛ be. Yɛ be ninnge nga be yi be'n, be ti ninnge ngbɛn-ngbɛn mun. Ninnge sɔ'm be nun'n, nga be waan be ti nanndoliɛ bɔbɔ'n, be kwla fa yo-man sa ye. Be nga be yi amuɛn mun'n, be ti be ninnge sɔ'm be lalofuɛ. Amuɛn sɔ'm be wun-man ase, yɛ be si-man sa fi. I ti'n, nyannzuɛn kun be nga be yi be'n.

Zeremi 2:36

?Ɔ yo sɛ yɛ man a kaci ajalɛ ndɛndɛ sa-a? Ezipt'n kusu ɔ wa gua ɔ́ nyin ase kɛ Asiri'n fa guali ɔ́ nyin ase'n sa.

Zeremi 22:22

Aunngban'n ´fita wɔ atin klefuɛ'm be kwlakwla. Sran'm be ´tra ɔ soman'm be kwlakwla be lomuɛn be ´kɔ. Ɔ sa tɛ nga a yoli'n kwlakwla i nuan akatua bɔ a nyɛn i'n yɛlɛ nyannzuɛn. A su kwla-man ɔ́ ti su man.

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 4:9

Anannganman'n wan yoo: «I blɛ sɔ nun'n, famiɛn'n i sa sin ´bubu i, i awlo lɔ sran dandan mun be kusu be sa sin ´bubu be, min nyrun jranfuɛ'm bé wun ´usu be, min nuan ijɔfuɛ'm be su si-man wie se.»

Zeremi 48:27

?Nán wɔ yɛ a yoli Izraɛl finfin nin-ɔn? ?A ko trɛli i nin awiefuɛ mun i ti yɛ man a ´kɛn i ndɛ'n a keje ɔ ti a yo i finfin nin-ɔn?

Ezekiɛl 16:54

kɛ ɔ ´yo nan ɔ nyannzuɛn ɔ'a ti wɔ, nan i kwlaa nga a yoli'n, w'a si kɛ ɔ ti nyannzuɛn sa'n ti. Kɛ a ko kan ase sɔ'n, be ´nyan fɔnvɔlɛ .

Ezekiɛl 22:26

Be sraka yifuɛ'm be fɔn min mmla mun, yɛ be bu-man lika nga be ti n liɛ klonglo'n be like fi. Be si-man like ng'ɔ ti n liɛ klonglo'n nin ng'ɔ ti-man n liɛ mlɔnmlɔn'm be ngbaciɛ. Be kle-man sran'm be like ng'ɔ ti saun'n nin ng'ɔ ti-man saun'n be ngbaciɛ. Be nyinfu be di-man min wunmiɛn-delɛ-cɛn'n su. Yɛ sran fi nyin yi-man min. Anyinyiɛ ng'ɔ fata kɛ be fa man min'n, be fa man-man min.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.